Ayaş ~ آياش
Kamus-ul'Alam - Ayaş ~ آياش maddesi. Sayfa: 506 - Sira: 5
Ayaş - آياش
آطنه ولایتنك ایج ایل سنجاغنده مركزلوا اولان سلفكه قضاسنه ملحق بر ناحیه در، كه قضانك شرق شمالی جهتنده واقع اولوب، مركزی (لیموس) نهری منصبنك صاغ طرفنده بولنان (لیموس) قریه سیدر. ساحل بوینجه ممتد اولان اراضیٔ بسیطه سنده ناحیه اهالیسنی اداره ایده بیله جك مقدارده حبوبات یتیشوب، ایج طرفلری طاغلق اولمغله، اورالرینك اهالیسی چوبانلقله اشتغال وقویونلرینك یوكندن كلیم وچوال كبی بعض شیلر نسج ایدرلر. مركز ناحیه نك جنوب جهتنده بولنان (آیاش) قلعه سنك اطرافنده وناحیه نك ساىٔر طرفلرنده بر طاقم آثار عتیقه بولنیور.
Kamusul Alam, Şemseddin Sami; Kamusul Alamde Ayaş maddesi. osmanlıcada Ayaş ne demek, Ayaş anlamı manası, Ayaş osmanlıca nasıl yazılır. Osmanlıca sözlükte Ayaş hakkında bilgi. Arapça Ayaş ne demek. Arapça osmanlıca sözlük. Farsçada Ayaş anlamı
Kamusul Alamde - آياش Ayaş maddesi. Şemseddin Sami, Kamusul Alam Ansiklopedisi