SantaQuaranta ~ آياسراندی
Kamus-ul'Alam - SantaQuaranta ~ آياسراندی maddesi. Sayfa: 505 - Sira: 6
SantaQuaranta - آياسراندی
یاخود سراندوس آرناؤدلغك ساحل غربیسنده یانیه ولایتنك اركری سمجاغنه تابع دلوینه قضاسی داخلنده بر اسكله در، كه بعض دفعه ناحیه مركزی دخی اتخاذ اولنمشدر. كه بعض دفعه ناحیه مركزی دخی اتخاذ اولنمشدر. (اوغخیسموس) شهر قدیمنك خرابه لری كنارنده واقع اولوب، بر كمروك وقرنتینه داىٔره سیله لویید واپورلری آجنته سنك اداره خانه سنی وبر خان ایله بر قاچ مغازه یی حاویدر. قورفه جزیره سنك منتهای شمالیسی قارشیسنده اولوب، بتون اركری سنجاغنك اسكله سی ویانیه نك اسكله لرندن بری اولمغله، تجارتكاه بر یر اولوب، خیلی كمیلر وهفته ده ایكی دفعه لویید قومپانیه سنك بركوچك واپوری اوغرار. لیمانی پك محافظه لی دكل ایسه ده، یاپلمسی قولایدر. هواسی ملایم وغایت صاغلام اولوب، آنجق طاتلی صویی یوقدر. اسكی شهر اسكله نك شمال جهتنده اولوب، قلعه سی واكثر خانه لرینك دیوارلری وصهرنجلری الآن قاىٔمدر. بو شهر پك اسكی اولوب، میلادك آلتنجی عصرینه دك معمور اولدیغی حالده، ٥٥۰ تاریخ میلادیسنده او طرفلره براً وبحراً هجوم ایدن (غوت) لر تخریب ایتمشلردر. اسكله نك جنوب شرقیسنده بر تپه اتكنده بیولك اوزرنده برمناستر ایله یر آلتنده قرق كوچك اوطه بولنیور، كه اسكی زمانده هر برىٔده بر كشیش اختیار انزوا ایتدكندن، موقع ((قرق عزیزلر )) دیمك اولان (آیا سراندی) ودها طوغریسی (آیی سارانده) تسمیه اولنمشدر.
Kamusul Alam, Şemseddin Sami; Kamusul Alamde SantaQuaranta maddesi. osmanlıcada SantaQuaranta ne demek, SantaQuaranta anlamı manası, SantaQuaranta osmanlıca nasıl yazılır. Osmanlıca sözlükte SantaQuaranta hakkında bilgi. Arapça SantaQuaranta ne demek. Arapça osmanlıca sözlük. Farsçada SantaQuaranta anlamı
Kamusul Alamde - آياسراندی SantaQuaranta maddesi. Şemseddin Sami, Kamusul Alam Ansiklopedisi