آوروپا

Osmanlica ansiklopedi kamus alemde آوروپا maddesi. Sayfa:454


Europe - آوروپا

كرۀ ارضك قطعات خمسه سندن بری اولوب، آوسترالیادن بشقه اك كوچكلری و حقیقتده آسیانك بر شبه جزیره سی اولدیغی حالده، هوا و اراضیسنك كوزللكری، و علی الخصوص اهالیسنك مدنیتیله او مدنیت سایه سنده ناىٔل اولدیغی معموریت حسبیله، قطعات خمسه نك برنجیسی حكمنه كچمشدر. اسكی یونانیلر بو اسمی اساطیردن مأخوذ عد ایدوب، مشترینك اوطرفه قاچیرمش اولدیغی (اوروپا) نام قیزك اسمیله تسمیه ایدلمش اولدیغی فكرنده ایدیلر. دیكر بر ظنه كوره، ((واسع)) دیمك اولان (اوری) كلمۀ یونانیه سندن مشتق اولوب، ابتدا واسع اووه لری حاوی اولان (تراكی) یعنی ادرنه ولایتنه ویرلمش، و بعده بتون اوروپایه تعمیم اولنمشدر. بر روایته كوره ده ((مغرب)) معناسیله فنیكه لساننده بر كلمه اولوب، اك اول او طرفلره كیدن فنیكه بحریونی طرفندن وضع اولنمشدر. موقعی، حدود و مساحه سی. _ سواحلنك پك كیرنتیلی چیقنتیلی اولمسیله برابر، بو قطعه نك شكل عمومیسی بر مثلث صورتنده اولوب، رأسی

غرب جنوبی جهتنده سبته بوغازنده، و اساسی شرق شمالی طرفنده (اورال) سلسلۀ جبالنده در. بو وجهله قافقاس سلسله سنه طیانان شرق جنوبی جهتندن بشقه هر طرفی صو ایله محاط اولوب، شمالاً بحر منجمد شمالی ایله، غرباً شمالی دكیزی و بحر محیط آطلاسی ایله، جنوباً آق دكیز، مرمره، قره دكیز و قافقاسله، شرقاً دخی اورال سلسلۀ جبالیله، (اورال) نهریله و بحر خرزله محدوددر. شمال جهتنده كی آز یرندن ماعداسی كاملاً اقالیم معتدله دندر. اك جنوبی نقطه سی اولان سبته بوغازنده كی (طریف) موقعی ً٥٣ َ٥٩ ْ٣٥ ، و اك شمالی نقطه سی اولان لاپونیاده كی ((شمال برونی )) َ١۰ ْ٧١ عرض شمالیده واقع اولوب، آوروپایه منسوب آطه لر دخی حساب اولنورسه، اك جنوبیسی اولان كرید ْ٣٥، و اك شمالیسی اولان (یكی زمبله) َ٣۰ ْ٧٦ عرض شمالیده؛ اك غربی نقطه سی اولان لیسبونه قربنده كی (بوقه) برونی َ٥۰ ْ١١ طول غربیده ؛ و‌ اك شرقی جهتی دخی ْ٦٤ طول شرقیده واقعدر. شرق شمالیدن غرب جنوبی یه طوغری اولان طول اعظمی ٥۰۰۰ ، و موره نك منتهای جنوبندن شمال بروننه قدر جنوبدن شماله اولان طول اعظمی دخی ٤۰۰۰ كیلومتره در. مساحۀ سطحیه سی تقریباً ۰۰۰ ٩۰ ٩ مربع كیلومتره، و اهالیسی تقریباً ٣٤۰ ملیوندر. احوال طبیعیه سی، اسباب تمدنی. _ آوروپا قطعه سی قومشولری اولان آسیا، آفریقا و آمریقادن چوق دها كوچك اولوب، عادتا آسیانك بر شبه جزیره سی، و روسیه ایله اسوج و نوروج استثنا اولنسه، بتون آوروپا آسیا قطعه سنك بر كوچك خطه سی حكمنده اولدیغی كبی، نه نیل، یانغچه و آمازون كبی بر بیوك نهری، نه آند و هیمالایه كبی بر جسیم طاغی، نه كندینه مخصوص نباتات و حیواناتی، نه كثرتلی آلتون، كومش و ساىٔره معدنلری، نه ذی قیمت طاشلری، هیچ بویله بر ثروت طبیعیه سی یوقدر. طبیعت بو قطعه یه فوق العاده اوله رق، هیج بر نعمت ویرمه مشدر. و هر شیسی كوچك مقیاسده در. حال بویله ایكن، آسیا ویا آمریقاده اولسه آنجق بر دولت تشكیل ایده بیله جك ویا بردولتك اهمیتسز بر ستملاكی اوله بیله جك قدر كوچك اولان بو قطعه ده بوكونكی كونده قوت و شو كتلریله دنیایی دترتن، و كرۀ ارضك

او جسیم قطعه لرینی استملال و تصرف ایدن بو قدر بیوك دولتلر تشكل ایتمشدر. اهالیسنك معارفی، صنایعی، اختراعات و كشفیاتی، محیرالعقول اولان جسیم جسیم تشبثاتی بر درجه یه وارمشدر، كه‌ بو قطعه كرۀ ارضك مركزی، خلاصه سی، اك منتخب یری حكمنه كچمشدر. واقعا بوكون آمریقانك بعض طرفلری همان آوروپا ایله رقابت ایده بیله جك درجه یه كلمش ایسه ده، او یرلری ده بو درجۀ مدنیته ایصال ایدن، و دها طوغریسی او اوزاق یرلرده دخی تمدن ایدن ینه آوروپالیلردر. او مدنیتلر آوروپا باغ مدنیتنك اورالرده یكی دیكلمش تازه فدانلریدر. مدنیت ال اول آوروپاده ظهور ایتمیوب، بو قطعه دن اول هندو چین، وادىٔ فرات، سوریه و مصرده بولنمش ایكن، اورالرده ثبات ایده میوب ده، آوروپاده بو قدر ترقی ایتمسنك، وبو كون آوروپا قطعه سنك كرۀ ارضك هر طرفندن زیاده معمور اولمسنك اسبابنی محققین بو قطعه نك احوال طبیعیه و جغرافیه سنده ارامشلردر. اوت، یوقاریده دیدیكمز كبی، آوروپا قطعه سنك كوزه چارپه جق بر ثروت طبیعیه سی یوقدر، لكن شكل و وضعیتی، اقلیم و هواسی وساىٔر احوال طبیعیه سی استحصال ثروتله كسب معموریت ایتمسنه پك مساعددر. حقیقةً آوروپانك هواسی كرۀ ارضك هر یرندن كوزل اولوب، نه یازین طیانیله میه جق صیجاق، نه قیشین تحمل اولنه میه جق قدر صوىٔوق اولور؛ قار ویاغمور معتدل صورتده و لزومی قدت یاغار؛ چوللری و اسباب متعدده ایله غیر قابل سكنی یرلری یوقدر؛ هر طرفی دكیزله محاط اولدقدن بشقه، ساحللری او قدر كیرنتیلی چیقنتیلی و كورفز و خلیجلری او قدر چوقدر، كه هر طرفندن دكیز تا مركزینه محللرینه قدر كیروب،‌ دكیزدن پك اوزاق یرلری یوقدر. دكیزك ایسه اسكیدن بری انسانلرك اختلاطلرینه و تعاطیٔ افكار و استحصال ثروت ایتملرینه نه قدر الویریشلی اولدیغی معلومدر. نهرلری، قطعات ساىٔره انهارینه نسبةً كوچك و سرعتلی اینیشلر، و منصبلرنده قیا و قوم سدلری تشكیل ایتمیوب، اكثریسی سیر سفاىٔنه صالح اولمغله، دكیزك محسناتنی تاقره لرك اورته لرینه قدر تعمیم ایدرلر. یاغمورلرك یاز قیش اكسیك اولمامسیله صولرك

طوپراغی ایچنه كیرن (آزاق) دكیزندن عبارتدر. [((آق دكیز )) ماده سنه مراجعت بیوریله.]‌ بو دكیزلرك اكثریسی بربرلریله بر طاقم بوغازلرله اختلاط ایدیور، كه بونلر دخی تاریخ و سیاست نقطۀ نظرندن خیلی اهمیتی حاىٔزدرلر. (اسقاكرراق) بوغازی بحر شمالی ایله (قاتغات) دكیزی، و (سوند) بوغازی دخی قاتغات دكیزیله بالطیق دكیزی آره سنده واسطۀ اختلاطدر. بحر شمالیدن (مانشه) دكیزینه (پادوقاله) بوغازندن كچیلیور. (سبته) بوغازی بحر محیط آطلاسی آق دكیز، (مسینه) بوغازی (تیرنیا) دكیزیله (یونان) دكیزی، (اوترانته) بوغازی آدریاتیق ایله یونان دكیزلری، (قلعۀ سلطانیه) بوغازی آطه لر دكیزیله مرمره، (استانبول) بوغازی مرمره ایله قره دكیز، (یكی قلعه) بوغازی دخی قره دكیزله آزاق دكیزی آره سنده واسطۀ اختلاطدر. سواحلیله شبه جزیره لری. _ كرۀ ارضك اوزرنده آوروپا قطعه سی قدر سواحلی كیرنتیلی چیقنتیلی و شبه جزیره و كورفزلری چوق هیچ بر یر یوقدر. شمالده كی شبه جزیره لری باشلیجه (اسقاندیناو) یعنی اسوج و نوروج شبه جزیره سیله (یوتلاند) یعنی دانیمارقه شبه جزیره سندن عبارتدر. جنوب جهتنده كیلر ایسه دها چوق اولوب، غرب جهتنده سپانیا وپورتكیزی شامل اولان (ایبریا) ، اورته ده (ایتالیا)، شرقده دخی روم ایلی ایله حكومات صغیرۀ بالقانیه یی و نونانی شامل اولان (بالقان) شبه جزیره لری، و بالقان شبه جزیره سنك منتهای جنوبنده بولنان (موره) شبه جزیره سی قره دكیزك ایچنده دخی (قریم) شبه جزیره دی بولنیور. بو شبه جزیره لرله ساىٔر كیرنتی و چیقنتیلر آوروپا سواحلنك چوغالمسنی موجب اولمغله، بو سواحلك مجموعی ۰۰۰ ٢٧ كیلومتره دن آشاغی اولمیوب، آوروپانك اوچ مثلی جسامتنده اولان آفریقا سواحلندن ٥۰۰۰ كیلومتره دها زیاده در. آطه لری . _ آوروپانك اطرافنده بر چوق آطه لر بولنیور. كه ایچلرندن بعضیسی خیلی بیوكدر، و چوغنك جسامت طبیعیه لرندن زیاده اهمیت تاریخیه و سیاسیه لری واردر. برنجی درجه ده (برتانیا) آطه لریدر. كه ایكی بیوك ایله بر چوق كوچك آطه لردن مركبدر. بیوكلرینك اك بیوكی نفس انكلتره ایله و الس واسقوچیایی شامل اولان انكلتره، ایكنجیسی

كثرتی مرعا و چایرلرینك چوقلغنی موجب اولوب، بوده ثروت بشریه نك اك مهم اركانندن اولان حیوانات اهلیه نك چوغالمسنی موجب اولور. ایشته، بو اسبابك‌ جمله سی مدنیتك ترقی و توسع ایتمسنی موجب اولمغله، آسیا و آفریقادن كلمش اولان مدنیت آوروپا قطعه سنه دخول ایدنجه، شرق جنوبیدن غرب شمالی یه طوغری توسع ایتمكه باشلامش؛ و اهالی مدنیتدن جزىٔی حصه مند اولنجه، موقعلرینك ابراز ایتدیكی تسهیلاتدن بالاستفاده، كوندن كونه اسباب معموریتی تكثیره چالیشه رق، بو كونكی كونده كوردیكمز حاله كلمشلردر. دكیزلرله بوغازلری. _ آوروپایی احاطه ایدن دكیزلر قره لرك ایچنه كیروب، ایكنجی درجه ده بر طاقم دكیزلرله بعض واسع كورفزلر تشكیل ایدیورلر. بو قبیلدن اوله رق، بحر منجمد شمالی آوروپانك منتهای شمالنده(قره) كورفزیله (شمالی آق دكیز) ی تشكیل ایدیور. بحر محیط آطلاسی انكلتره ایله بلچیقه، فلمنك، آلمانیا، دانیمارقه و نوروج آره سنده (بحر شمالی) یی، و بو دكیز دخی (قاتغا) بوغاندن صوقیله رق، دانیمارقه، آلمانیا، روسیه و اسوج آره سنده (بالطیق) دكیزینی تولید ایدیور، كه بوندن دخی (بوتنیا) و (فینلانده) كورفزلری ناملریله ایكی كورفز آیریلوب، برنجیسی اسوج ایله روسیه آره سنده تا (لاپونیا) یه قدر، و ایكنجیسی دخی روسیه طوپراغنده تاپترسبورغك قربنه دك ممتد اولور. دها آشاغیده ینه بحر محیط آطلاسیدن انكلتره ایله ایرلانده آره سنده (ایرلانده دكیزی) ، انكلتره ایله فرانسه آره سنده (مانشه) دكیزی، فرانسه ایله اسپانیا آره سنده دخی (غاسقونیه) كورفزی آیریلیور. آوروپانك جنوبنده ایسه بحر محیط آطلاسی سبته بوغازی دنیلن طار بر كچیددن صوقیله رق، (آق دكیز) كبی بیوك بر بحر تشكیل ایدیور. سواحلی اسكیدن بری مدنیت بشریه نك بشیكی حكمنده بولنمش؛ و آسیا و آفریقا ایله آوروپا آره سنده داىٔما تعاطىٔ افكار و تجارته واسطه اولمش اولان بو دكیزك شمال جهتنده آیریجه دكیز دنیله بیله جك قدر بیوك بر طاقم كورفزلر بولنیور، كه بونلرده ایتالیانك اطرافنده بولنان (تیرنیا) ، (یونان‌) و (آدریاتیق) دكیزلریله ممالك عثمانیه نك آره سنده بولنان (آطه لر دكیزی)، (مرمره) و (قره دكیز) دن وبرده روسیه

ایرلانده آطه سیدر. وایت، سورلینغ، آنغلسی، مان، هبریده، اورقاده وشتلاند طاقملری دخی انكلتره آطه سنك اطرافنده بولنیورلر. اوروپانك شمال غربیسنده و (غروىٔنلاند) ك قربنده بولنان (ایسلانده) جزیرۀ كبیره سیله اونك بریسنده بولنان (فرایر) آطه لری و منتهای شمالده كی (اسپیپبرغ) ایله (یكی زمله) و (فرانسو آیوسف) آطه لری اوروپادن معدود ایسه لرده، بونلر هر جهتجه آوروپادن زیاده قطب شمالی اقطارینه منسوب عد اولنمق اقتضا ایدر. بحر محیط آطلاسی جزایرندن اوله رق، نوروج سواحلنده (لوفودن) آطه لری و بالطیق دكیزنده آلاند، غوتلاند، داغو، اوسل، اولاند، بورنهولم، روكن آطه لری و دانیمارقه جزایرینك باشلیجه لری اولان سلاند، فیونیا ویوتلاند آطه لری بولنیور. فرانسه نك سواحلنده یالكز نورماندیا آطه لریله (ره) و (اولرون) جزیره لری واردر. آق دكیزده كی آطه لرك تعدادی مشكل اولوب، همان جمله سنك اهمیت تاریخیه لری وار ایسه ده، یالكز باشلیجه لری بروجه آتی تعداد اولنور : غربی آق دكیزده میورقه و مینورقه یی شامل اولان (بالیار) طاقمیله قورسیقه، ساردنیا و (البه) آطه لری ؛ آق دكیزك ایكی قسمنك محل التصاقنده سیچلیا جزیرۀ كبیره سیله اونك اطرافنده بولنان و بر كانلریله مشهور اولان (لیپاری) آطه لری و سیچلیانك جنوبنده كی مالطه آطه سی؛ یونان دكیزنده جزایر سبعه و علی الخصوص قورفه ایله كفالونیا : آدریاتیق دكیزنده دالماچیا آطه لری ؛ آطه لر دكیزنده كرید، آغریبوز وساىٔر یونان آطه لریله آطه لر دكیزنده كرید، آغرریبوز وساىٔر یونان آطه لریله (طاشو) و سمدرك جزیره لری بولنیور. طاغلری، اووه لری ماىٔله لری. _ آوروپا قطعه سی ایكی بیوك ماىٔله یه منقسمدر، كه بری شمال غربی یه طوغری ناظر اولوب، صولرینی بحر منجمد شمالی یه، بالطیق دكیزینه، بحر شمالی یه و بحر محیط آطلاسی یه دوكر؛ دیكری ایسه جنوب شرقی یه ناظر اولوب، صولرینی آق دكیزه، قره دكیزه و بحر حززه دوكر. آنجق بو ایكی ماىٔله یی تفریق ایتمك اوزره، بو قطعه نك بر یانندن بر یاننه قدر بر صره جبال متسلسله اوزانمیوب، جبل طارقدن سیبریا حدودینه قدر تقسیم میاه خطی مختلف صورتلرده كوریلور: وغایت طولاشیقلی اولوب، بعض یرلرده جسیم طاغلردن، بعض محللرده دخی ارتفاعی حس اولنمیه جق قدر آلچق

اووه لردن عبارت بولنیور. بو خطك اوزرنده پیرنه، آلپ، قارپات و اورال كبی آوروپامك اك بیوك سلسله لرندن بعضیسنه تصادف اولنیورسه ده، خط تقسیم میاه بو سلسله لرك صیرتلرنجه كیتمیوب، كرك جبال مذكوره نك قسم اعظمی و كرك ساىٔر بیوك طاغلر سلسله لری خط تقسیم میاهك خارجنده بولنیورلر. آوروپانك اك بیوك طاغلری بروجه زیر ١٤ طاقمه تقسیم اولنه بیلیر ١‌ ً،ایبریا طاقمی، كه اسپانیا ایله پورتكیز طاغلرینی جامع اولوب، بونلرك اك یوكسكی (سیرانواده) سلسله سیدر، كه اك مرتفع ذروه سی اولان (مولی حسن) طاغنك ٣٥٥٤ متره ارتفاعی واردر. (سیرا مورنا) ایله (سیرا غوادارما) و دها طوغریسی (وادی الرمال) و (سیرا غردوس) دخی بو طاقمك جملۀ جنالندن اولوب، آشاغی یوقاری ٢٥۰۰ متره ارتفاعلری واردر. ٢ ً، پیرنه طاقمی، كه اسپانیایی فرانسه دن آیردقدن صكره، (آستوریا) و (غالیچه) طاغلری ناملریله اسپانیانك منتهای غرب شمالیسنده اولان (فنیستره) بروننه قدر ممتد اولور. بو طاقمك یعنی پیرنه سلسله سنك اسپانیا حدودی داخلنده اك مرتفع ذروه سی (مالدته) طاغنك (نتون) نام ذروه سی اولوب، ٣٤٤۰ متره؛ و فرانسه حدودی داخلنده دخی (وینمیال) ذروه سی اولوب، ٣٢٩٨ متره ارتفاعلری واردر. ٣ ً، سوانه طاقمی، كه فرانسه نك قسم جنوبیسنده اولوب، شمال شرقی یه طوغری (ووسثر) سلسله سنه قدر ممتد اولور. بونلرك اك مرتفعی (پویی دوشانسی) طاغی اولوب، ١٨٨٦ متره ارتفاعی واردر. ٤ ً ، و وسژ طاقمی، كه فرانسه نك شرق شمالیسنده حدود بوینجه ممتد اولوب، بعده آلمانیایه داخل اولان ووسژ سلسله سیله بونك قارشیسنده اولوب (رین) ایرماغنك مجراسیله آیرلمش اولان (قره اورمان) سلسله سندن و (آردنه) طاغلرندن عبارتدر. ٥ ً، جورا طاقمی، كه فرانسه ایله اسویچره حدودی اطرافنده اوزانان متوازی بعض طاغلرله (رین) مجراسنك بریسنده آلمانیانك (سوآب) و (فرانقونیا) مملكتلرنده ممتد اولان بعض سلسله لری جامعدر. بونلرك اك مرتفعی ((قار صیرتی)) نام طاغ اولوب، ١٧٢٣ متره ارتفاعی واردر.

١١ ً، اورال طاقمی، كه روسیه نك شرق جهتنده شمالدن جنوبه ممتد اولان و آوروپا ایله آسیا حدودینی آیران بر سلسله دن عبارت اولوب، اك یوكسك ذروه سی اولان (تولپوسیس) طاغنك ١٦٨٩ متره ارتفاعی واردر. ١٢ ً، قافقاس طاقمی، كه یالكز شمالی ماىٔله سی آوروپایه عاىٔد اولوب، اك یوكسكی اولان (البرز) طاغنك ارتفاعی ٥٦٦۰ متره در. ١٣ ً ، اسقاندیناو طاقمی، كه شبه جزیره سنك اورته سنده شمالدن جنوبه ممتد اوله رق، نوروح جهتنده كی اتكلری، دیك و قیالق اولدقلری حالده، ساحله قدر اینوب، بر طاقم چتین برون و خلیجلر تشكیل ایدرلر؛ اسوج جهتنده كی اتكلری ایسه آزمیلانلی و دوزدر. بو سلسله نك اك یوكسك محلی (ایمسفیلد) طاغی اولوب، ٢٦۰٤ متره ارتفاعی واردر. ١٤ ً ، بر تانیا طاقمی، كه اسقوچیایی و انكلتره نك غرب جهتنی احاطه ایدن طاغلری شامل اولوب، اك یوكسكلری اولان اسقوچیاده كی (بن نویس) ك ١٣٤٣ متره ارتفاعی واردر. آوروپانك طاغلری باشلیجه جنوب غربی قسمنده اولوب، بو قطعه نك نصف شرقیسی دیمك اولان روسیه كاملاً دوز بر اووه دن عبارتدر؛ و بو اووه شمال جهتنده غربه طوغری ممتد اوله رق، (رین) ایرماغنك منصبنه قدر واصل اولور. بربری اوستنه حساب اولنورسه، اوروپانك ارتفاع وسطیسی ٤۰۰ متره یه قریبدر. فرضا دكیز ٣۰۰ متره ارتفاع كسب ایده جك اولسه، بتون روسیه، لهستان، پروسیه، دانیمارقه ایله آلمانیانك شمال قسمی و فلمنك و بلچیقه ایله فرانسه نك ثلثانی صو آلتنده قالیر؛ و اسوج ایله نوروج بر آطه حالنی كسب ایدر. بركانلری _ آوروپانك اك مشهور بركانلری (وزوو) ایله (اتنا) در، كه ایكیسی ده ایتالیاده واقع اولوب، برنجیسنك ١٢٥۰، و ایكنجیسنك ٣٣٦٩ متره ارتفاعی واردر. سیچلیانك شمالنده كی كوچك آطه لرك برنده اولان (استرومبولی) ایله یونان جزایرندن برنده بولنان (سانتورین) بركانلری ایكنجی درجه ده در. ایسلانده جزیره سی آوروپادن عد اولندیغی حالده، اونده دخی متعدد بركانلر واردر. انهاری . _ آوروپانك نهرلری طقوز حوضه

٦ ً ، آلپ طاغی، كه مركزی (سنت غوتار) طاغی اولوب، داىٔمی صورتده قارله مستور اولان بو طاغك اتكلرندن (رون)، (رین) و (پو) ایرماقلری نبعانله، هر بری بر جهته طوغری آقار. بو طاغك ذروه سی اولان (مونت بلانق) ٤٨١۰ متره ارتفاعنده اولوب، قافقاس سلسله سی آسیایه منسوب عد اولندیغی تقدیرده، آوروپانك اك مرتفع نقطه سیدر. آلپ طاغلری اسویچره نك قسم اعظمیله فرانسه نك شرق جنوبی قسمنی، ایتالیانك منتهای شمالنی، آلمانیانك بر آز یرینی و آوستریانك بر بیوجك پارچه سنی ضبط ایتمشلردر. ٧ ً ، آپنن طاقمی، كه بحری آلپ سلسله سندن باشلایه رق، ایتالیانك بوینجه اوزانان و حتی مسینه بوغازنده كسلدكدن صكره سیچلیاده یكیدن كسب ارتفاع ایدن بر اوزون سلسله ایله اونك تفرعاتندن عبارت اولوب، اك یوكسك محلی ٢٩۰٢ متره ارتفاعی اولان (غران ساسو) ذروه سیدر. ٨ ً ، بالقان طاقمی، كه آوروپای عثمانیده طونه مجراسنك آشاغی طرفیله آطه لر دكیزی آره سنده اوله رق، تا قره دكیزك ساحل غربیسنه قدر ممتد اولور. بو سلسله نك بر شعبه سی (ردوب) ویا (دسپوت طاغی) نامیله آطه لر دكیزینه قدر؛ و دیكر دها بیوك بر شعبه سی دخی یكیپازاردن آیریلوب، (شار) و (پیندوس) ناملریله آرناؤدلق ویونانك ایچندن مرورله موره شبه جزیره سنك منتهای جنوبنه قدر اوزانیر. بو طاقم بو سنه وهرسك طاغلری و اسطه سیله آلپ طاقمنه كسب ارتباط ایدیور. اك یوكسك محلی ردوبك (ریلو طاغی) نام ذروه سی اولوب، ٣۰۰۰ متره ارتفاعی واردر. ٩ ً ، قارپات طاقمی، كه مجارستان واردلی همان داىٔراً مادار احاطه ایدوب، شمالاً موراویا و سیلیز یادن، شرقاً غالیچیا وبوقووینه دن، شرق جنوبی جهتنده دخی رومانیادن آیریور. بو سلسله نك اك یوكسك محلی شمالده كی (تاتره) طاغی اولوب، ٢٦٥٩ متره ارتفاعی واردر. ١۰ ً ، چهستان طاغلری طاقمی، كه خطۀ مذكوره یی احاطه ایدن (فیختلكبیر كه) ، (ریسنكبیر كه) وساىٔر طاغلری شامل اولوب، اك یوكسكی اولان (اشنقوب) طاغنك ١٦۰١ متره ارتفاعی واردر.

تشكیل ایدوب، بونلرك دردی شمال ماىٔله سنده و بشی ده جنوب ماىٔله سنده واقعدرلر. جدول آتی مذكور حوضه لرله حوضه ده كی نهرلری و مجرالرینك طولنی مبیندر : شمال ماىٔله سی ١ _ بحر منجمد شمالی حوضه سی انهار كیلومتره روسیه نك شمال شرقیسنده { پچوره ٢۰۰۰ مزن ٦۰۰ دونیا ١٥۰۰ اونغا ٧۰۰ ٢ _ بالطیق دكیزی حوضه سی اسوجده تورنیا ٤۰۰ لولیا ٣۰۰ پیتیا ٣۰۰ اومیا ٤۰۰ روسیه و آلمانیاده ویستوله ٩۰۰ اودر ٩٣۰ ٣ _ بحر شمالی حوضه سی نوروجده غلومن ٥٧۰ اسویچره ، فرانسه ، آلمانیا ، فلمنك بلچیقه ده { البه ١۰۰۰ وسر‌٧۰۰ رین ١٣٢۰ موزه ٨٩٣ اسقو ٤۰۰ انكلتره ده تامیسه ٣۰۰ ٤ _ بحر محیط آطلاسی حوضه سی برتانیا آطه لرنده { سورن ٢٨٦ شانون ٣٣٣ فرانسه ده { سینه ٧٧٦ لوآر ١۰۰۰ ژیرونده ٦٥۰ اسپانیا وپورتكیزده { مینیو ٣۰٥ دورو ٨٥۰ تاج ٩۰۰ وادی یانه ٩۰۰ اسپانیاده وادىٔ كبیر ٥٦۰ جنوب ماىٔله سی (آق دكیز حوضه سی ) ٥ _ غربی آق دكیز حوضه سی اسپانیاده { ابره ٧٥۰ شقوره ٣٥۰ جوقار ٥١١ وادىٔ الآبار ٣۰۰

فرانسه ده رون ١۰٢٥ ایتالیاده { آرنو ٢۰۰ {تیبر ٤٢۰ ٦ _ آدریاتیق حوضه سی ایتالیاده {پو ٦٧۰ { آدیج ٣٩٥ آرناؤدلقده درین ٣٥۰ ٧ _ آطه لر دكیزی حوضه سی روم ایلنده { واردار ٣۰۰ { مریج ٣٧۰ ٨ _ قره دكیز و آزاق دكیزی حوضه سی آلمانیا، آوستریا، } طونه ٢٨۰۰ مجارستان، صربیه،} رومانیا و بلغارستانده } روسیه ده { دنیستر ١٢۰۰ دنیپر ١٩٥۰ دون ٢١۰۰ قوبان ٦۰۰ ٩ _ بحر حزز حوضه سی روسیه ده { ترك ٤٥۰ وولغا (آتیل) ٣٨۰۰ اورال ١٥۰۰ كوللری. _ آوروپانك بعض جهتلری بیوك و كوچك بر چوق كوللری حاوی بولنیورلر. بو جهتلرك برنجیسی روسیه نك شمال غربی جهتی اولوب، آوروپانك اك بیوك كوللری اوراده بولنیور. بونلرك اك بیوكلری لادوغه (٢٢۰ ١٨ مربع كیلومتره) ، اونغا (٩٧٥۰ م. ك.) ، پیپوس (٣٥١۰ م. ك.) كوللریدر. فنیلانده خطه سنده كی كوللر دخی پك چوق اولوب، مجموعنك مساحۀ سطحیه سی ٦٧۰ ٤١ مربع كیلومتره در. جهات مذكوره نك ایكنجیسی اسقاندیناویا اولوب، بو شبه جزیره ده كی كوللرك اك بیوكلری و نر (٥٥٦٨ مربع كیلومتره) ، و تر (١٩۰۰ م. ك.) ، ملار (١١٦۰ م. ك. ) كوللریدر. بو خطه ده كی كوللر مساحۀ سطحیه سنك مجموعی ۰۰۰ ١٦ مربع كیلومتره یه قریبدر. بالطیق دكیزینك جهت جنوبیه سنده دخی بر چوق كوللر بولنوب، مكلنبورغ و پومرانیا ایله شرقی پروسیه ده كی كوچك كوللرك عددی ٤۰۰ ی متجاوزدر. آلپ طاغلرینك جنوبی ماىٔله سنده (وربانو) و نام

كوللر واردر. _ بلقان شبه جزیره سنك اك بیوك كوللری آرناؤدلقده كی اشقودره، اوخری، كسریه ویانیه كوللریدر. هواسی . _ آوروپا قطعه سی هواجه كرۀ ارضك اك ممتاز قطعه سی اولوب، بونی منتج اولمق اوزره، بر چوق سببلر واردر. هرنه قدر حرارت و برودتك برنجی سببی كونشك تأثیری اولوب، اقلیمك درجۀ عرضی نه قدر زیاده اولورسه، او قدر زیاده صوىٔوق اولمق اقتضا ایدرسه ده، بر مملكتك هواسنه كلی مدخلی اولان دها بر چوق سببلر واردر. جنوبدن كلن روزكارلرك صیجاق، شمالدن كلنلرك صوىٔوق، و دكیزدن كلن روزكارلرك رطیب، قره دن كلنلرك یابس اولملری طبیعیدر. بو حالده بو روزكارلرك برینه مانع اوله رق یوكسك بر طاغك و جودی او طاغك آرقه سنده بولنان مملكتك هواسنه بیوك بر تأثیری موجب اولدیغی كبی، دكیز آقنتیلرینك دخی تأثیری غیر منكردر. آوروپا قطعه سنك عمومیت اوزره هواسی ینه اوعرضده بولنان آمریقا و آسیا اقطارندن یازین چوق دها معتدل و قیشین چوق دها صیجاقدر. آنجق بو امتیازدن آوروپانك هر طرفی متساویاً حصه مند اولمیوب، جنوب و غرب جهتی بو حالدن تمامیله مستفید اولدیغی حالده، شمال شرقی جهتی بر درجه یه قدر آسیانك هواسنه تابع اولوب، قیشلری پك سرت و یازلری پك صیجاق و داىٔمی صورتده هواسی یابسدر. بو ایسه آوروپانك غرب و جنوب جهتنه اكثریت اوزره جنوب غربی روزكارلرینك اسمیله، مكسیقه كورفزندن كلن صیجاق آقنتینك بتون سواحل غربیه یی یاللایه رق، تا نوروجك شمالنه قدر چیقمسندن، و بو صیجاق ورطیب هوا ایله آقنتینك تأثیرینه مانع اوله رق سد حالنده بر طاغ سلسله سنه تصادف اولنمامسندن ایلری كلیور. حقیقةً ، آوروپاده كی طاغلر ونوب غربیدن اسن روزكارك استقامتنه مانع اوله جق و ضعیتده اولمیوب، بو روزكاره یول ویره جك بر استقامتده درلر. مع هذا موجود طاغلرك غرب و جنوبه ناظر اولان یوزلری شرق و شماله ناظر اولان یوزلرندن چوق دها صیجاقدر. شرق شمالیدن اسن صوىٔوق ویا بس روزكارلرك تمامیله تأثیری آلتنده بولنان مملكت روسیه اولوب،

دیكرله مایور (٢١١ مربع كیلومتره) ، (لونغانو) و نام دیكرله چریزو (٥۰ م. ك. ) ، لاریو (١٥٦ م. ك. ) ، بناقو (٣۰۰ م. ك. ) ، سبینو (٦۰ م. ك.) ودیكر دها كوچك بعض كوللر بولنوب، جمله سنك مساحۀ سطحیه سی ١٦۰۰ مربع كیلومتره در. شمالی ماىٔله سنده كی كوللر ایسه دها چوق اولوب، اك بیوكلری لوچرنه (١١٣ مربع كیلومتره) ، تون (٤٨ م. ك. ) ، بر یانز (٣۰ م. ك.) نو شاتل (٢٤۰ م. ك. )، بیانه (٤٢ م. ك. ) مورات (٢٧ م. ك. ) ، زوغ (٣٨ م. ك .) ، زوریخ (٨٩ م . ك. ) ، و النستاد (٢٨ م . ك. ) وساىٔره كوللریله ٥٣٩ مربع كیلومتره سطحی بولنان (قونستانسه) كولیدر. یوقاری سوآبده بش آلتی و باویره ده اون ایكی قدر كول بولندیغی كبی، آوستریاده دخی (آتر) ، (آخن) ، (هالستاد) وساىٔره كوللری واردر، كه مجموعنك مساحۀ سطحیه سی ٣٥۰۰ مربع كیلومتره قدردر. آلپ طاغلرینك غربی ماىٔله سنده یالكز (لیمان) و نام دیكرله جنو كولی (٥٧٧ مربع كیلومتره) ، بوركت (٤١ م . ك. ) و آنسی (٢٧ م . ك. ) ایله دیكر بر قاچ كوچك كول بولنیور. ایتالیا شبه جزیره سنده یالكز درت بش كول بولنیور، كه آپنن سلسله سنك و سطنده واقع اولوب، اخیراً قورودلمش اولان (فوچینو) كولنك ١٥٨ مربع كیلومتره مساحه سی وار ایدی ؛ (تراسیمنه) كولنك ١٢۰ و بركان غزندن محلول اولان (بولسنا) نك ٥٨ مربع كیلومتره مساحه سی واردر. _ مجارستانده كی (فرتو) و نام دیكرله (نایسیدل) كولی پك آز درین اولدیغی حالده، مساحۀ سطحیه سی، یاغمورلرك قلت و كثرتنه كوره، ٣۰ دن ٤۰۰ مربع كیلومتره یه قدر تخلف ایدیور. ینه مجارستانده بولنان (بالاتون) كولنك دخی ٦٩۰ مربع كیلومتره مساحۀ سطحیه سی واردر. _ آوروپای غربیده یعنی فرانسه، اسپانیا، پورتكیز و انكلتره ده ذكره شایان كوللر اولمیوب، یالكز ایرلانده ده كثرت اوزره در. جزیرۀ مذكوره ده نیغ (٣٩٧ مربع كیلومتره) ، قوریب (١٧٦ م . ك. ) درغ (١٢٩ م. ك.) ، ارنه (١١٣ م. ك. ) ، ری (١۰٦ م . ك. ) ، ماسق (٩۰ م. ك .) كوللریله، بطاقلقلر حساب اولنمقسزین، جزیره نك اوتوزده بر قسمنی ضبط ایدن بر چو ق كوچك

لهستان ایله پروسیه و شمال آلمانیا دخی بو تأثیردن حصه منددرلر. قره دكیزك سواحل غربیه سنده بولنان یرلرده وازان جمله استانبولده و حتی یونانده بیله بو تأثیر حسن اولنیورسه ده، جنوب غربی روزكارینك و اقلیمك تأثیریله كسب ایدیور. مجارستان خیلی شمالده بولندیغی حالده، مجرد (قارپات) سلسله سی بو روزكاره قارشی بر سیر اولدیغیچون، هواسی اولدقجه صیجاقدر ؛ دالماچیا سواحلیله ایتالیا و فرانسه نك جنوبی و اسپانیا و پورتكیز ایسه آلپ و پیرنه جبال متسلسله سیله بو روزكارك تأثیرندن تمامیله محفوظ، و بناءً علیه هوالری خیلی صیجاقدر. آنجق سپانیانك غرب جهتنده بولنان طاغلر بحر محیط آطلاسیدن كلن روزكارك رطوبتنی بلع ایتدكلرندن، بو قطعه نك اورته لری قورو و نباتسز اولوب، بعض یرلری آوروپادن زیاده آفریقایه مشابهدر. آوروپانك غرب جنوبی یه یعنی بحر محیط آطلاسی یه ناظر اولان یرلرنده سنه نك هر موسمنده یاغمور یاغوب، قوراقلق پك نادر اولدیغی حالده، جنوبه یعنی آق دكیزه ناظر اولان یرلرنده یازین پك آز یاغموریاغر ؛ و یاغمورك چوغی قیشین یاغوب، ایلك بهار ایله صوك بهار امتدادلی و غایت كوزل اولور. شمال شرقی روزكارینه آچیق اولان یرلرده ایسه یاغمور دها سیرك و دها آز اولوب، یاغدیغی وقت دخی بردن یاغه رق، بعده قوراقلق حكم سورر ؛ و همان قیشدن یازه و یازدن قیشه چكیلوب، ایلك و صوك بهارك لطافتی آكلاشملدیغی كبی، كرك یازین و كرك قیشین شمال شرق ویا جنوب غربی روزكاری اسدیكنه كوره، بردن بره هوا تحول ایدر. بو فرقلرله برابر، آوروپانك عمومیت اوزره هواسی معتدل وصاغلام اولوب، بعض جهتلرنده بر بطاقلق بیلنمسندن ویا دیكر طبیعی ویا عارضی بر حالدن تولد ایدن بعض آغر و صیتمه لی هوالر دخی خصوصی اولوب، مضرتلری اطرافه چوق منتشر اولمیور. نباتاتی. _ آوروپانك نباتات و محصولاتی هواسنه تابع اولوب، آمریقاسه ْ٥٢ عرض شمالیدن یوقاری چیقمیان آرپه و یولاف آوروپانك غرب جهتنده نوروجك ْ٧۰ عرض شمالیسنه قدر حاصل اولور. اوام و چیرا و آق كوركن آغاجلری لهستانده ْ٥۰

درجه عرض شمالیدن یوقاری چیقمدقلری حالده نوروجده ْ٦۰ درجه دن یوقاریده بو آغاجلرك غایت یوكسكلرینه تصادف اولنور. سكود آغاجلری ایسه منتهای شماله قدر منتهی اولوب، سرمدی قارلرك كنارلرنده بیله بو آغاجلره تصادف اولنور ؛ شو قدر وار كه شماله طوغری كیدلدكجه بویلری اوفالوب، اك نهایت بر قاچ قدم ارتفاعنده بر اوت حالنده بولنورلر. روسیه نك شمال و وسطی سیبریانك هواسنه تابع اولمغله، نوروج، دانیمارقه ، آلمانیاده و حتی فینلانده ولاپونیاده بیله كثرتله بولنان بر چوق آغاجلره روسیه نك آنجق جنوب غربی قسمنده تصادف اولنه بیلیور. روسیه نك جنوب شرقی جهتی ایسه خوارزم وماوراء النهر هواسنه تابع اولوب، اورانك طوپراغی ده قوملق اولدیغندن، اوراده بر طاقم كوچك آغاجلر و چالیلر یتیشیور. اوروپانك جنوب جهتنده كی شبه جزیره لر و آطه لر، و علی الخصوص سیچلیا جزیره سیله آندالوسیا خطه سی آفریقانك هواسنه تابع اولمغله، نباتاتلری پك چوق وپارلاق اولوب، زیتون، انجیر، پورتقال، لیمون، نار آغاجلری و یاسمین، مرسین، دفنه كبی نیجه آغاجلرله چیچكلرك انواعی بولنور. روم ایلی ایله یونان جهتلری ایسه آسیانك هواسنه تابع اولوب، بورالرده بولنان اشجار مثمره و غیر مثمره نك جمله سی آناطولی و قافقاس اقلیملرینه مخصوص انواعه منسوبدرلر. حبوباتك جمهله سی اوروپاده یتیشوب، بغدای عرض شمالینك ٦۰ درجه سنه قدر اولیورسه ده، ٥۰ درجه دن آشاغی اولان یرلرده دها زیاده محصول ویرر. چافدار فنیلانده ده ْ٦٤ عرض شمالیده دخی یتیشیور. مصر ْ٥۰ ، وپرنج ْ٤٢ عرض شمالی یه قدر حاصل اولور. اوزوم ْ٤۰ عرض شمالی یه قدر اوروپانك هر طرفنده یتیشوب، ساحل بحرده و شمال روزكارندن محفوظ یرلرده ْ٥۰ عرض شمالی یه قدر چیقار. شراب اعمالنه یارایان بو میوه نك یتیشه مدیكی شمالی یرلرده آرپه صویی اعمالنه یارایان شربتجی اوتی كثرتله حاصل اولوب، بیرا شرابك یرینی طوتار. یر الماسی و پتاته اوروپانك هر طرفنده حاصل اولور. و بغدادی یتیشدیرمكه مساعد اولمیان ممالك شمالیه ده اونك یرینی طوتار. میوه لردن اریك ایله كراز نوروج و فینلانده یه و روسیه ده ْ٩۰

یانك جهات جنوبیه سنده صیغیرلر دها كوچك و دها ضعیف ایسه لرده، ینه اوروپای و سطیده كی جنسدندرلر. عرب آتی اسپانیانك جنوبنه و ایتالیا ایله ممالك عثمانیه یه عربستاندن، بیوك مركب جنسی سوریه دن، مانده دخی آناطولیدن كتیرلمشدر. اسپانیادن انكلتره و فرانسه ایله اوروپانك ساىٔر طرفلرینه دخی سوق اولنمش اولان مرینوس قویونلری دخی عربلرطرفندن آفریقادن اندلسه ادخال اولنمشدر. تقسیماتی. _ اوروپا قطعه سنك بعض جهتلرنده و علی الخصوص غرب طرفنده تقسیمات سیاسیه جنسیت اهالی یه مطابق ایسه ده، شرق جهتنده تقسیمات حاضرۀ سیاسیه جنسیت هالی و طبیعت اراضی یه توفیقاً پك مشكل بر حاله كتیرمش اولدیغندن، یالكز تقسیمات سیاسیه دن بحث ایده جكز. اوروپا قطعه سنده ایمپراطورلق، قراللق، جمهوریت، پرنسلك، دوقه لق وساىٔره عنوانلریله ٥۰ یی متجاوز حكومتلر موجود ایسه ده بونلرك بر طاقمی برر دولته تابع بولندقلرندن، بو قطعه ٢٣ مستقل حكومته منقسمدر. بو دولتلری اولا مساحۀ سطحیه لرینك بیوكلكی، و ثانیاً اهالیلرینك كثرتی اعتباریله بروجه آتی ایكی جدولده تعداد ایدیورز : دولتلر مربع كیلومتره ١ روسیه ٥٢٦ ٤١٨ ٥ ٢ اسوج و نوروج ۰١۰ ٧٦١ ٣ آوستریا و مجارستان ٤٤١ ٦٢٢ آلمانیا ٨٢٩ ٥٣٩ ٥ فرانسه ٥٧٢ ٥٢٨ ٦ اسپانیا ٤٤٣ ٥۰۰ ٧ دولت عثمانیه (روم ایلنده) ١٦٨ ٣٣٧ ٨‌ بیوك برتانیا و ایرلانده ٩٥١ ٣١٤ ٩ ایتالیا ٣٢٣ ٢٩٦ ١۰ رومانیا ٥٨٤ ١٢٧ ١١ پورتكیز ٦٢٥ ٨٩ ١٢ یونان ١٢٣ ٥۰ ١٣ صربیه ٦٥٧ ٤٨ ١٤ اسویچره ٩١٩ ٤١ ١٥ دانیمارقه ٢٣٧ ٣٨ ١٦ فلمنك ٩٧٢ ٣٢ ١٧ بلچیقه ٤٥٥ ٢٩ ١٨ قره طاغ ٤٣٣ ٩ ١٩ لوكسنبورغ ٥٨٧ ٥ ٢۰ آندوره ٣٨٥ ٢١ لیختنستاین ١٧٨ ٢٢ سان مارینو ٦٢ ٢٣ موناقو ١٥ جمعاً آوروپا ٤٩٥ ٧٩٣ ٩

عرض شمالی یه قدر هر طرفده یتیشدیكی كبی، الما و‌ آرمود دخی عمومیدر. شفتالی، زردالی وساىٔر میوه لرك اكثریسی اوروپایه آسیادن یعنی آناطولی و ایراندن نقل اولنه رق، اقلیمك مساعد اولدیغی طرفلرده تعمیم اولنمشلردر. زیتون، پورتقال، لیمون، نار وساىٔر صیجاق هوالره مخصوص میوه لر دخی جهات جنوبیه یه مخصوصدر. شكر قامشی یالكز اسپانیانك جنوبیله سیچلیاده یتیشه بیلیور. صنایعده مستعمل محصولاتدن كتان و كنویر اوروپانك هر طرفنده كلیتله حاصل اولدیغی كبی، جهات جنوبیه ده پاموق دخی حاصل اولیور، و ایپك چیقاریلیورسه ده، پاموق محصولاتی هند و آمریقانك كی ایله قیاس قبول ایتمدیكی كبی، ایپك دخی نسبةً جزىٔی عد اولنه بیلیر. حیواناتی. _ اوروپا قطعه سنك كندینه مخصوص حیواناتی آزدر. بالطیق دكیزینه و روسیه نك‌ اورته سنه قدر اولان جهت شمالیه ده آق آییلرله ماىٔی تیلكیلر قارلرك اوزرنده طولاشوب، بحر منجمد شمالینك طونمش ساحللرینه قدر اینرلر. (رن) دنیلن مونس كیك اسقاندیناوده ْ٦١ و روسیه ده ْ٦٨ عرض شمالی یه قدر اینر. صیغین دنیلن حیوان ایسه جنوبده بولنوب، لیتوآنیا و پروسیاده دخی تصادف اولنور. بو اقطار بعیده یه مخصوص بر نوع قویون دخی واردر. كه یپاغیسنك سرتلكیله ودیشلرینك دخی بوینوزلی اولمسیله تفریق اولنور. بحر حززله آزاق دكیزی اطرافنده كی قوملق و طوزلی اووه لرده آسیادن كلمش اولان بلخ دوه سیله قویروغی اوزون چركس قویونی و تاتار آتیله چقاللر كثرت اوزره در. روسیه نك وسطلریله بغداندن تا دانیمارقه یه و فلاندره یه قدر اوزانان زمرد آسا و منبت اووه لرده ایری وقوتلی بر جنس قویون و صیغیر بولنور، كه بو قطعه نك حیوانات اصلیۀ قدیمه سندن اولوب، حتی (لیتوآنیا) نك (بیالوویچه) اورماننده بو صیغیرك الیوم و حشی حالنده یاشار افرادی بولنه رق، ((اوروش )) اسمیله معروفدرلر. اشك آوروپای وسطینك حیوانات اصلیه سندن اولمیوب، صكره دن كتیرلمش و جنسی بوزلمشدر. آلپ ایله سوانه و پیرنه سلسلۀ جبالنده محللرینه مخصوص اوچ جنس طاغ كچیسیله، طاغ صیچانی دنیلن بر نوع حیوان بولنور. آورو-

دولتلر اهالی ١ روسیه ٥٧٢ ٣٥٦ ٨٨ ٢ آلمانیا ٧۰٤ ٨٥٥ ٤٦ ٣ فرانسه ٩۰٣ ٢١٨ ٣٨ ٤ آوستریا و مجارستان ٧١٢ ٨٨٢ ٣٧ ٥ بیوك برتانیا و ایرلانده ٤٨٢ ٢٤١ ٣٥ ٦ ایتالیا ٦٥٧ ٩٤٣ ٢٩ ٧ اسپانیا ٥١١ ٩١٨ ١٦ ٨ دولت عثمانیه ۰۰۰ ٩٨٧ ٨ ٩ اسوج و نوروج ۰٨٩ ٥٢٤ ٦ ١۰ بلچیقه ٩٧٥ ٩۰٩ ٥ ١١ رومانیا ۰۰۰ ٣٧٦ ٥ ١٢ فلمنك ٨٥٧ ٣٩۰ ٤ ١٣پورتكیز ٥٤٤ ٣۰٦ ٤ ١٤ اسویچره ١۰٢ ٨٤٦ ٢ ١٥ یونان ٥٦١ ٩٧٩ ١ ١٦ دانیمارقه ۰٣٩ ٩٥٢ ١ ١٧ صربیه ۰٣٢ ٩٧۰ ١ ١٨ قره طاغ ۰۰۰ ٢٣٦ ١٩ لوكسنبورغ ٢٨٣ ٢١٣ ٢۰ موناقو ٥٤٨ ١٢ ٢١ آندوره ۰۰۰ ١٢ ٢٢ لیختنستاین ١٢٤ ٩ ٢٣ سان مارینو ٨٤۰ ٧ جمعاً آوروپا ٥٣٥ ١٧۰ ٣٣٨ بو صاییلان ٢٣ دولتدن یدیسی، یعنی روسیه، آلمانیا، انكلتره، فرانسه، آوستریا، ایتالیا و دولت عثمانیه دول معظمه دن معدوددر. دولت عثمانیه نك بوجدوللرده كرك مساحۀ سطحیه سی و كرك اهالیسی آز كورینیورسه ده، ممالك تبعه سنك چوغی آسیا و آفریقاده اولوب، بتون ممالكنك مساحۀ سطحیه سی ۰۰۰ ٤٢٧١ مربع كیلومتره یه، و بتون تبعه سی ١۰۰ ٩٧٨ ٣٢ نفوسه بالغ اولور، كه نوندن ٤۰۰ ۰٨٨ ٣ مربع كیلومتره لك یر ایله ۰۰۰ ٦٣٣ ٢١ اهالی طوغریدن طوغری یه تحت اداره سنده، و ٦۰۰ ١٨٢ ١ مربع كیلومتره لك یر ایله ١۰۰ ٣٤٥ ١١ اهالی ادارۀ ممتازه ایله تحت تابعیتنده در. بو یدی دولتدن صكره اسپانیا كلیر، كه وسعت اراضیجه ج اهمیت تاریخیه جه دول معظمه دن كری قالمدیغی حالده، اهالیسی آز و مدنیتجه بر آز كری بولنمق حسبیله، دول معظمه داىٔره سنك خارجنده قالمش ایسه ده، او داىٔره یه ادخال و قبولی زمانی تقرب ایتمشدر. دیكر طقوز دولت دخی آوروپانك دول صغیره سندن معدوددرلر. كه بونلرده : پورتكیز، بلچیقه، فلمنك، دانیمارقه، اسوج و نوروج، اسویچره، رومانیا، صربیه و یوناندر. بونلردن بعضیسی بعضیسندن اراضى و نفوسجه چوق فرقلی

ایسه لرده، اهمیت سیاسیه جه بینلرنده آز فرقلری اولوب، دول صغیره دن معدوددرلر. حتی مثلا دانیمارقه نك كرك اراضی و كرك اهالیسی رومانیادن پك آشاغی اولدیغی حالده، دانیمارقه رومانیادن كوچك عد اولنمیور ؛ بلكه قدر و اعتبارجه دها عالی بر مقامده بیله بولنیور. قالان دیكر آلتی هیىٔت، یعنی قره طاغ، لو كسنبوغ، آندوره، سان مارینو، موناقو و لیختستاین حكومتلری دولت تسمیه اولنه میه جق قدر كوچك اولدقلری حالده، مجرد ساىٔر دولتلره تابع اولمیوب، مستقل بولندقلرندن، بو تعداده ادخال اولندی. آوروپا دولتلرندن یالكز روسیه صورت مستبدانه ده اداره اولنوب، ایمپراطور ویاخود (چار) عنواننی حاىٔز اولان حكمداری امور دنیویه و مذهبیه نك ریىٔسیدر. دولت عثمانیه ایله آوستریا و آلمانیا مشروطاً اداره اولنوب، برنجیسنك حكمدار ذیشانی عثمانلیلرك پادشاهی و كافۀ مسلمینك خلیفه سی، آوستریا حكمداری مجارستان قرالی و آوستریا ایمپراطوری، آلمانیانك كی دخی پروسیه قرالی و آلمانیا ایمپراطوری عنواننی حاىٔزدرلر. انكلتره، ایتالیا، اسپانیا، پورتكیز، بلچیقه، فلمنك، دانیمارقه، اسوج، نوروج، رومانیا، صربیه ویونان دولتلری مشروطاً اداره اولنوب، حكمدارلر قرال عنواننی حاىٔزدرلر. فرانسه، اسویچره، آندوره وسان مارینو جمهوریتله اداره اولنوب، منتخب رىٔیس جمهورلری واردر. قره طاغ ایله موناقو و لیختستاین برر پرنسك تحت اداره سنده درلر. لو كسنبورغ ایسه مستقل بر دوقه لق اولدیغی حالده، فلمنك قرالنی حكمدار طانیور. آوروپا دولتلرندن بعضیسنده نیم مستقل بعض اداره لر ویا حكومتلر بولنیور، كه بونلرك بر طاقمی آیریجه مجلس مبعوثان و هیىٔت و كلالری اولدیغی حالده، داخل بولندقلری دولتك حكمدارینی طانیمقده، و بعضیلری دخی داخل بولندقلری دولتك حكمدارینه تابع برر قرال، پرنس، ویا دوقه معرفتیله اداره اولنمقده درلر. بو قبیلدن اوله رق، برنجی درجه ده نوروج ایله مجارستانی ذكر ایتمك اقتضا ایدر، كه ایكیسی ده هر جهتجه همان مستقل اولوب، یالكز برنجیسی اسوجله و ایكنجیسی آوستریا ایله بر حكمدارك تحت تابعیتنده بولنیورلر، وخارجی پولتیقه لری متحددر. دولت

عثمانیه ده بلغارستان ادارۀ داخلیه سنده مستقل اولوب، دولت مشارالیهایه تابع بر پرنس معرفتیله و مشروطیت اصولیله اداره اولنور، و دولت متبوعه سنه مقطوع بر ویر كی ویرر. روسیه ده (فینلانده) ایله لهستان دخی بو قبیلدن عد و اعتبار اولنمشلر سه ده، بو ایكی مملكت ینه پترسبورغدن تعیین اولنان و الیلر معرفتیله اداره اولنوب، بر كونه امتیازلری و ادارۀ داخلیه لرنده استقلاللری اولمدیغندن، روسیه نك ایالاته منقسم ایكی بیوك ولایتی عد اولنسه دها بجادر. بونلر اولسه اولسه آوستریانك چهستان وغالیچیا كبی ولایاتنه مقیس اوله بیلیر. آلمانیاده ایسه ایمپراطورلغه تابع بر چوق حكومتلر واردر، كه كندی قراللری، پرنسلری ویا دوقه لری معرفتیله اداره اولنوب، عادتاً كندی باشلرنده برر دولت اولدقلری حالده، یالكز امور عسكریه لریله خارجی پولتیقه لری برلین قابنتوستك ید اختیانده در. بونلرك اك بیوكلری باویره، وورتمبرغ، باد، ساقسه و مكلنبورغدر. [((آلمانیا)) ماده سنه مراجعت بیوریله.] آوروپا دولتلری میاننده اراضینك وسعتنه نسبةً اهالیسی اك زیاده اولان یر بلچیقه اولوب، اوراده بهر مربع كیلومتره باشنه ٢۰۰ كشی دوشر. دول ساىٔره بو خصوصده ترتیب آتی اوزره درلر : فلمنك، انكلتره، ایتالیا، آلمانیا، فرانسه، اسویچره، آوستریا و مجارستان، دانیمارقه، پورتكیز، رومانیا، صربیه، اسپانیا، قره طاغ، یونان، دولت عثمانیه، روسیه، اسوج و نوروج، بو جهتجه اك كری بولانی نوروج اولوب، اوراده بهر مربع كیلومتره باشنه ٥ كشیدن آز زیاده دوشر. بیوك شهرلری . _ آوروپاده كرۀ ارضك قطعات ساىٔره سنده امثالی نادر بولنور بر چوق جسیم شهرلر واردر. كه جسامتلریله، اهالیلرینك كثرتیله، صنایع و تجارت و معارفلرینك ترقیاتیله، احوال تاریخیه لریله وساىٔر بر چوق جهتلرله مشهوردرلر. بینلرنده متعدد دمیریوللر و تلغرافلرله داىٔمی صورتده مخابرات و مناسباتده بولنان بو شهرلر جسامتلرینه كوره بروجه زیر بر جدولده ترتیب اولنه رق، قارشیلرنده اك صوك تحریره كوره مقدار نفوسلری دخی ذكر اولنیور؛ و پایتخت اولانلری (*) اشارتیله تفریق اولندیغی كبی، بر بیوك قطعه نك مركزی بولنانلرینه دخی ( )) ) اشارتی وضع اولنمشدر :

شهر بولندیغی مملكت اهالیسی * لوندره انكلتره ده ٤٨٣ ٨١٦ ٣ *پارس فرانسه ده ٥٥۰ ٣٤٤ ٣ * برلین آلمانیاده ٢٨٧ ٣١٥ ١ * ویانه آوستریاده ٧٨٥ ١۰٣ ١ * پترسبورغ روسیه ده ۰٩٣ ١٢٩ * استانبول دولت عثمانیه ده ٥٦٥ ٨٧٣ موسقوه روسیه ده ٤٦٩ ٧٥٣ غلاسقوو اسقوچیاده ۰٩٥ ٦٧٤ لیورپول انكلتره ده ٥۰٨ ٥٥٢ نانچستر انكلتره ده ٦٤٩ ٥١٧ ناپولی ایتالیاده ١٧٢ ٤٦٣ )) وارشووه لهستانده ٨٦٤ ٤٣١ لیون فرانسه ده ٤٣۰ ٤۰١ بیرمنغهام انكلتره ده ٧٧٤ ٤۰۰ * مادرید اسپانیاده ۰٨۰ ٣٧٨ * آمستردام فلمنكده ٦٨٦ ٣٧٨ مارسلیا فرانسه ده ١٤٣ ٣٧٦ )) بوده پشته مجارستانده ٥٥١ ٣٦۰ لیدس انكلتره ده ١١٩ ٣۰٩ هامبورغ آلمانیاده ٦٩۰ ٣٥۰ برسلاؤ آلمانیاده ٦٤۰ ٢٩٦ میلان ایتالیاده ٥٤٣ ٢٩٥ شفیلد انكلتره ده ٥۰٨ ٢٨٤ * روما ایتالیاده ٢٦٨ ٢٧٣ )) مونیج باویره ده ٩٨١ ٢٦١ )) دوبلن ایرلانده ده ٦۰٢ ٢٤٩ درسد ساقسه ده ۰٨٦ ٢٤٦ برسلونه اسپانیاده ۰٧٧ ٢٤٣ * لیسبونه پورتكیزده ۰١۰ ٢٤٣ بوردو فرانسه ده ٥٨٢ ٢٤۰ )) ادیمبورغ اسقوچیاده ۰۰٢ ٢٣٦ * قوپتهاغ دانیمارقه ده ٨٥۰ ٢٣٤ تورینو ایتالیاده ١٨٣ ٢٣۰ * استوقهولم اسوجده ۰٦٣ ٢٢٣ * بكرش رومانیاده ۰۰۰ ٢٢١ بلفاست ایرلانده ده ١٢٢ ٢۰٨ بریستول انكلتره ده ٧٨٤ ٢۰٦ )) پالرمو سیچلیاده ٧١٢ ٢۰٥ آنور بلچیقه ده ٤٩٨ ٢۰٤ روتردام فلمنكده ٤٩٨ ٢۰٤ لیل فرانسه ده ٢٧٢ ١٨٨ قوتنغهام انكلتره ده ٥٧٥ ١٧٦ * بروكسل بلچیقه ده ٦٨٦ ١٧٤ برادفورد )) ۰٣٢ ١٨٣ لیپسیغ ساقسه ده ٣٤۰ ١٧۰ ریغا روسیه ده ٣٢٩ ١٦٩ خارقوف )) ٩٢١ ١٦٦ )) پراغه‌ چهستانده ٣٢٣ ١٦٢ قولونیه آلمانیاده ٤۰١ ١٦١ فرانقفورت آلمانیاده ٥١٣ ١٥٤ هوجه بك (اودسه) روسیه ده ٢٤۰ ١٥٤ هول انكلتره ده ٢٤۰ ١٥٤ قونیغسبرغ آلمانیاده ١٥١ ١٥١

شهر بولندیغی مملكت اهالیسی تولوز فرانسه ده ٦١٧ ١٤٧ غاید بلچیقه ده ٤٢٤ ١٤٥ نوقاستل انكلتره ده ٣٥٩ ١٤٥ های فلمنكده ٦٢٦ ١٤٣ قزان روسیه ده ٧٢٦ ١٤۰ بلنسیه اسپانیاده ٢٨٢ ١٤۰ دونده اسقوچیاده ٢٣٩ ١٤۰ هانووره آلمانیاده ٧٣١ ١٣٩ جنوه ایتالیاده ۰٨١ ١٣٨ لیاثره بلچیقه ده ٥٥٩ ١٣٧ فلورانسه ایتالیاده ٩٩٢ ١٣٤ اشبیلیه (سویله) اسپانیاده ٢۰٩ ١٣١ كیشنف روسیه ده ۰۰۰ ١٣۰ وندیك ایتالیاده ٤٤٥ ١٢٩ وست هام انكلتره ده ٩٥٣ ١٢٨ قرستیانیا نوروجده ٣۰٢ ١٢٨ پورچموت انكلتره ده ٩٨٩ ١٢٧ نانت فرانسه ده ٤٨٢ ١٢٧ كیف روسیه ده ٢٥١ ١٢٧ استوتغارد آلمانیاده ٩۰١ ١٢٥ لیچستر انكلتره ده ٣٧٦ ١٢٢ برم آلمانیاده ٣٩٥ ١١٨ سنت اتیان فرانسه ده ٨٧٥ ١١٧ سوندرلاند انكلتره ده ٥٤٨ ١١٦ دروسلدفورد آلمانیاده ١٩۰ ١١٥ نورمبرغ )) ٨٩١ ١١٤ دانسیغ )) ٨۰٥ ١١٤ ماغدبورغ )) ٢٩١ ١١٤ لوچ روسیه ده ١٤٦ ١١٣ ساراتوف )) ٤٢٨ ١١٢ هاوره فرانسه ده ۰٧٤ ١١٢ استراسبورغ آلمانیاده ٩٨٧ ١١١ اولدام انكلتره ده ٣٤٣ ١١١ شمنیچ آلمانیاده ٨١٧ ١١۰ ملاقه اسپانیاده ٤٧٨ ١١۰ لمبرغ آوستریاده ٧٤٦ ١۰٩ بریغتون انكلتره ده ٥٤٦ ١۰٧ روىٔن فرانسه ده ١٦٣ ١۰٧ البرفلد آلمانیاده ٤٩٩ ١۰٦ پورتو پورتكیزده ٨٣٨ ١۰٥ بولتون انكلتره ده ٤١٤ ١۰٥ آلتونه آلمانیاده ٧١٧ ١۰٤ آبردین اسقوچیاده ۰١٤ ١۰٤ بولونیه ایتالیاده ٩٩٨ ١۰٣ بارمن آلمانیاده ۰٦٨ ١۰٣ رویه فرانسه ده ٢٩٩ ١۰۰ اهالیسنك جنسیت ولسانلری. _ آوروپا قطعه سنده ساكن بولنان اهالی بر چوق امم واقوامه منقسم اولوب، آنجق ازمنۀ قدیمه دن بری و علی الخصوص قرون وسطاده بو قطعه نك اهالیسی او قدر قاریشمش. و خارجدن جهانكیر ویا چاپولجی صفتیله او قدر قوملر

كلوب اهالىٔ اصلیه ایله اختلاط ایتمشلردر، كه لسان فرقی اولمیه ایدی، بونلری تفریقله بر برندن آیری اقوامه تقسیم ایتمك ممكن اوله میه جقدی. حقیقةً اكثر یرلرده و علی الخصوص آوروپاده اقوام بیننده نسل و نسب آرامق عبثدر؛ هیچ بر فرد اجدادینك كندی قوم و جنسیتنه منسوب اولدقلرینی ادعا ایده مز. بونك ایچون امم واقوامك تفریق و تقسیمنده اساس لسان اتخاذ النمق اقتضا ایدیور. لسانی اساس اتخاذ ایتدیكمز حالده، آوروپا اقوامنك باشلیجه اوچ بیوك‌ طاقمه منقسم بولندقلری و هلةً كوزمزه چارپار، كه بونلرده لاتین، تاوتون و اسلاو اقوامی طاقملریدر، لاتینلر آوروپانك جنوب غربیسنده، تاوتانلر شمال غربیسنده، اسلاولر دخی شرق شرق جنوبیسنده بولنیورلر. بو طاقملرك اوچی دخی امم آریه دن، یعنی عن اصل آسیای وسطیدن كلوب، ایرانیلر و هندلیلرله مناسبتی اولان اممدندر. [((آریا)) ماده سنه مراجعت بیوریله. ] آوروپا قطعه سنی بینلرنده اوچ بیوك قسمه تقسیم ایتمش اولان بو بیوك اقوام طاقملری آره سنده منفرد ویا متفرق بر قاچ قوم وامت دها بولنیور. بو اقوام متفرقه نك اوچی، یعنی یونانیلر، آرناؤدلر و كلتلر ینه امم آریه دن اولوب، ازمنۀ قدیمه ده خیلی اهمیتی حاىٔز بولنمش امم آریه نك بقیة السیوفی حكمنده درلر. دیكر اوچی. یعنی فینوآلر، مجارلر وتركلر امم تورانیه دندر. بلغارلر دخی نسباً بونلردن ایسه ده، لساناً اسلاو طاقمنه التحاق ایتمشلردر. اقوام متفرقه نك بری ده (باسق) قومیدر، كه هیچ بر طاقمه منسوب اولمیوب، ظن اولندیغنه كوره، امم آریه نك آوروپایه هجرتندن اول بو قطعه ده ساكن بولنمش اولان اقوام و حشیه دن برینك بقیة السیوفی حكمنده درلر. اقوام آریه دن اولمق اوزره، آوروپانك هرطرفنده طاغنیق بر حالده یاشار ویا قونوب كوچر بر قوم دها واردر، كه هریرده بشقه بر اسمله یاد اوله رق، بزجه چنكانه اسمیله معروفدر. یهودیلره كلنجه، بونلر امم سامیه دن و بنی اسراىٔیل اولاندن اولوب، آوروپانك هر طرفنده منتشر بولندقلری حالده، دینلرینك مباینتی سایه سنده نسل و نسبلرینی محافطه ایتمشلرسه ده، لسانلرینی غاىٔب ایتمش اولدقلرندن، اتخاذ ایتدیكمز قاعده یه كوره، آیریجه بر قوم عد اولنماملری لازم كلیور. ٣۰

اتخاذ ایتمشلردر. _ آنغلو ساقسون زمره سی ایسه انكلیز قومندن عبارتدر، كه بونلرك سویلدكلری لسانك شامل اولدیغی كلماتك نصفی لاتین لساننه منسوب ایسه ده، اساسی آشاغی آلمانیا لسانی شعبه لرندن بری اولوب، دانیمارقه لسانندن دخی بر چوق تعبیرات اخذ ایتمش اولدیغندن، انكلیزلر دخی امم تاوتونیه دن معدوددرلر. اسلاو طاقمی دخی اوچ زمره دن مركب اولوب، شرق اسلاولری عن اصل تاتار اولوب اسلاولرله قاریشه رق اسلاولاشمش اولان روسلردن عبارتدر؛ جنوب اسلاولری ینه تاتاردن اسلاولاشمش اولان بلغارلرله صربلیلر، خرواتلر، و اسلاوونلردر؛ شمال اسلاولری دخی لهلیلرله چهلیلردن و مجارستانده كی اسلو واقلرله پروسیه ده كی سورابلردن عبارتدر، وقتیله بالطیق دكیزینه قدر منتشر بولنمش اولان شمال اسلاولرندن (پولاب) و (پروچ) قوملری بسبتون منقرض اولوب، یرلرینی جرمانلر ضبط ایتمشدر؛ حتی پروسیه اسمی دخی (پروچ) قومندن قالمشدر. لهستانك شمال شرقیسنده اولوب بالطیق دكیزی سواحلنه قدر ممتد اولان (لیتوآنیا) و (لیوونیا) خطه لرنده دخی شمال اسلاولرندن اسكی (لت) قومنك بقیه سی بولنیور. یونانیلر یعنی روملر یونان دولتیله آطه لر دكیزی جزایر و سواحلنده بولنوب، لساناً اسكی یونانیلره بكزیورلرسه ده، نسل و نسبلری پك قاریشیقدر. _ آرناؤدلر اسكی ایلیریانلرك اخفادی اولوب، آرناؤدلقده ساكندرلر؛ یونانك بعض جهتلریله قالابره و سیچلیاده دخی بولنیورلر. كلتلر وقتیله آوروپانك بتون غرب جنوبی جهتنی استیلا، و شرقاً طونه یه قدر التشار ایتمش اولان كلت امت عظیمه سنك بقیة السیوفی اولوب، (غال) و (قومبر) یاخود (چمبر) اسملریله ایكی شعبه یه منقسم اولدقلری حالده، فرانسه نك غرب شمالی كوشه سنده كی (برتانیا) قطه سنده و انكلتره نك (والس) یاخود (غال) مملكتیله (مان) جزیره سنده واسقوچیا طاغلریله ایرلانده ده بولنیورلر. آنجق بونلر كندی لسانلرینی یازوب اوقومدقلرندن، كوندن كونه لسانلرینی اونوتمقده درلر؛ وبركون جنسیتلری بسبتون دكیشمش اوله جقدر. اقوام تورانیه دن اولان (فینوآ) لر وقتیله آسیانك شمال طرفلرندن یعنی آلتون طاغ اتكلرندن كلوب، روسیه نك هر طرفنه یرلشمشلردی. بونلرك بر شعبه سی دخی (چود) یاخود (اسقود) تسمیه اولندیغندن،

---علاتین طاقمی بش بیوك قومله بونلره تابع بر طاقم اقوام صغیره دن مركبدر. بیوكلری : ایتالیان، فرانسز، اسپانیول، پورتكیز و رومان (یعنی اولاخ) قوملریدر. بونلردن رومانلر ساىٔرلرندن آیری و اوزاق اولوب، آوروپانك شرق جنوبیسنده قارپات طاغلرینك اتكلریله طونه منصبنك صول طرفنده و بر شعبه لری دخی ماكدونیا و آرناؤدلقله یونانك شمال جهتنده بولنیور. لاتین لسانندن متولد اولوب، بو كونكی كونده ادبیاتلری مكمل اولان بو بش لساندن بشقه، فرنسه نك جنوبنده سویلنیلن (پروونسال) ، اسپانیانك شمال شرقیسنده تكلم اولنان (قطالون)، اسویچره و تیرولده استعمال اولنان (رومانش) و (لادین) لسانلری كبی دها بر اچ السنۀ لاتینیه واردر، كه تحریر اولنمیوب، قبا عد اولندلرندن، كیتدكجه ترك و فراموش اولنمقده، و صاحبلری ایتالیان، فرانسز و اسپانیول جنسیتلرینه التساب ایتمكده درلر. تاوتون طاقمی جرمان، اسقاندیناو و آنغلوساقسون زمره لرینه منقسمدر. جرمانلر آلمانلرله فلامان (یعنی فلمنكلیلر) دن عبارت اولوب، سویلدكلری لسان باشلیجه ایكی یه تقسیم اولنور : یواری آلمانیا یعنی آلمانیای جنوبی لسانی، كه باویره، اسویچره، سوآب و آلساس ایله آوستریاده تكلم اولنور. و آشاغی آلمانیا ینی آلمانیای شمای لسانی، كه بلچیقه نك ایچندن پروسیه نك شرق طرفنه قدر اولان آلچق یرلرده استعمال اولنور. آشاغی آلمانیا لساننك منقسم بولندیغی شعبه لردن یالكز فلمنكجه تحریری وادبیاته مالك برلسان اولوب، ساىٔرلری عوامه مخصوص و قبا عد اولنمقده در. بربرندن خیلی فرقلری اولان آشاغی ویوقاری آلمانیا لسانلری آره سنده یعنی ساقسه و فرانقونیا ایله ساىٔر اقطار متوسطه ده كلمات و تعبیراتجه یوقاری آلمانیا ب شیوه و تلفظجه آشاغی آلمانیا لساننه مشابه بر آلمانجه سویلنیور. كه تحریری وادبی آلمانجه لسانی ده بودر. _ اسقاندیناو زمره سی اسوج، نوروج، دانیمارقه و ایسلانده اهالیسندن مركب اولوب، بو درت قومك هربری كندینه مخصوص بر لسانله متكلم ایسه لرده، بینلرنده مشابهت و قرابر تامه بولنوب، اسلانده لسانی جمله نك اك قدیم و اك فصیحی اولدیغی حالده، دنیمارقه لساننك ادبیاتی ایلری اولوب، اسوجلیلر كندی لسانلرینی یازوب اوقویورلرسه ده، نوروجلیلر دانیمارقه لساننی تحریری و ادبی

اسكی یونانیلرك آوروپانك شرق طرفلری اهالىٔ قدیمه سنه ویردكلری (اسكیت) و دها طوغریسی (اسقوت) اسمی بوندن مأخوذ اولدیغی، و اسكی اسكیتلرك شمدیكی (فینوآ) لرك اجدادندن و تاتار اقوامندن عبارت بولنمش اولدقلری ملحوظدر. بو كونكی كونده ایسه بو قوم یالكز بالطیق دكیزینك شمال شرقیسنده، بوتنیا ایله فنیلانده كورفزلری آره سنده واقع فینلانده خطه سنه منحصر اولوب، بو خطه نك شمالنده بولنان (لاپون) لر دخی، جنسیتجه قطب شمالی اقطارینك اهالیٔ مخصوصه سی اولان اسكیمو وساموید اجناسندن اولدقلری حالده، فینوآ لسانیله متكلمدرلر. فینوآلر روسیه یه تابع ایسه لرده، بر نوع محتاریت اداره محافظه سنه موفق اولوب، لسانلرینی دخی اوقویوب یازمقده و ادبیاتلرینی ایلریلتمكده درلر. _ مجارلر دخی آلتون طاغ طرفلرندن آوروپایه كلوب، قارپات طاغلرینك اورته سنده یرلشمش، و آوروپا اممی صره سنه كچوب، لسان و ادبیاتلرینی خیلی ایلری یه كوتورمشلردر. اقوام آریه اختلاطلرندن سیمالری خیلی دكیشمش ایسه ده، لسانلرینی محافظه ایتمشلردر. _ تركلر عثمانلیلرك فتوحاتی صره سنده آناطولیدن كچوب، بلغارستانله ماكدونیاده و استانبول ایله ادرنه ولایتنده بولنیورلر. بوراده تركدن مقصد لسان مادرزادلری تركجه اولانلر اولوب، مسلمانلغی قبول ایتمش اولان پوماق، آرناؤد، بوشناق و كریدلی كبی اهالی بونلردن معدود دكلدر. امم واقوام مذكوره طاقملرینك تقریباً مقدارلری بروجه آتیدر. : ایتالیان (ولادین و رومانش) ٣٢۰۰۰۰۰۰ } لاتینلر ۰۰۰ ۰۰۰ ١۰٥ فرانسز (وپروونسال) ٤٣٥۰۰۰۰۰ } اسپانیول (وطالان وساىٔره) ١٧۰۰۰۰۰۰ } پورتكیز ٤٥۰۰۰۰۰ رومان (واولاخ) ٨۰۰۰۰۰۰ آلمانیا آلمانلری ٤۰٤۰۰۰۰ } تاوتونلر آوستریا )) ٨٥۰۰۰۰۰ اسویچره )) ١٨٥۰۰۰۰ روسیه )) ١۰۰۰۰۰۰ فلمنكلیلر ٣٦۰۰۰۰۰ بلچیقه فلامانلری ٢٦٥۰۰۰۰ جمعاً جرمانلر } ۰۰۰ ٧٨٥ ٩٨ اسوجلیلر ٤٧٢۰۰۰۰ } نوروجلیلر ١٨٨۰۰۰۰ دانیمارقه لیلر ٢۰۰۰۰۰۰ ایلانده لیلر ٨٥۰۰۰ جمعاً اسقاندیناولیلر ٨٧٨٥۰۰۰ انكلمیزلر ٣٣۰۰۰۰۰۰

روسلر ٧٨۰۰۰۰۰۰ روسیه لهلیلری ٤٨۰۰۰۰۰ } اسلاولر پروسیه )) ٢۰۰۰۰۰۰ } ۰۰۰ ٨۰۰ ١١٢ آوستریا )) ٣٦۰۰۰۰۰ اسلوواقلر ٣٢۰۰۰۰۰ چهلیلر ٥٧۰۰۰۰۰ روتنلر ٢۰۰۰۰۰۰ صربلیلرله خرواتلر ١۰٥۰۰۰۰۰ برتانیا كلتلری ١٢٥۰۰۰۰ غال )) ١۰٥۰۰۰۰ اسقوچیا )) ٣٢۰۰۰۰ ایرلانده )) ٨٦٨۰۰۰ مان آطه سی )) ١٢۰۰۰ } اقوام متفرقه جمعاً كلتلر } ۰۰۰ ٥٨٥ ٨ روملر ٢٥۰۰۰۰۰ آرناودلر ٢٥۰۰۰۰۰ باسقلر ٥٨٥۰۰۰ مجارلر ٥٨٥۰۰۰ عثمانلی تركلر ٦٥۰۰۰۰۰ قریم و نوعای تاتارلری ٣٥۰۰۰۰۰ } ۰۰۰ ۰۰۰ ١٣ فینوآلر ٢۰۰۰۰۰۰ جمعاً اوروپا اهالیسی ۰۰۰ ١٧۰ ٣٣٨ ادیانی. _ آوروپانك باشلیجه دینی خرستیانلق اولوب، بو دینك اوچ بیوك مذهبی آوروپا قطعه سنی اوچه تقسیم ایتمشلردر. جنوب غربی قسمی قتولیك، شمال غربی قسمی پروتستان و شرق و شرق جنوبی قسمی اورتودوقس یعنی روم مذهبنه دوشمشدر. تعبیر آخرله لاتین اقوامنك اكثریسی قتولیك، تاوتون اقوامنك قسم اعظمی پروتستان، اسلاولرك ده چوغی اورتودوقسدر. اوروپانك شرق جنوبی قسمنده یدی ملیونه قریب مسلمانلر، و آوروپانك هر طرفنده طاغنیق حالده بر مقدار یهودیلر بولنیور. قتولیكلر ١٤٥ ملیون قدر اولوب، اسپانیا، پورتكیز و ایتالیانك كافۀ اهالیسیله فرانسه اهالیسنك اونده طقوزی ایرلانده لیلرك اوچ ربعی، بلچیقه لیلرك همان جمله سیله فلمنكلیلرك و آلمانلرك برر ثلثی،‌آوستریالیلرك اونده طقوزی، مجارستان اهالیسنك نصفی، اسویچره لیلرك ایكی خمسی، عموم لهلیلرك اوچ ربعی، انكلیزلردن بر ملیوندن زیاده خلق وروسیه ایله دولت عثمانیه اهالیسنك برر مقدارلری قتولیكدر. پروتستانلر بر چوق شعبه لره منقسم اولدقلری حالده ٩٥ ملیون قدر اولوب، اسوج، نوروج، دانیمارقه، پروسیه، اهالیسنك كافه سیله آلمان و فلمنكلیلرك ثلثانی، آوستریالیلرله فرانسزلرك برر عشری، مجارلرك همان نصفی، اسویچره لیلرك اوچ خمسی، انكلیزلرك همان جمله سی، ایرلانده لیلرك بر ثلثی و روسیه نك بالطیق

لنده بولنان بالقان شبه جزیره سیله ایتالیانك قسم شمالیسی بسبتون مجهول ایدی. فنیكه لیلر سبته بوغازینی طولاشوب، انكلتره و دانیمارقه یه قدر دخی كیتمشلردیسه ده، او اقطا بعیده یه صوىٔوق و منجمد احواللرینی تفتیش و تحقیقه پك ده تنزیل ایتمه مشلردی. مؤخراً رومالیلر دولتلرینك حدودینی توسیع ایله، آوروپانك هر طرفنه عسكر سوق ایتدكدن صكره بیله، یالكز طونه ورین نهرلرینه قدر اولان یرلری اوكرنوب، بتون روسیه و آلمانیا و لهستان و اسقاندیناویا مجهول قالمشلردی. او وقتلرده یعنی ایكی بیك سنه اول آوروپانك نصف جنوبیسی روما دولتنك الكاسی اولوب، نصف شمالیسی ایسه بر طاقم اقوام و حشیه نك جولانكاهی ایدی. روما دولتنك ایكی یه انقسامیله ضعفه دوچار اولمسی اوزرینه، اواقطار شمالیه اقوام و حشیه سی متمدن و معمور اولان روما ممالكی یعنی آوروپای جنوبی اوزرینه هجوم ایده رك، هر طرفی یاقوب ییقمغله، یغما وخوتخوارلقله ممزوج بر دور تخریب ظهور ایتمشیدی. بو دور تخریب آوروپای جنوبی حقنده نه قدر مضر بولنمش ایسه، آوروپای شمالی حقنده او قدر فاىٔده یی منتج اولمشدر. غالبلرك و حشیلكی مغلوبلرك ممالكنی نصل استیلا ایتمش ایسه، مغلوبلرك او وقته كوره حاىٔز بولندقلری مدنیت دخی غالبلرك ممالكنه حس اولنمیه جق بر صورتله دخول ایدوب، بو اختلاطدن آوروپانك هر طرفی مكشوف و معلوم حالنه كچمش؛ و خرستیانلق هر طرفنه انتشار ایدوب، بتون آوروپاده متحد و مساوی بر حال حاصل اولمشیدی. لكن بو حال ینه مدنیت حالی دكلیدی و حشیانه بر سپاهیلك اصولی هر طرفده حكمفرما ایدوی و بر طاقم دره بكلری بیننده كی نزاع و محاربه لر و بونلرك ضعفای اهالی یه روا كوردكلری مظالم هر كون آوروپا طوپراغنی قانلره بویامقده ایدی. ایشته آوروپا بویله بر حالده بولندیغی بر زمانده ایدی، كه غزاة‌ مسلیمن آفریقانك بتون شمال قسمنی فتح ایتدكدن صكره، سبته بوغازینی تجاوزله اسپانیایی فتح، و تا فرانسه نك اورته سنه قدر دخول ایتدیلر. عربلرك اندلسده ناىٔل اولدقلری معارف و مدنیت بر درجۀ علیایه واصل اولوب، وقتیله یونان مدنیتی آوروپانك شرق

سواحلنده كی اهالیسی پروتستاندر. اورتودوقسلر تقریباً ٨٥ ملیون اولوب، روسلرك همان جمله سیله آوستریا اسلاو ورومانلرندن ٣ ملیون اهالی ورومانیا، صربیه، قره طاغ، بلغارستان، و ساىٔر ممالك عثمانیه و یونان خرستیانلری همان كاملاً اورتوقسدر. مسلمانلر آوروپاده ٧ ملیون اولوب، بونلرك، بر ملیوندن زیاده سی آرناؤد، بر ملیونه قریب مقداری بوشناق و پوماق و بر ملیونی دخی ترك اولمق اوزره، اوچ ملیونی بلقان شبه جزیره سنده؛ درت ملیونه قریب مقداری قریم و نوغای تاتارلرندن عبارت اولمق اوزره، روسیه ده، و آلتی یدییوزی دخی لهستانده بولنیورلر. یهودیلر نوروج ولاپونیادن بشقه اوروپانك هر طرفنده منتشر اولوب، روسیه، لهستان، آوستریا، رومانیا، ممالك عثمانیه و آلساسده كثرت اوزره بولنیورلر. جمله سی تقریباً ٥ ملیونه بالغ اولورلر. لاپونیا وساىٔر اقطار شمالیه ده كی بتپرستلرله هیج بر دینله متدین اولمیانلرك مقداری دخی تقریباً بر ملیونه بالغ اولور. احوال تاریخیه سی. _ اوروپا قطعه سنك پك اسكی بر زمانلرده كندینه مخصوص بر قاچ جنس اهالیسی بولنمش اولدیغی علم الارضك زیر زمیندن چیقاردیغی آثار بدنیه لریله مثبتدر. پیرنه جبالی اتكلرنده كی باسقلرك ده بو جنسلردن برینك بقیة السیوفی اولملری محتملدر. بعده ینه تاریخك ضبط ایده مدیكی پك اسكی بر زمانلرده آسیای وسطیدن طرق مختلفه ایله كروه آریا اقوامی هجرت ایدوب، اوروپانك هر طرفنه یرلشمشلردر. آنجق بو قوملر اوروپانك اورمانلرنده، مغاره لرنده و كوللرنده همان و حشی بر حالده یاشایوب، مدنیتدن بیخبر ایدیلر. مؤخراً سوریه و مصر سواحلندن بر مدنیت نوری پارلمغه باشلادیغی وقت، آوروپانك یالكز منتهای جنوب غربیسنده واقع یونان شبه جزیره سیله اونك اطرافنده كی آطه لر بو مدنیتدن مستفید اوله بیلوب، بر چوق وقت صكره بر طرفدن یونانیلرك و برطرفدن دخی فنیكه لیلرك آق دكیزك بعض سواحل و جزایرنده ایدنمش اولدقلری مستملكاتده دخی مدنیت آثاری كورنمكه باشلامش؛ و علی الخصوص ایتالیای جنوبی ایله سیچلیا مدنیت یونانیه داىٔره سنه كیرمشیدی. او وقتلرده اوروپانك ساىٔر طرفلری و حتی یونانك حدودی اتصا-

جنوبی كوشه سنده نصل پارلامش ایسه، مدنیت اسلامیه دخی غرب جنوبی كوشه سنده بش آلتی عصر پیایی اویله لمعه پاش اولمش ایسه ده، اوروپاده او وقت حكم سورن خرستیانلق تعصبی اوروپالیلرك بو مدنیتدن اقتباس ایتملرینه مانع اولمشیدی. مؤخراً بو تعصب بتون آوروپا اقوامنك اهل صلیب نامیله اردولر حالنه كیره رك، عالم اسلامك اوزرینه هجوملرینی موجب اولمغله، بر چوق وقت دوام ایدن بو محاربه لردن و سوریه و مصرده اقامتلرندن آوروپالیلر چوق مستفید اولوب، مدنیت اسلامیه آثار علمیه و صناعیه سی آوروپاده انتشار ایتمش؛ و ابنسینا، ابن رشد كبی علمای اسلامك آثار علمیه و فنیه سی لاتینجه یه ترجمه اولنوب، آوروپا مكتبلرنده اوقونمغه باشلامشیدی. هارون الرشیدك معاصری اولوب، فرانسه و آلمانیا ایله ایتالیانك قسم جنوبیسنده یعنی بتون آوروپای وسطیده حكمفرما بولنمش اولان (شارلمان) دخی آوروپاده ابتداىٔی بر مدنیت اساسی قومشیدی. عثمانلیلرك آوروپایه كچملریله استانبولك قرون وسطایه ختام ویره رك، آوروپا قطعه سیچون بر یكی دور آچمش؛ و او وقتدن بری آوروپا دولتلری تشكل ایتمشدر. بر وقت اوروپا دولتلرندن وندیك و جنوه جهوریتلری ومؤخراً اسپانیا، پورتكیز، فلمنك دولتلری بحراً بر بیوك قوت حاصل ایتمشلردی. مؤخراً بو‌ قوت انكلتره و ایكنجی درجه ده فرانسه دولتنه انتقال ایتمش؛ و بو صوك زمانلرده ایتالیا ممالكی بالاتحاد دول معظمه دن معدود بر بیوك دولت اولمش، و پروسیه آلمانیا حكومات صغیره سنی جمعله بر بیوك آلمانیا ایمپراطورلغی تشكیل ایتمش، و روسیه خیلی توسع ایتمشدر. بالقان شبه جزیره سنده دخی یونان، رومانیا و صربیه قراللقلریله قره طاغ و بلغارستان پرنسلكلری و جود بولمشلردر. تقسیمات قدیمه سی. _ آوروپا قطعه سنك تقسیمات قدیمه سی وهر برینك مصادف اولدیغی ممالك جدیده بروجه آتیدر: ١ غراچیا (یعنی یونان. ) ٢ ایلیریا (یعنی آرناؤدلق. بوسنه، هرسك ودالماچیا) . آرناؤدلغك جنوب قسمنه (اپیر دخی دیرلردی.

٣ ماكدونیا (یعنی سلانیك و مناستر ولایتلری. ) ٤ تراكی (یعنی ادرنه ولایتیله بلغارستانك جنوب شرقی قسمی.) ٥ موسیا (یعنی صربیه ایله بلغارستانك شمال غربی قسمی. ) بونك جنوب غربی طرفنه یعنی اسكوب جهتنه (داردانیا) دخی دیرلردی. ٦ پانونیا (یعنی آوستریانك غرب جنوبی قسمی اولان خرواتستان وساىٔره ایله مجارستانك قسم غربیسی. ) ٧ داكیا یاخود داچیا (یعنی رومانیا ایله مجارستانك قسم شرقیسی. ) ٨ ایتالیا. ٩ ایبریا (یعنی اسپانیا وپورتكیز.) ١۰ برتانیا (یعنی انكلتره واسقوچیا ایله ایرلانده. ) ١١ غالیا (یعنی فرانسه و بشچیقه. ) ١٢ جرمانیا (یعنی آلمانیا، فلمنك و اسویچره. ) ١٣ اسكیتیا یاخود اسقوتیا (یعنی روسیه نك جنوب جهتی.) ١٤ سارماتیا (یعنی روسیه نك شمال طرفی ایله لهستان و پروسیه جهتلری. ) اك صكره كی اوچ مملكت یعنی جرمانیا، اسكیتیا و سارماتیا ممالك مجهوله دن اولوب، حدود و احواللری معلوم دكلیدی.

Kamusul Alamde Europe maddesi, آوروپا osmanlica tarih ve cografya ansiklopedisi Europe nedir anlami. hakkinda bilgi



5 12 19 26 33 40 47 54 61 68 75 82 89 96 103 110 117 124 131 138 145 152 159 166 173 180 187 194 201 208 215 222 229 236 243 250 257 264 271 278 285