Anville ~ آنويل
Kamus-ul'Alam - Anville ~ آنويل maddesi. Sayfa: 445 - Sira: 3
Anville - آنويل
فرانسه نك اك مشهور جغرافیونندن اولوب، میلادك ١٦٩٧ تاریخنده پارسده طوغمش، و ١٧٨٢ ده وفات ایتمشدر. ٢٢ یاشنه و ارمه دن قرالك رىٔیس جغرافیونی عنواننه مظهر اولوب، آثار عتیقه آقادمیاس اعضالغنه، و مؤخراً فنون آقادمیاسنك جغرافیا مأموریتنه نصب اولنمشیدی. محال مختلفه ده تعیین ایتدیكی عرض و طول درجه لریله و تنظیم ایتدیكی مكمل خریطه لرله جغرافیانك ترقیاتنه پك چوق خدمتلر؛ و علی الخصوص ایتالیا، یونان و مصر خریطه لرینی تصحیح ایتمشدر. آثارینك اك مقبوللری : اوچ جلد اوزرینه مرتب اولان ((جغرافیای قدیم )) ، ((تاریخ
قدیمله روما تاریخی خریطه لری ))، ((اسكی ویكی مقیاسلر كتابی )) ، ((اوروپاده غرب ایمپراطورلغندن صكره تشكیل ایدن دولتلر )) ، ((چین و تیبت وتاتارستان آطلاسی ))، ((مصرك احوال قدیمه و جدیده سی )) عنوانلی اثرلریدر. كلیات آثاری ٦ بیوك جلد اوزرینه نشر اولنمشدر.
Kamusul Alam, Şemseddin Sami; Kamusul Alamde Anville maddesi. osmanlıcada Anville ne demek, Anville anlamı manası, Anville osmanlıca nasıl yazılır. Osmanlıca sözlükte Anville hakkında bilgi. Arapça Anville ne demek. Arapça osmanlıca sözlük. Farsçada Anville anlamı
Kamusul Alamde - آنويل Anville maddesi. Şemseddin Sami, Kamusul Alam Ansiklopedisi