Andro ~ آندرو
Kamus-ul'Alam - Andro ~ آندرو maddesi. Sayfa: 421 - Sira: 8
Andro - آندرو
یاخود آندره یونانك آطه لر دكیزنده واقع (كیقلاده) جزایرندن و جزایر مذكوره نك اك بیوكلرندن و اك شمالیسی اولوب، آغربیوزك جنوب شرقیسنده واقعدر، و آغریبوز آطه سندن ١۰ كیلومتره و سعتنده اولان (اورو) بوغازیله آیرلمشدر. شمال غربیدن جنوب شرقی یه طوغری اولان طولی ٤۰ ، و عرض وسطیسی ١۰ كیلومتره در. اراضیسی طاغلق اولوب، باغلری و اشجار مثمره سی چوقدر. دودلری دخی چوق اولوب، چیقاریلان ایپك آطه نك باشلیجه وارداتندندر. اهالیسی اون آلتی ایله اون سكز بیك آره سنده اولوب، اكثریسی كسب وكارله آتنه ده و استانبولده بولنورلر. بو آطه نك (تینو) یعنی (استندل) آطه سنك قارشیسنده اولان منتهای جنوبیسی َ٤١ ْ٣٧ عرض شمالی ایله َ٣٨ ْ٢٢ طول شرقیده واقعدر. _ مركزی اولان (آندرو) قصبه سی جزیره نك ساحل شرقیسنده واقع اولوب، ٥۰۰۰ اهالیسی واردر.
Kamusul Alam, Şemseddin Sami; Kamusul Alamde Andro maddesi. osmanlıcada Andro ne demek, Andro anlamı manası, Andro osmanlıca nasıl yazılır. Osmanlıca sözlükte Andro hakkında bilgi. Arapça Andro ne demek. Arapça osmanlıca sözlük. Farsçada Andro anlamı
Kamusul Alamde - آندرو Andro maddesi. Şemseddin Sami, Kamusul Alam Ansiklopedisi