Los Angeles ~ آنجلس (لوس)
Kamus-ul'Alam - Los Angeles ~ آنجلس (لوس) maddesi. Sayfa: 413 - Sira: 8
Los Angeles - آنجلس (لوس)
لوس _ یعنی ((ملكلر )) . ممالك مجتمعه نك جنوب غربی جهتنده كی جماهیرندن (قالیفورنیا) جمهوریتنده بر شهردر، كه همنامی اولان بر قضانك مركزی اولوب، ینه همنامی اولان بر چایك اوستنده و بحر محیط كبیر ساحلندن ٢۰ كیلومتره لك مسافه ده، ْ٣٤ عرض شمالی خط موهومنك بر آز شمالنده واقع و ٥٧٥۰ اهالی یی جامعدر. هواسی غایت كوزل و صاغلام ایسه ده، قصبه غیر منتظم و اولری كیرپیچدندر. ٣٥ كیلومتره جنوبنده اولان (سان پدرو) اسكله سنه بر دمیر یوللۀ مربوطدر. جوارنده كی اراضی پك منبت اولوب، كلیتلی پاموق، كتن، توتون، حبوبات، پورتقال، شكر و انواع میوه لر حاصل اولور. اسكیدن ایشلنمكده بولنمش اولان آلتون معدنلری متروكدر. شهرك ١۰ كیلومتره شمال غربیسنده كلیتلی بر بیتومی حاوی بر صو آقار. _ آنجلس قضاسی بحر محیط كبیر ساحلنده واقع اولوب، شرق و شمال طرفلری یوكسك طاغلرله محاطدر. بو طاغلردن بر قاچ نهر
آقار. داخل قضاده پك چوق آلتون، كومش، جیوه و باقر معدنلری بولنور. اهالیسی ۰۰۰ ١٥ كشیدن زیاده در. _ بو اسمله (شیلی) جمهوریتنده دخی بر قصبه واردر، كه (آراوقو) ایالتنده (لایه) سنجاغنك مركزی اولوب، ٤۰۰۰ اهالیسی واردر.
Kamusul Alam, Şemseddin Sami; Kamusul Alamde Los Angeles maddesi. osmanlıcada Los Angeles ne demek, Los Angeles anlamı manası, Los Angeles osmanlıca nasıl yazılır. Osmanlıca sözlükte Los Angeles hakkında bilgi. Arapça Los Angeles ne demek. Arapça osmanlıca sözlük. Farsçada Los Angeles anlamı
Kamusul Alamde - آنجلس (لوس) Los Angeles maddesi. Şemseddin Sami, Kamusul Alam Ansiklopedisi