Antilles denizi ~ آنتيل دكيزى
Kamus-ul'Alam - Antilles denizi ~ آنتيل دكيزى maddesi. Sayfa: 411 - Sira: 3
Antilles denizi - آنتيل دكيزى
ونام دیكرله قراىٔب دكیزی كوچك و بیوك آنتیل جزایریله آمریقانك ایكی قطعه سنی ربط ایدن برزخ و آمریقای جنوبینك سواحل شمالیه سی آره سنده بولنان بر دكیزدر، كه عرض شمالینك ْ٩ درجه سندن ْ٢٢ درجه سنه و طول غربینك ْ٦٣ درجه سندن َ٣۰ ْ٩۰ درجه سنه دك ممتد اولوب، شرقدن غربه اولان بویی ٢٧٧٥ كیلومتره، و شمالدن جنوبه اولان اكی دخی اك طار محلنده ٨٩۰ و اك كنیش یرنده ١٣٣۰ كیلومتره در. بودكیز كندیسنك بر شعبه سی حكمنده اولان مكسیقه كورفزیله ٢٨٣ كیلومتره وسعتنده بر بوغازله اختلاط ایدیور، كه بو بوغاز (یوقاتان) شبه جزیره سیله (قوبه) آطه سی آره سنده واقع اولوب، (یوقاتان بوغازی) نامیله معروفدر. بحر محیط آطلاسی ایله ایسه قوبه دن ترینیداد جزیره سنه قدر آطه لرك آره سنده اولان اون درت اون بش باشلیجه بوغازلر و اسطه سیله اختلاط ایدیور. قریباً پانامه قنالی واسطه سیله بحر محیط كبیرله دخی اختلاط ایده جكدر. بو دكیز اك درین دكیزلردن اولوب، بعض محللری ٤٢۰۰ متره دن زیاده
دریندر. بو دكیزی بحر محیط آطلاسیدن آیران آطه لرك آره سی یوكسك اولوب، تحت البجر بر سلسلۀ جبال حكمنده در، كه ذروه لری صویك خارجنه چیقوب، مذكور آطه لری تشكیل ایدیورلر.
Kamusul Alam, Şemseddin Sami; Kamusul Alamde Antilles denizi maddesi. osmanlıcada Antilles denizi ne demek, Antilles denizi anlamı manası, Antilles denizi osmanlıca nasıl yazılır. Osmanlıca sözlükte Antilles denizi hakkında bilgi. Arapça Antilles denizi ne demek. Arapça osmanlıca sözlük. Farsçada Antilles denizi anlamı
Kamusul Alamde - آنتيل دكيزى Antilles denizi maddesi. Şemseddin Sami, Kamusul Alam Ansiklopedisi