Antilles - آنتيل

بحر محیط آطلاسیده آمریقای شمالی ایله آمریقای جنوبی آره سنده بیوك و كوچك بر چوق آطه لر اولوب، آمریقای شمالیدن عد واعتبار اولنورلر. موقع و وسعتلری. _ آنتیل آطه لری آمریقای

شمالینك (فلوریده) شبه جزیره سنك اوكندن و آمریقای وسطینك (یوقاتان) شبه جزیره سی قارشیسندن باشلایوب، شرق جنوبی یه و بعده جنوبه طوغری امتدادله، آمریقای جنوبینك (اونوق) منصبی قارشیسنده منتهی اولور بر اوونك صورتنده اوله رق، آمریقانك ایكی جسیم قطعه سی آره سنده بر زنجیر تشكیل ایدرلر. آمریقای وسطی یی تشكیل ایدن برزخله بو آطه لر زنجیری آره سنده‌ بحر سیفده مشابه و همان بحرسفید بیوكلكنده بر دكیز بولنیور، كه اوده بحر سفید كبی ایكی منقسم اولوب، شمال طرفی (مكسیقه كورفزی) و جنوب جهتی دخی (آنتیل دكیزی) نامیله معروفدر. اصل آنتیل آطه لری شمالده بولنان بیوك آطه لرله جنوبده كی كوچك آطه لردن مركب اولوب، آنجق شمالده بیوك آطه لرك خارجنده بولنان (لوقای) و نام دیكرله (باهامه) جزایر صغیره سیله جنوبده ونزوىٔلا ساحلی قارشیسنده كاىٔن ((روزكار آلتی )) آطه لری دخی آنتیل جزایری جمله سندن معدوددر. بو آطه لرك جمله سی ْ١۰ ایله ْ٢٧ عرض شمالی و ْ٦٢ ایله ْ٨٧ َ٢۰ طول غربی آره سنده واقع اولوب، بومسافه نك طولی ٣٤٥۰ كیلومتره دن زیاده در. بیوك آطه لر درت اولوب، بونلردن (قوبه) ایله (هایتی) پك بیوك و (جمایقه) ایله (پورتوریقو) دخی ایكنجی درجه ده در. ساىٔرلری كاملاً كوچكدر. تقسیم و تعدادلری. _ آنتیل آطه لری باشلیجه آوروپا دولتلرندن بر قاچنك تحت تصرفنده بولندقلرندن، ابتدا موقع و وضعیتلری و ثانیا تابعیتلری اعتباریله تعدادلری لازم كلوب، بروجه آتی ایكی جدول تنظیمی اقتضا ایدیور : ١ _ بیوك آنتیل جزایری قوبه جزیره سی ایسلاده پینوس بیوك قایمان كوچك قایمان قایمان براق جامایقه هایتی و نام دیكرله (سنت دومینغ) غوناوه تورتوغه پورتو ریقو یاخود پوىٔوتو ریقو ٢ _ كوچك آنتیل یاخود قراىٔب جزایری بكر آطه لری بیك یاخود قراب آطه لری

قولبرا ساوانه سنت توماس سنت ژان تورتوله ویرجین غورده آنغاده سانتا قروز سومبررو (( كوچك آطه سی)) آنغو ىٔیلته آنغو ىٔیلا اسقروب سنت مارتن سنت بارتلمی باربوده سابه سنت اوستاش سنت قریستوف ىٔویس آنتیغوآ مونچرات غوآدلوب دریزاته ((كوچك یر)) (( عزیزه لر )) ماریه غالانته دومینیق مارتینیق سانته لوسیه سنت وینسان غرنادینه بكیا قاىٔوآن قاریاقو غریزون غرناده بارباده توپاغو ترینیداد (یعنی ((اقانیم ثلثه آطه سی )) ) ٣ _ (( روزكار آلتی )) آطه لری تستیغوس لوس قرایلس مارغویته تورتوغه اوركیلا لوس روقوىٔس (قیالر) ایسلاس ده آوس (قوش‌ آطه لری ) بوىٔن آیره فوراساىٔو اوروبه ٤ _ لوقای و بام دیكرله باهامه آطه لری : بیوك باهامه

بیوك آباقه موسه بری آطه لری بمیم آطه لری آندروس اسپیریتو سانتو نو پرویدنسه الوترا كت ایسلاند كوچك سان سالواتور واتلینغ روم كی لونغ ایسلاند غرت اكزومه غرت غوآناكی قروكد ایسلاند آقلین پلاناس سامانه مارینیانه قایقوس آطه لری { بیوك قایقوس شرقی قایقوس پروو یدانسیال غربی قایقوس آمبرغری (عنبر آطه سی) ترك آطه لری ایناغوآ كوچك ایناغوآ مساحۀ سطحیه جزایر كیلومتره اهالی ١ _ اسپانیا دولتنه تابع _ (بیوك آطه لر) قوبه ١١٨٨٣٣ ٦٨٤ ٥٢١ ١ ایسلا ده پینوس ٢٣٣۰ ٣۰۰ پورتو ریقو ٣١٥ ٩ ٣١٣ ٧٥٤ ١٣۰٤٧٨ ٢٩٧ ٢٧٦ ٢ ٢ _ فرانسه دولتنه تابع _ (كوچك آطه لر) سنت مارتن (قسم جنوبیسی) ٥٢ ٨٣۰ ٢ غوآدلوب ٦۰٣ ١ ۰۰۰ ١٧٨ دزیراته ٢٧ ٥۰۰ ١ عزیزه لر ١٤ ٥۰۰ ١ ماریه غلانته ١٤٩ ۰۰۰ ١٣ مارتینیق ٩٨٨ ٣٣٢ ١٦٩ ٣ _ انكلتره یه تابع (بیوك آطه لرده ) جامایقه ١۰٨٥٩ ٣٨٥ ٥٩٦ قایمان آطه لری ٥٨٤ ٢٤۰۰ (كوچك آطه لرده ) بكر آطه لری ١٦٥ ٢٧٨ ٥

طبیعت اراضیجه اوچه منقسم اولوب، جنوب جهتنده بولنان كوچك آطه لرك اراضیسی اراضىٔ بركانیه دندر. و خیلی یوكسك طاغلری، نهرلری و سواحلده قوی و لیمانلری واردر. شمال جهتنده كیلرله (باهامه) آطه لرینك اراضیسی ایسه اراضىٔ كلسیه دن اولوب، نسبةً دها آلچق وصوسز اولدقلری كبی، قوی و لیمانلری دخی اولمیوب، ساحللری چتین و كمیلرك یناشمه سنه مخاطره لیدر. بیوك آطه لرك اراضیسی ایسه اساساً غرانیتدن عبارت اولوب، غرانیت طبقه سی اوزرینه كلس و شیست طبقه لری بولنیور. آنتیل جزایری عمومیت اوزره طاغلق اولوب، طاغلرینك بعضیسی چبلاق و صرب و بعضیسی مدور و اورمانلرله مستوردر. اراضیٔ بركانیه دن عبارت اولان آطه لرده دخی شمدی آتش افشان هیچ بر بركان یوغیسه ده، بعضلرنده دومان و چامور افرازاتی كوریلیور، وقاپلیجه لرله معدن صولری چوق اولدیغی كبی، حركت ارض دخی بتون آنتیل جزایرنده پك كثیر الوقوع اولوب، بو داهیۀ طبیعیه دن مصاب اولمامش هیچ بر آطه یوق كبیدر. آنتیل آطه لری اقالیم حاره دن معدود اولمغله، هوالرینك صیجاق اولمسی طبیعی ایسه ده، ینه حرارتلری درجۀ عرضلرینك اقتضاسندن دوندر. بو آطه لرده ایكی موسم اولوب، بری تشرین اولدن مارته قدر دوام ایدن قوراقلق موسمی و دیكری دخی نیساندن ایلوله قدر سورن یاغمورلر موسمیدر. قوراقلق موسمنده و علی الخصوص كانونلرله شباطده درجۀ حرارت، سانتیغراد اوله رق، یكرمی ایكی یكرمی اوچه قدر اینر، و او موسمده هوا براق و صاغلام اولور. آنجق اراضی قوراقلقدن چاتلار و نباتات قورور. مارت‌ و نیسانده مقنن یاغمورلر یاغمغه باشلایوب، بردن بره اراضى تازه لنیر و نباتات كثیره ایله اورتیلیر. یاز موسمی ایلریلدكجه یاغمورلر چوغالوب، درجۀ حرارت دخی ٣٦ راده لرینه قدر چیقدیغندن، رطوبتله حرارتك امتزاجندن كرك انسان و حیوانات و كرك نباتات حقنده مهلك بر طاقم علل و امراض ظهور ایدر، و كلیتلی حشرات مضره جانلانیر. بو یاغمورلر شدتلی و دهشتلی بوره لر، فرطونه لر، قاصیرغه لر و چوق دفعه حركت ارضله دخی مترافق اولوب، علی الخصوص سفاىٔن حقنده

سنت قریستوف ١٧٦ ١٣٧ ٢٩ آنكیلا ٩١ ٢١٩ ٣ آنتیغوآ وباربوده ٤٤۰ ٣٢١ ٢٤ نویس وردونده ١١٨ ٨٦٤ ١١ مانچرات ٨٣ ۰٩٧ ١١ دومینیق ٧٥٤ ٨٤۰ ٢٨ سانته لوسیه ٦١٤ ٣٨١ ٤١ سنت وینسان ٣٨١ ۰٣٩ ٤٣ غرناده وغرنادینه لر ٤٣۰ ٤٢٤ ٤٦ توپاغو ٢٩٥ ٣٦٣ ١٩ ترینیداد ٥٤٤ ٤ ٩١٤ ١٧١ (لوقای آطه لرنده) باهامه آطه لری ١٣٩٦۰ ٥٣١ ٤٣ ترك وقایقوس آطه لری ٥٧٥ ٧٧٨ ٤ ٣٤۰٦٩ ١۰٩٢٩٧۰ ٤ _ دانیمارقه دولتنه تابع _ (كوچك آطه لرده) سنت توماس ٨٦ ٥٥ ٢١٨ } ٨٢١ ٣٧ ٣٥٩ ٨٢١ ٣٧ ٥ _ اسوج دولتنه تابع _ (كوچك آطه لرده ) سنت بارتلمی ٢١ ٢٩۰۰ ٦ _ فلنمك دولتنه تابع (كوچك آطه لرده) ١ سنت مارتن (قسم جنوبیسی) ٤٧ ٨٢۰ ٢ ٩ سنت اوستاش ٢۰ ٥٥٤٣ سابه ١٣ ٨٨٣ ١ (روزكار آلتی آطه لرنده ) بوىٔن آیره ٣٣٥ ٧٨۰ ٣ قوراساىٔو ٥٥۰ ٣١٩ ٣١ اوروبه ١٦٥ ١٨٥ ٤ ١٣۰ ١ ٦٢٩ ٣٩ ٧ _ هایتی جزیرۀ مستقله سی (بیوك آطه لرده) هایتی جمهوریتی ٩١١ ٢٣ ۰۰۰ ٨۰۰ دومینیكن جمهوریتی ٣٤٣ ٥٣ ۰۰۰ ٢۰۰ ٢٥٤ ٧٧ ۰۰۰ ۰۰۰ ١ اجمال اسپانیایه تابع جزایر ٤٧٨ ١٣۰ ٢٩٧ ٢٧٦ ٣ فرانسه یه )) )) ٨٨٣ ٢ ۰٦٣ ٣٦٦ انكلتره یه )) )) ۰٦٩ ٣٤ ٩٧۰ ۰٩٢ ١ دانیمارقه یه )) )) ٣٥٩ ٨٢١ ٣٧ اسوجه )) )) ٢١ ٢٩۰۰ فلمنكه )) )) ١٣۰ ١ ٦٢٩ ٣٩ جزیرۀ مستقله ٢٥٤ ٧٧ ۰۰۰ ۰۰۰ ١ جمعاً ١٩٤ ٢٤٦ ٦٧٩ ٨١٥ ٤ طبیعت اراضیسیله هواسی. _ آنتیل جزایری

پك تهكله لیدر. عمومیت اوزره آنتیل جزایرینك هواسنی تعدیل ایدن ملتم روزكارلریدر. اكثریا كوندوزین بحر محیط آطلاسیدن كلن شرق روزكاری و كیجه دخی قره دن غرب روزكاری اسوب ایكیسی ده سرین اولدقلرندن، هوا كسب اعتدال ایدر. مع هذا كیجه آچیق هواده یاتمق ویا چالیشمق مهلكدر. نباتات و محصولاتی. _ هوانك حرارت ورطوبتی حسبیله، آنتیل جزایرینك نباتاتی دنیانك هر طرفندن زیاده اولوب، ذاتاً یاپراقلر دوكلمه دن تازه لری آچلمغله، داىٔمی صورتده اورته لق زمرد كبیدر. و علی الخصوص اورمانلری بر برینه صارلمش صیق آغاجلرله مملودر. بو آغاجلرك اكثریسی تمرهندی كبی غایت سرت اولوب، بزجه مجهول برچوق انواع مخصوصه سی واردر. یونجه وساىٔر اوتلرله كل، یاسمین وقرنفیل كبی چیچكلر خدایی نابت حالنده و كثرت اوزره بولنور. اوروپادن نقل و غرس اولنان اشجار و نباتاتك چوغی هواسیله امتزاج ایده مه مش ایسه ده، هندستاندن و آفریقادن نقل اولنانلرك جمله سی هواسیله امتزاج ایتمش، و بو درلو نباتات و محصولات زیاده سیله تكثر ایدوب، شكر، قهوه، چوید، توتون كبی محصولات كثرتله یتیشدیكی كبی، قاىٔون، قارپوز، موس، هندستان جویزی، آناناس وساىٔر بزجه اسملری بیله مجهول انواع میوه لر حاصل اولور. حیواناتی . _ آنتیل جزایرینك طیوری هر بردن زیاده اولوب، غایت كوزل بعض جنسلری واردر. سیوری سینك، قارینجه، اورومجك، وساىٔر حشرات مضره هم پك چوق و همده پك بیوك وزهرلیدر. آریلر چوق وباللری غایت لذیددر. محلی حیوانات اهلیه اولمیوب، اوروپادن نقل النانلری دخی اقلیم و هوا ایله پك ایی امتزاج ایده مه مشدر. دكیزلرنده كرك بزجه معروف و كرك اورایه مخصوص بر چوق نوع بالیقله حیوانات نباتیه و علی الخصوص قره مرجانله آق مرجان كثرت اوزره بولنیور. (سنت دومینغ) جزیره سی نهرلرنده (قایمان) دنیلن بر نوع تمساخ دخی واردر. اهالیسی. _ آنتیل جزایرینك قریستوف قولومب طرفندن اثنای كشفنده قوبه وساىٔر بیوك آطه لرله لوقای آطه لرینك اهالیسی ساكن و ملایم بر

قوم اولوب، زواللیلر اون سنه ظرفنده اسپانیا و حشیلری طرفندن كاملاً محو و اتلاف اولنمشلردر. كوچك آطه لرله ونزوىٔلا ساحلی قارشیسنده كی جزایرك اهالیسی ایسه (قراىٔب) دنیلن جنكاور ومردمخوار بر قومه منسوب ایدیلر. اسپانیوللرك او وقت آمریقاده آرادقلری یالكز آلتون اولوب، بو جزایرده ایسه ذاتاً آلتون بولنمدیغندن، بونلرله چوق اوغراشمامشلرسه ده، متعاقباً انكلیز، فرانسز، فلمنكلی وساىٔر اوروپالی سرسریلر كلوب، اونلردن دخی آز مدت ظرفنده اثر براقمامش؛ و آنجق او صیجاق هواده كندیلری دخی چالیشه مدقلرندن، آفریقادن كمیلر طولوسیله زنجی اسیرلر كتیروب، آطه لره طولدیرمغه مجبور اولمشلردی. الیوم بتون آنتیل جزایری اهالیسنك اوچ ربعی زنجی اولوب، اسارتدن قورتلمشلردر. دیكر ربعی اوروپالی وملز اهالیدن عبارتدر. آنجق یوقاریده كی جدولدن دخی آكلاشلدیغی اوزره، اهالی وسعت اراضی یه كوره اولمیوب، بهر مربع كیلومتره باشنه یالكز ١٧ نفوس دوشیور.