Antipater ~ آنتيپاتر
Kamus-ul'Alam - Antipater ~ آنتيپاتر maddesi. Sayfa: 405 - Sira: 3
Antipater - آنتيپاتر
بیوك اسكندرك جنراللرندن اولوب، اسكندر آسیا سفرینه كیتدیكنده، كندیسنی یونان و الیلكنده براقمش، و كندیسی مملكتی حسن اداره ایتمش ایسه ده، اسكندرك والده سی (اولیمبیا) نك انتریغه لریله متعاقباً عزل اولنمشیدی. اسكندرك وفاتنده ینه مملكتك اداره سنی یدینه آلوب، استحصال استقلال مقصدیله سلاحه صارلمش اولان یونانیلرله غوغا ایده رك، بو اختلال باصدیرمش؛ و مؤخراً اسكندرك چوجقلرینه وصی تعیین اولنمش ایسه ده، متعاقباً قبل المیلاد ٣٢۰ تاریخنده وفات ایتمشدر. اسكندری زهرلتمش اولدیغی مروی ایسه ده، صحیح دكلدر. بونك اوغلی (قساندر) پدرینك وفاتندن صكره ماكدونیایی اداره ایتمشدر. _ قساندرك اوغلی و لیسماخوسك دامادی اولان دیكی بر (آلتیپاتر) برادری آلكساندر ایله معاً ماكدونیاده قبل المیلاد ٢٩٨ دن ٢٩٥ تاریخنه دك حكم سورمش، و برادریله اوغراشمشدر.
Kamusul Alam, Şemseddin Sami; Kamusul Alamde Antipater maddesi. osmanlıcada Antipater ne demek, Antipater anlamı manası, Antipater osmanlıca nasıl yazılır. Osmanlıca sözlükte Antipater hakkında bilgi. Arapça Antipater ne demek. Arapça osmanlıca sözlük. Farsçada Antipater anlamı
Kamusul Alamde - آنتيپاتر Antipater maddesi. Şemseddin Sami, Kamusul Alam Ansiklopedisi