Amphictyonie ~ آمفكتيونيا
Kamus-ul'Alam - Amphictyonie ~ آمفكتيونيا maddesi. Sayfa: 377 - Sira: 8
Amphictyonie - آمفكتيونيا
بو اسمله یونان قدیمده بر طاقم جمعیتلر وار ایدی، كه بلاد مختلفه دن انتخاب اولنمش وكیللردن مركب اولوب، بعض مشهور معبدلرده انعقاد، و معبده هر طرفدن كلن زوار بیننده بر كونه اختلاف وقوعنده دعوالرینی فصل ایله، آسایشی محافظه ایدرلردی. (دلفی) و (ترموپیله) معبدلرینك آمفیكتیونیالری مؤخراً برلشه رك، ووظیفه لرینی توسیع ایده رك، سنه ده ایكی دفعه، یعنی ایلك بهارده دلفیده، وصوك بهارده (ترموپیله) ده بالاجتماع، یونان جمهوریتلری آره سنده معلق بولنان مساىٔل واختلافاتی حل وفصل ایله محاربه نك اوكنی آلیردی؛ و حكمنه رضا ویرمین طرفك علیهنه بتون یونان جمهوریتلرینك عسكرینی سوق ایدردی. بو قبیلدن اوله رق، آمفیكتیونیا بر چوق محازبه لر ایتدیرمشیدی. كه بونلرك برنده ماكدونیالی فلیپ دخی قاریشمغه فرصت بوله رق، یونان نیلره مخصوص اولان بو جمعیته داخل اولمشیدی.
Kamusul Alam, Şemseddin Sami; Kamusul Alamde Amphictyonie maddesi. osmanlıcada Amphictyonie ne demek, Amphictyonie anlamı manası, Amphictyonie osmanlıca nasıl yazılır. Osmanlıca sözlükte Amphictyonie hakkında bilgi. Arapça Amphictyonie ne demek. Arapça osmanlıca sözlük. Farsçada Amphictyonie anlamı
Kamusul Alamde - آمفكتيونيا Amphictyonie maddesi. Şemseddin Sami, Kamusul Alam Ansiklopedisi