Amphitryon ~ آمفيتريون
Kamus-ul'Alam - Amphitryon ~ آمفيتريون maddesi. Sayfa: 377 - Sira: 4
Amphitryon - آمفيتريون
یونان قدیمك (آرغولیده) قطعه سنده واقع (تیریتنه) شهرینك حكمداری اولوب، آلیكوسك اوغلی وپرسىٔوسك تورونی ایدی. مسینه حكمداری (لكتریون) ك اوغللرینی قتل ایدن (تلبوىٔن) آطه لری قورصانلرینی تنكیل ایتمكله، مكافاةً حكمدار مذكورك قیزی (آلقمینه) یی تزوج ایتمش؛ وبر منازعه ده خطاء اً قاىٔن پدرینی اولدیرمكله، (تیبه) یه چكلمش ایدی. بر چوق محاربه لرده تیبه لیلره قوماندانلق ایتمش؛ وبو سفرلرك بری اثناسنده كویا ابو الآلهه مشتری كندیسنك قیافتنه كیره رك، زوجه سیله یاتمقله، زوجه سی ایكی ایكیز چوجق طوغورمش ، كه بونلردن مشهور (هركل) یاخود (ایراقلیس) مشترینك و (ایفكلیس) آمفیتریونك اوغلی ایدی.
Kamusul Alam, Şemseddin Sami; Kamusul Alamde Amphitryon maddesi. osmanlıcada Amphitryon ne demek, Amphitryon anlamı manası, Amphitryon osmanlıca nasıl yazılır. Osmanlıca sözlükte Amphitryon hakkında bilgi. Arapça Amphitryon ne demek. Arapça osmanlıca sözlük. Farsçada Amphitryon anlamı
Kamusul Alamde - آمفيتريون Amphitryon maddesi. Şemseddin Sami, Kamusul Alam Ansiklopedisi