Amasra ~ آماصره
Kamus-ul'Alam - Amasra ~ آماصره maddesi. Sayfa: 358 - Sira: 4
Amasra - آماصره
یاخود آماصری ویا آمصره قسطمونی ولایتنده بولی سنجاغنك بارطین قضاسنده وبارطینك ٣۰ قدر كیلومتره شرق شمالیسنده قره دكیز ساحلنده ناحیه مركزی بر قصبه
اولوب، ً٢٥ َ٤٥ ْ٤١ عرض شمالی ایله َ١ ْ٣۰ ً٤٩ طول شرقیده واقعدر. بو كونكی كونده یالكز ٢٥۰۰ اهالی یی حاوی كوچك بر قصبه ایسه ده، زمان قدیمده خیلی بیوك ومعمور بولنوب، اسم قدیمی (آماستری) سر، كه ایران حكمداری دارانك بر ادری (اوقسیاتر) ویا (هوشیار) همشیره سی اولوب اركلی پرنسلرندن برینه وارمش اولان (آماستری) ویا (همشیره) طرفندن بنا اولنمشیدی. دها اسكی زمانده او موقعده دكیزك ایچنه اوزانمش اولان بر شبه جزیره نك بوغازنده (سساموس) اسمنده بر قصبه وار ایدی. كه یونانك مشهور شاعر قدیمی (اومیروس) طرفندن ذكر اولنمشدر. بو قصبه نك بوغازك هر ایكی طرفنده برر لیمانی وار ایدیسه ده، بو كون بو ایكی لیماندن برینك شمال طرفنده كی سدی بوزلمش اولدیغندن، متروك اولوب، یالكز بری مستعملدر. قصبه نك ایچنده وجوارلرنده پك چوق آثار عتیقه بولنوب، هنوز كیمسه طرفندن نحری وتحقیق اولنمامشلردر. لیمانی اولدقجه ایشلك اولوب، او جوارلرك اسكله سیدر. بو قصبه هجرت نبویه نك ٨٦٤ تاریخنده ابو الفتح سلطان محمد ثانی حضرتلری طرفندن فتح وممالك عثمانیه یه الحاق اولنمشدر.
Kamusul Alam, Şemseddin Sami; Kamusul Alamde Amasra maddesi. osmanlıcada Amasra ne demek, Amasra anlamı manası, Amasra osmanlıca nasıl yazılır. Osmanlıca sözlükte Amasra hakkında bilgi. Arapça Amasra ne demek. Arapça osmanlıca sözlük. Farsçada Amasra anlamı
Kamusul Alamde - آماصره Amasra maddesi. Şemseddin Sami, Kamusul Alam Ansiklopedisi