Alexis ~ آلكسيس
Kamus-ul'Alam - Alexis ~ آلكسيس maddesi. Sayfa: 332 - Sira: 4
Alexis - آلكسيس
یاخود آلكسی بو اسمله بیزانس دولتنده یعنی قسطنطینیه روم ایمپراطورلری بیننده بش حكمدار كلمشدر، كه بروجه زیر ذكر اولنور : برنجی آلكسیس قومینوس. _ میلادك ١۰٤٨ تاریخنده قسطنطینیه ده طوغوب، ١١٨۰ ده وفات ایتمشدر. (یانی قومینوس) ك اوغلی و (ایساق قومینوس) ك برادری اولوب، ١۰٨١ تاریخنده حكومتی (نیكفور بوتانیات) ك الندن ضبطله سلچوقیلرله ایتدیكی برمحاربه ده غالب كلمش ایسه ده، (روبرت كیسقار) ك قومانده سی آلتنده بولنان (نورمان) لر طرفندن مغلوب اولمشدر. كندی جلب ایتمش اولدیغی اهل صلیبی الكاسنك ایچندن چكیرمش ایسه ده، كندیلریله ایتمش اولدیغی معاهده ده طورمیوب، یانلرینه قاتمش اولدیغی عسكری كری آلدیغندن، مؤخراً اهل صلیب اسیرلرینك فدیٔ نجاننی ویرمكه بكندیلرینی قسطنطینیه ده مطنطن
صورتده استقباله مجبور اولمشیدی. اهل صلیبك یاردیمیله (ازنیق) شهرینی و اناطولینك جهت غربیه سنی سلچوقیلردن ضبط ایتمشیدی. بونك قیزی (آنه قومینی) پدرینك زمان حكومتی تاریخنی یازمشدر. ایكنجی آلكسیس قومینوس. _ مانوىٔل قومینوسك اوغلی اولوب، پدرینك وفاتنده، ١٢ یاشنده اولدیغی حالده، والده سنك وصایتیله تخته چیقمش؛ ووالده سنك سؤ حركاتی بر عصیانه سببیت ویردیكندن، وصایتی قاىٔن پدری (آندرونیق قومینوس) آلمش، ومؤخراً یعنی ١١٨٣ ده كندیسنی بوغدیرمشدر. اوچنجی آلكسیسی آنكلوس. _ ایمپراطور ایساق آنكلوسك بر ادری اولوب، بوكا قارشی عصیانله ١١٩٥ ده تختی ضبط ایده رك، برادینك كوزلرینی چیقارتمش؛ وبر طرفدن سلچوقیلردن، بر طرفدن دخی بلغارلردن مغلوب اولدقدن صكره، یكنی كنج آلكسیس ایله بونك یاردیمه جلب ایتمش اولدیغی اهل صلیب طرفندن ١٢۰٣ ده اسقاط اولنه رق، قسطنطینیه دن فرارله، بر مدت شهردن شهره كزدكدن صكره، ١٢١۰ ده دامادی (لاسقاریس) طرفندن آناطولیده توقیف اولنوب، برمناستره حبس اولنمغله، وفاتنه قدر اوراده قالمشدر. دردنجی آلكسیس _ ((كنج)) لقبیله ملقب اولوب، ایساق آنكلوسك اوغلی ایدی. مادۀ سالفه ده بیان اولندیغی اوزره، اهل صلیبك امدادیله، عمیجه سنی اسقاط ایده رك، ١٢۰٣ ده تخته چیقمش، و پدرینی زنداندن چیقاروب، حكومتده كندینه تشریك ایتمشدر. اهل صلیبه یاردیملرینه مكافاةً كلیتلی مبالغ ویرمك مجبوریتنده بولندیغندن، تبعه سی ویركیلرك اغرلغنه تحمل ایده میه رك، عصیان ایتمكله، آلتی آی حكومتدن صكره (دوقاس مورزوفلیس) طرفندن اسقاط واخناق اولنمشدر. بشنجی آلكسیس دوقاس _ (مورزوفلیس) لقبیله ملقب اولوب، دردنجی آلكسیس اسقاطله، ١٢۰٤ تاریخنده تخته چیقمش ایسه ده، اهل صلیبه اعلان حرب ایتمش اولدیغندن، بونلر ایكنجی دفعه اوله رق، قسطنطینیه یی ضبطله، بر قاچ آیلق حكومتدن صكره كندیسنی اسقاط ایتمشلردر. اهل صلیبك ریىٔسی (فلاندره) قونتی (بودوىٔن) كندینی ایمپراطور انتخاب ایتدیرمش، وبشنجی آلكسیسی حكمدارینی قتل
ایتمش اولمق تهمتیله متهم ایده رك، بر یوكسك ستوندن آشاغی آتوب اتلاف ایتمشدر.
Kamusul Alam, Şemseddin Sami; Kamusul Alamde Alexis maddesi. osmanlıcada Alexis ne demek, Alexis anlamı manası, Alexis osmanlıca nasıl yazılır. Osmanlıca sözlükte Alexis hakkında bilgi. Arapça Alexis ne demek. Arapça osmanlıca sözlük. Farsçada Alexis anlamı
Kamusul Alamde - آلكسيس Alexis maddesi. Şemseddin Sami, Kamusul Alam Ansiklopedisi