Albert ~ آلبرت
Kamus-ul'Alam - Albert ~ آلبرت maddesi. Sayfa: 290 - Sira: 8
Albert - آلبرت
بشنجی _ آوستریا دوقه سی اولوب، ایكنجی آلبرت
آلبرت
نامیله آلمانیا ایمپراطوری عنواننی دخی آلمشدر. دردنجی آلبرتك اوغلی اولوب، ابتدا آوستریا دوقه سی صفتیله پدرینك ملكنه وارث اولمش؛ و ١٤٢٢ ده ایمپراطور (سجیسموند) ك قیزی (الیزابته) یی تزوج ایتمكله، بر برینی متعاقب چهستان ومجارستان قرالی ونهایت ١٤٣٨ ده آلمانیا ایمپراطوری اولمشدر. پاپانك نفوذینی تحدید ایدن (بال) مجلسی مقرراتنی (ماینسه) ده جمع ایتدیكی بر مجلس عمومیٔ منتخبه تصدیق ایتدیرمش؛ وهر طرفده اسایشی محافظه یه مقتدر اولمش ایسه ده، مجارستانی ضبط ایتمش اولان سلطان مراد ثانی حضرتلرینه قارشی سوق عسكره جسارت ایدوب، دوچار اولدیغی انهزام ومغلوبیتی نتیجه سی اولمق اوزره ١٤٣٩ وفات ایتمشدر.
Kamusul Alam, Şemseddin Sami; Kamusul Alamde Albert maddesi. osmanlıcada Albert ne demek, Albert anlamı manası, Albert osmanlıca nasıl yazılır. Osmanlıca sözlükte Albert hakkında bilgi. Arapça Albert ne demek. Arapça osmanlıca sözlük. Farsçada Albert anlamı
Kamusul Alamde - آلبرت Albert maddesi. Şemseddin Sami, Kamusul Alam Ansiklopedisi