Alaşehir ~ آلا شهر
Kamus-ul'Alam - Alaşehir ~ آلا شهر maddesi. Sayfa: 280 - Sira: 5
Alaşehir - آلا شهر
آیدین ولایتنك صاروخان سنجاغنده قضا مركزی بر شهر اولوب، ازمیرك ١٣۰ كیلومتره شرقنده، بوز طاغك شمال شرقی اتكنده، و (كدیز) نهری تابعلرندن (آلاشهر) چاینك یاریم ساعت قدر جنوب غربیسنده واقعدر. اورمانله مستور بر تپه نك آلتنده پك كوزل بر موقعده بولنمغله، منظره سی غایت دلنشیندر. اهالیسی ٨۰۰۰ دن زیاده اولوب، ١٥۰۰ قدری روم پك جزىٔی مقداری ارمنی ویهودی، وقصوری مسلمدر. بر قاچ جامع شریف ومدرسه سیله بیوك بر روم كلیساسی دخی واردر؛ اسكی بر شهر اولوب، اسم قدیمی (فیلادلفیا) در، كه پرغمه حكمدارلرندن (فیلادلف) لقبیله ملقب ایكنجی (آتال) طرفندن میلاددن ١٥۰ سنه اول بنا ایدلمش اولدیغندن، بو اسمله تسمیه اولنمشیدی. قسطنطینیه روم ایمپراطورلری زماننده بنا ایدلش اولان سوری الآن باقیدر. ایچنده وجوارلرنده پك چوق آثار عتیقه واردر. _ قضاسی، اینه كول ناحیه سنی دخی شامل اولدیغی حالده، صاروخان سنجاغنك جنوب شرقی قسمندن و آلاشهر چاینك یوقاری حوضه سندن عبارت اولوب، جنوب جهتنده اولان طاغلری میشه لك اورمانلرله مستوردر؛ ونهر مذكورك وادیسی دوز اولوب، صاغ وصولدن نهره دوكیلن بر چوق دره لرله دخی اروا اولنمغله، منبت ومحصولدار اولوب، حبوباتك انواعی حاصل اولور.قضانك اهالیسی تقریباً ٢٨۰۰۰ كشی اولوب، بونلردن یالكز ٢٥۰۰
قدری روم وپك جزىٔی مقداری مركزده كی ارمنی ویهودیلردن عبارت اولوب، قصوری كافةً مسلمدر.
Kamusul Alam, Şemseddin Sami; Kamusul Alamde Alaşehir maddesi. osmanlıcada Alaşehir ne demek, Alaşehir anlamı manası, Alaşehir osmanlıca nasıl yazılır. Osmanlıca sözlükte Alaşehir hakkında bilgi. Arapça Alaşehir ne demek. Arapça osmanlıca sözlük. Farsçada Alaşehir anlamı
Kamusul Alamde - آلا شهر Alaşehir maddesi. Şemseddin Sami, Kamusul Alam Ansiklopedisi