Akdeniz ~ آق دكیز
Kamus-ul'Alam - Akdeniz ~ آق دكیز maddesi. Sayfa: 262 - Sira: 2
Akdeniz - آق دكیز
شمالی _ یاخود بحر سفید شمالی وروسجه بحر محیط شمالینك روسیه نك ساحل شمالیسنده تشكیل ایتدیكی واسع بر كورفزدر، كه هر طرفی (آرخانكل) ایالتنك ملحاقاتیله محاطدر. (قانین) شبه جزیره سنك غرب شمالیسنده اولان (قانین) برونندن (قوله) شبه جزیره سنده كی (اسوپاتوی نوس) بروننه قدر ممتد بر خط موهوم بو دكیزك حدود شمالیه سنی تعیین ایده بیلیر. خط مذكور َ٤۰ ْ٦٨ عرض شمالی یه تصادف ایتمكله، دكیزك منتهای جنوبی اولان (اونغا) كورفزینك دیبی دخی َ ٤٧ ْ٦٣ عرض شمالیده بولندیغندن، بویی ٥٥۰ ، و اك كنیش اكی ایسه، ٢٥۰ كیلومتره اولوب، مساحۀ سطحیه سی ٥۰۰ ١٢٢ ، ودیكر برروایته كوره یالكز ٩٥۰۰۰ مربع كیلومتره در. بو دكیز ١٦٥ كیلومتره اوزون واللی آلتمش كیلومتره كنیش بر بوغاز واسطه سیله، شمالی وجنوبی اوله رق، ایكی قسمه منقسم اولوب، قسم شمالیسی آچیقدر، وجنوب شرقیسنده (مزن) كورفزی نامیله بر كورفزی واردر، كه (مزن) نهری اورایه دوكیلور؛ قسم جنوبیسی ایسه قپالی اولوب، بری شمال غربی یه، وایكیسی جنوب شرقی یه طوغری اوزانان اوچ كورفزی واردر، ودها طوغریسی بو اوچ كورفزدن عبارتدر؛ جنوب شرقی طرفنده اولان ایكی كوزفز ایچلرینه دوكیلن ایكی ایرماغك اسملریله (دوینه) و (اونغا) كورفزلری، وشمال غربیده
كی كورفزی دخی (قاندالاقسقه) تسمیه اولنور. بوغازك و (قاندالاقسقه) كورفزینك شمالی ساحللری ٣۰۰ متره یه قدر مرتفع بر قیادن عبارت اولوب، جنوب ساحللری ایسه دوز، قوملق وبعض طرفلرده اورمانله مستوردر. (مزن) نهری منصبندن یوقاری ساحل ینه كسب ارتفاع ایتمكله باشلایوب، قانین بروننده ١٦ متره ارتفاعی اولان بر قیایه منتهی اولور. كورفزلرك ایچنده وعلی الخصوص نهرلرك منصبلرنده بر چوق كوچك آطه لر وار ایسه ده، انكینده یوقدر. بونلرك اك بیوكی (اونغا) كورفزینك مدخلنده بولنان (سولووچكی) آطه سیدر، كه طولی ٢٧ وعرضی ١٦ كیلومتره در. بو دكیزه (مزن) ، (دوینه) و (اونغا) دنیلن اوچ بیو ایرماقدن بشقه، (مزن) كورفزینه (سمیا) و (سوبانه) نهرلری دخی دوكیلور؛ وروسیه نك النده بولنان (لاپونیا) قطعه سندن دخی (كم)، (وارسوشه) و (پونویی) نهرلری اینر. بو دكیزك صولری براق وآز طوزلی اولوب، درینلكی ٢۰۰ دن ٢٥۰ متره یه قدردر؛ ومدخلی بر آز صیغ ایسه ده، اوراده دخی ٥۰ و ٦۰ متره درینلكده چكیدلر بولنور. بناءً علیه سیر سفاىٔنه پك الویریشلی ایسه ده، یالكز مایسك اواخرندن آغستوسك اواسطنه قدر سربست اولوب، ساىٔر وقتلرده منجمد بولنور. شمال غربی سواحلندن قار ابدی زاىٔل اولماز. روسلر بو دكیزده خیلی بالیق آولیوب، طوزلرلر، ودری ویاغلری ایشه یارایان (فوق) كبی بر طاقم حیوانات بحریه ایله اقطار شمالیه یه مخصوص دكیز قوشلری اورولر. شمالی آق دكیزك درت اسكله سی واردر، كه آرخانكل، اونغا، سومسكی وكم قصبه لریدر. [بو كلمه لره مراجعت بیوریله.]
Kamusul Alam, Şemseddin Sami; Kamusul Alamde Akdeniz maddesi. osmanlıcada Akdeniz ne demek, Akdeniz anlamı manası, Akdeniz osmanlıca nasıl yazılır. Osmanlıca sözlükte Akdeniz hakkında bilgi. Arapça Akdeniz ne demek. Arapça osmanlıca sözlük. Farsçada Akdeniz anlamı
Kamusul Alamde - آق دكیز Akdeniz maddesi. Şemseddin Sami, Kamusul Alam Ansiklopedisi
Akdeniz ~ آق دكیز güncel sözlüklerde anlamı:
Akdeniz :::