Afghans - آفغان

یاخود افغان آسیای وسطینك آفغانستان دنیلن قطعه سنده و هندستانك اقطار شمالیه سندن بعض نقطه لرده بولنان بر قومدر، كه اسكیدن بری زابلستان وكابلستان دنیلن كابل وغزنه ایله هندو كوه آره سنده وهندو كوه ایله كوه بابا وغور جبالنده ساكن بولنوب، غایت جنكاور وشجیع آدملر ایدیسه ده، عالم سیاسیده اسملری معروف اولمیوب، مملكتلری دخی ایران ممالكندن معدود ایدی، وكندیلری طاغلرنده سربست یاشامغله قناعت ایتمشلردی. دولت سامانیه زماننده اتراكدن آلب تكین اسمنده بر ذات رفع لوای استقلال ایله، اوغلی وولی عهدی سلطان محمود سبكتكین همان یالكز افغانلردن مركب اولمق اوزره جمع ایتدیكی عسكرله هندستانك ایچلرینه وایرانك هرطرفنه قدر توسیع حدود ایده رك، مشهور غزنویلر دولتنی تأسیس ایتمش ایسه ده، آفغانلرك ادبیات مخصوصه لری اولمامغله، ینه لسان رسمی وادبیلری فارسی اولدیغندن، بوده دول ایرانیه دن صاییلوب، آفغان اسمی ینه مجهول قلمشیدی. بو سلاله مؤخراً پایتخت اتخاذ ایتمش اولدیغی لاهور شهرنده مرور زمانله منقرض اولنجه، غور آفغانلرندن شهاب الدین محمد غوری بر آفغان دولتی تأسیس ایتمش؛ وهند‌ طرفندن حدودینی محافظه‌ ایچون شجعان آفغانی هندوكوهدن ایندیره رك، پیشاوردن نهری مجراسنه قدر اولان طاغلرده اسكان ایتمشدر. شهاب الدینك وفاتنده بو دولت بتكرار منقرض اولوب، آفغانستان خوارز مشاهلرك واوندن صكره چنكیز وتیمورك ید ضبطنه چكمش ایسه ده،‌ شهاب الدین ‌آفغان قومنك مسكن‌ قدیمندن چیقوب اطرافه یایلمسنه سبب اولمشدر. بو آره لقده آفغان رؤساس بر طرفدن كندی

شمدیكندن خیلی دها واسع بر مملكت مستقله صورتنی آلمش، وبو صوك وقتلرده ایسه بلوجستان آیرلمش اولدیغی كبی، شرق طرفندن بر خیلی یرلری هندستانه الحاق اولنمش، وبعض اطراف شمالیه سی دخی روسیه نك ید ضبطنه چكمشدر. حدود ومساحه وتقسیماتی. _ آفغانستان ایرانك شرق طرفنده وآسیاده كی انكلتره وروسیه ممالكی آره سنده واقع اولوب، ْ٢٩ ایله ْ٣٦ عرض شمالی و ْ٥٨ ایله ْ٦٩ طول شرقی آره سنده ممتد اوله رق، شمالدن جنوبه اولان اكی ٦٢٢ ، وشرقدن غربه اولان بویی دخی ٨٩۰ كیلومتره قدردر. شرقاً سند وادیسنك غربنجه پیشاوره قدر ممتد اولان (سلیمان كوه) سلسله سیله هندستاندن، شمالاً هندوكوه سلسله سیله ومرو چولیله تركستان خانلقلرندن وخوارزمدن آیرلمشدر، غرباً ایرانك خراسان وكوهستان خطه لریله، جنوباً دخی بلوجستانله محدوددر. بو قطعۀ واسعه شمال دخی بلوجستانله محدوددر. بو قطعۀ واسعه شمال شرقی طرفنده زابلستان وكابلستان دخی دنیلن نفس آفغانستانی، اونك جنوبنده، اولان سیوستان وساىٔر احوالی مجهول اقطاری، وسطده و (هامون) كولنه منصب اولان (هلمنسد) نهری وادیلرنده كی قندهار وغزنه خطه سنی، جنوب غربیده كی سیستانی، غرب شمالیده خراسان شرقی یی یعنی هرات خانلغنی، وشمالده كی قوندوز وبلخ خطه لرینی جامعدر. بو اقطارك جمله سی آفغانلرله مسكون اولمیوب، اصل آفغانلرك وطنی كابل نهرینك وادیسندن یعنی زابلستاندن عبارتدر؛ قندهار، سیستان وهرات طرفلری ایسه اكثریت اوزره آفغانلرك (تاچیك) تسمیه ایتدكلری ایرانیلرله، واقطار شمالیه دخی ینه ایرانیلر وتركلرله مسكوندر. بالعكس آفغانستانك خارجنده هنده الحاق اولنمش اولان سند وادیسیله پیشاور طرفلرینك اكثریت اهالیسی آفغاندر. هیىٔت عمومیه سی، جبال وانهاری. _ آفغانستان خیلی یوكسك بر یر اولوب، ایرانله برابر آسیای وسطینك غربی قسمی اولان بر طبلۀ مرتفعه تشكیل ایدیور. بو طبله شرق شمالی طرفندن (هندو كوه) و غرب طرفنه طوغری ممتد اولان (كوه بابا) و (غور) طاغلرینه مربوطدر؛ شرقاً بالتدریج اینه رك، شمالدن جنوبه ممتد اولان (سلیمان كوه)‌ ە كسب ارتباط ایدر؛ جنوباً ساحل بحره قدر بر سطح ماىٔل تشكیل ایدر،

قوم وقبیله لرنجه بر نوع استقلال وامتیاز محافظه سنه چالیمشمش؛ وبر طرفدن دخی بر چوق افرادلری هندستانده مناصب عالیه یه وحتی حكمدارلق مسندینه قدر چیقمغه موفق اولمشلردر. مؤخراً آفغانستانك غرب طرفلرینه انتشار ایتمش اولان آفغان قباىٔلندن برینك رىٔیسی بولنان میر اویس قندهارده اعلان استقلال ایله، اوغلی محمود ابراندن دولت صفویه یی بیقه رق، آفغانیلر ایرانك اكثر طرفلرینی استیلا ایتمشلرسه ده، متعاقباً نادرشاه ظهور ایده رك، ایرانی استخلاص ایتدكدن صكره، آفغانستانی دخی ضبط ایتمش؛ وآنجق بو جهانكیرك وفاتنده، امراسندن وآفغان قباىٔلندن (ابدالی) قبیله سنك رؤساسندن بولنان احمد خان قندهارده اعلان استقلال ایتمش، وخلفلری پایتختی كابله نقل ایتمشلردر. ایشته اووقتدن یعنی ١١٦۰ تاریخ هجریسندن بری آفغانلر بر قوم مستقل وآفغانستان آیریجه بر دولت حكمنه چكمشدر. مع هذا آفغان قومی پك قدیم اولوب، سویلدكلری پختی لسانی السنۀ آریه زمره سنه منسوبدر، وفارسی وسانسكری لسانلریله چوق مناسبت ومشابهتی واردر. بونلر كندیلرنه (پختی) ویا (پختوان) نامنی ویردكلری كی، هندستانده دخی (پتان) نامیله معروف ایسه لرده، ایرانیلر طرفندن كندیلرینه ویریلوب اسم عمومیلری حكمنه چكمش اولان (افغان) اسمی دخی یكی ومحمدث برشی اولمیوب، میلاد عیسادن درت بچق عصر اول یازمش اولان ابوالمورخین (هرودوت) ، اسفندیار طرفندن او طرفلره سیاحته مأمور اولمش اولان (اسكیلاقس) نام یونانلی سیاحدن نقلاً، هندو كوهك اهالیسندن بحث ایتدیكی صره ده، آفغان اسمنی جزىٔی بر تحریفله ذكر ایدیور. بو اسمك سانسكری لسانده ((سواری)) دیمك اولان (آسواغان) كلمه سندن غلط اولدیغی مظنوندر. آفغانیلر كندی لسانلرینی سویلیوب، بو لسانده بعض اشعار ومنظومه لری دخی وار ایسه ده، اصل لسان ادبیلری ومحافل سیاسیه وادبیه لرنده قوللاندقلری لسان فارسیدر.