Afrique - آفريقا

كرۀ ارضك قطعات خمسه سندن بری اولوب، جسامتجه، آسیا وآمریقادن كوچك اولمغله، قطعات مذكوره نك اوچنجیسیدر. اسكی یونانیلر بو قطعه نك یالكز شمال

قسمنی بیلوب، اك اول (لیبیا) اسمیله یاد ایتدكلری حالده، بعده (آفریقی) تسمیه ایتمشلردر، كه بو اسم لسان یونانیده ((صوىٔوقسز)) یعنی صیجاق مملكت دیمكدر. دیكر بر احتماله كوره ده، (لیبیا) كلمه سی بربر اقوامندن (لواتا) قومنك اسمندن مأخوذ اولدیغی كبی، آفریقا كلمه سی ده تونس طرفلرنده ساكن بولنمش اولان بربرلردن (آوریقا) قومنك اسمندن مأخوذدر. رومالیلر بو اسم باشلیجه محاربلری اولان قارتاجلیلرك ساكن بولندقلری تونس طرفلرینه ویرمش اولدقلرندن، عربلر دخی (افریقیه) نامنی اوطرفلره حصر ایتمشلردی. بناءً علیه اسكی عرب وساىٔر اسلام جغرافیونی آثارنده، بتون قطعه یه ولالت ایتمك اوزره، آفریقا اسمی موجود اولمیوب، اخیراً آوروپا لسانلرندن اخذ اولنمشدر. موقع وحدود ومساحه سی. _ آفریقا قطعه سی اسكیدن معلوم اولان ‌سطح ارضك جنوب غربیسنده قطه سنه مربوط ایدی، كه اخیراً سویس قنالنك كشادیله بو‌ مربوط ایدی، كه اخیراً سویس قنالنك كشادیله بو مربوطیت دخی زاىٔل اولمشدر. بو قطعۀ جسیمه غیر منتظم بر مثلث شكلنده اولوب، رأسی جنوبنده كی ((ایكنه برونی)) واساسی شمالنده كی سواحل بحر سفیددر. هر طرفی دكیزله محاط اولوب، شمالاً بحر سفیدله، غرباً بحر محیط آطلاسی ایله، شرقاً بحر محیط هندی وبحر‌احمر ایله‌ محدوددر. بو دكیزلر آفریقانك سواحلنده باشلیجه ایكی كورفز تشكیل ایدیورلر، كه بونلرك بری بحر محیط آطلاسیده اولان كینه كورفزی، ودیكری بحر سفیدده بنغازی ایله تونس آره سنده وطرابلس غربك شمالنده اولان سرت كورفزیدر. شرق وغرب وشمال وجنوب ساحللرنده وهمان بربرینك تمامیله قارشیسنده بولنان درت برون بو قطعه نك جهات اربعۀ مزكوره یه طوغری اك اوزانمش نقطه لریدر : شرق طرفنده كی آوروپالیلرك (غوآردافویی) دیدكلری (رأس عسیر) در، كه ً ٦‌ َ٥٤ ْ٤٨ طول شرقیده واقعدر؛ غربده كی (یشیل برون)‌ در، كه ً٧ َ٥٣ ْ١٩ طول غربیده واقعدر؛ شمالده كی (آق برون) در، كه تونسده و ً٤۰ َ١٩ ْ ٣٧ عرض شمالیده واقعدر؛ جنوبده كی دخی (ایكنه برونی) در، كه امید برونی قطعه سنده و ً١٥ َ٥١ ْ٣٤ عرض جنوبیده وا-

قعدر. آق بروندن ایكنه بروننه قدر شمالدن جنوبه اولان بویی ٧٢ درجه، یعنی ٨۰۰۰ كیلومتره ؛ رأس عسیردن یشیل برونه قدر شرقدن غربه اولان اكی دخی تقریباً ٦٩ درجه، یعنی ٧٥۰۰ كیلومتره در. مساحۀ سطحیه سی تقریباً وتخمیناً ٣۰۰۰۰۰۰۰ مربع كیلومتره اولوب، آوروپا قطعه سنك اوچ مثلنه قریبدر. خط استوا بو قطعه نك همان اورته سندن چكدیكیچون، اكثر اراضیسی منطقۀ حاره داخلنده بولنوب، بو منطقه نك خارجنده بولنان یرلری بتوننك آنجق بر خمسی نسبتنده در. خط استوانك شمالنده اولان قسمی پك واسع اولوب، جنوبنده قالان قسمی ایسه نسبةً طاردر، وكیتدجكه طارلشه رق، بر مثلث تشكیل ایدیور؛ بناءً علیه شمالده كی ممالك معتدله سی جنوبده كی ممالك معتدله سندن چوق دها زیاده اولوب، بونلره دخی نسبةً ممالك معتدله دنیله بیلیر، یوقسه عمومیت اوزره هر طرفی غایت صیجاقدر. شكل عمومیسی، جبال وانهاری. _ آفریقا قطعه سنك شمال غربی طرفی آطلاس ویا (درن) جنالنك اوزاندقلری محل اولوب، بو یرمرتفع، معتدل هوالی، انهار متعدده ایله اروا اولنور وحیلی محصولدار ومسكوندر. [((آطلاس)) ماده سنه مراجعت بیوریله.) بونك جنوب وجنوب شرقیسنده بحر محیط آطلاسینك سواحلندن سرت كورفزینه و وادیٔ نیل قدر قوملق وصوسز بر چول ممتد اولیور، كه صحرای كبیر تعبیر اولنوب، اكثر یرلری بسبتون ناقابل سكنی دوز بر قوملق اووه دن ‌ویا قیالق اوفق طاغلرله قوم تپه لرندن عبارت اوله رق، یالكز اوته بریسنده مسكون ‌بعض واحلر واردر، كه بونلر چولك آطه لری حكمنده اولوب، بر آز صویی وقابل زراعت اراضی ایله بعض خرما آغاجلرینی وساىٔر اشجاری حاویدرلر. صحرای كبیرك شمال و علی الخصوص برقه یعنی بنغازی خطه لرینه مربوط اولان یرلری نسبة دها مسكون اولوب، آره صره یاغمور كورور وزرع اولنور ایسه ده، جنوبه طوغری انیلدجكه، چول دها دهشتلی بر حال وصورت آلوب، بوقوم كیزینك كمیلری حكمنده‌ اولان‌ هجینلرله كاروان دوه لری طرفندن پك چوق مشقتله شق اولنور. صحرای كبیرك غربدن شرقه اولان بویی

نهرلرله دخی اروا اولندقلرندن، آفریقانك اك كوزل یرلرندن ایسه ده، اهالیلرینك وحشیلكی حسبیله، اكثر طرفلری الآن مجهولدر. سودانك جنوبنده آفریقانك خط استوانك آلتنده بولنان یرلری ممتد اولیور، كه الآن تمامیله كشف اولنمیوب، یالكز بر ایكی سیاح چكمكه موفق اوله بیلمشلردر. بو محل آفریقانك اك یوكسك یری اولوب، عربلرك (جبل القمر) دیدكلری (كیلی مانجارو) طاغنك ٦۰۰۰ متره ارتفاعی واردر. آنجق بوارتفاع اورته سنده اولوب، شرق شمالی طرفی عدن كورفزینك آلتنده تا رأس عسیره قدر ممتد اولان سومالی وغالا چوللرندن، وغرب جنوبی طرفی دخی ایلریده بر اوروپا دولتی اوله جغی ملحوظ اولان قونغو وادیسندن عبارتدر. خط استوانك جنوب طرفنده واقع و وآفریقای جبوبی نامیله معروف اولان قطعه یه كلنجه، بو یرلر كرك شرق وكرك غرب طرفلرندن مردیون صورتنده بربرینی متعاقب وبربرندن یوكسك بر طاقم طاغلر سلسله لریله محاط اولوب، عمومیت اوزره ارتفاعی ١۰۰۰ و ١٢۰۰ متره دن آشاغی دكلدر. بو یرلر دوز اولوب، بعض تپه ودره لری دخی وار ایسه ده، یوكسك طاغلری یوقدر. نیانزه، نیاسه وتانغانیقه كبی غایت واسع كوللری وزامبز، اورانژ وقونغو اسملریله اوچ جسیم نهری واردر. هر نه قدر كه بو قطعه نك دخی هر طرفی معلوم دكلسه ده، اكثر طرفلری نشو ونمالری چوق نباتاتله مستور و منبت یرلر اولدیغی، ویالكز منتهای جنوبنده اولان امید برونی طرفلری جنوباً ٣۰۰۰ متره ارتفاعنده اولان (نیوفلد) طاغلریله مسدود اولوب، نسبةً قورو ونباتاتی آزبولندیغی معلومدر؛ واورانژ نهرینك شمالنده (قالاهاری) اسمیله واسع بر چول ممتد اولور. آفریقا قطعه سنك باشلیجه ٧ سلسلۀ

همان آفریقا قطعه سنك اكنجه اولوب، ٤٥۰۰ ، وشمالدن جنوبه اولان اكی دخی ١٨۰۰ كیلومتره در. ضحرای كبیرك جنوبنده شرقدن غربه یعنی نیل وادیسندن بحر محیط آطلاسی سواحلی قربنه قدر سودان ممالكی ممتد اولوب، بونك شمالدن جنوبه اولان اكی سكز اون درجه در. صحرای كبیر نه قدر قورو وصوسز ایسه، سودان او قدر صولری چوق و منبتدر. صحرای كبیر سوداندن دها مرتفع اولوب، اكثر یرلرینك ارتفاعی ٤۰۰ و ٤٥۰ ، واك یوكسكلری دخی ٩۰۰ متره یه قدر اولدیغی حالده، سودانك (چاد) كولنده ارتفاعی آنجق ٢٦۰ ، ونیل وادیسنك حرطومده كی ارتفاعی دخی ٣٦۰ متره در. سودانك مركزی (چاد) كولی وبونك حوضه سی اولوب، اورادن اعتباراً شرقی وغربی اوله رق ایكی یه منقسم اولیور، كه شرقی سودان نیل نهر عظیمیله اوكا منصب اولان بر چوق نهرلرك وادیلرینی جامع اولوب، شرقاً نوبه وحبشه وجنوباً خط استوایه قریب اولان جبال قمره قدر ممتد اولور؛ غربی سودان دخی بیوكلكده نیلدن پك كری قالمیان (نیجر) ونام دیكرله (دیولیبه) نهر عظیمی ایله تابعلرینك وادیلرینی جامع اوله رق، غرناً (سنغامبیا) طاغلرینه، وجنوباً كینه یی آیران (قونغ) جبالنه قدر امتداد، وكینه كورفزینه تقرب ایدر. صحرای كبیر ایله سودانك حالی بحر احمره قدر ممتد اولوب، نوبه نك وصعیدك صحرای كبیردن فرقلری آنجق نیلك مجراسنك ایكی طرفنده اروا واعمار ایتدیكی مخللردن عبارت اولدیغی كبی، حبشك دخی سوداندن فرقی آنجق ارتفاعنده در. بونكله برابر وادیٔ نیل آیریجه بر قطعه اعتبار اولنه رق، جنوبده غایت مرتفع وقیالق اولان حبش جبالنی، وسطنده نوبه وصعیدك چوللرینی، ومنتهای شمالنده ده نیلك احیا ودنیانك اك معمور واك منبت مملكتی حالنه وضع ایتدیكی مصر جامعدر. سودان غربینك غرب وجنوب طرفنده ایسه بر چوق طاغلر ممتد اولیور، كه بو طاغلر بحر محیط آطلاسینك سواحلنی سوداندن آیره رق، سنغامبیا وكینه ناملریله سنغال نهرینك منصبندن كینه كورفزینك ایچنه قدر ممتد اولان بر طاقم ممالكی جامعدر، كه بو ممالك طاغ اتكلرندن وساحللردن عبارت اولوب، بر چوق

عبارت اولان (لوپاته) سلسله سی؛ ٦، جنوب طرفنده سواحل بوینجه شرقدن غربه ممتد اولان (نیوفلد) سلسله سی؛ ٧، غرب جنوبی طرفنده الآن تمامیله كشف اولنمامش اولان (قونغو) و (آنغوله) سلسله سی قطعۀ مذكوره باشلیجه یدی حوضه اولوب، دردی شمال واوچی دخی جنوب قسمنده در؛ شمال قسمنده كیلر نیل، نیجر وسنغال نهرلرینك حوضه لریله، چاد كولنك مخر جسز اولان حوضۀ داخلیه سندن؛ وجنوب قسمنده كیلر دخی قونغو، زامبز واورانژ نهرلرینك حوضه لرندن عبارتدر. جنوب طرفنك ارتفاعی ساحللره قریب محله قدر دوز كیدوب، اورادن بردن بره ایندیكندن، نهرلری دخی بر چوق شلاله لر وخیزلی جریانلرله دوكیلوب، سیر سفاىٔنه مانعدرلر. خط استوانك ایكی طرفنده، مدار جدی ایله مدار سرطان آره سنده ٧ بیوك كول بولنیور، كه بونلردن سودانك وسطنده اولان (چاد) ایله حبشستانده كی (چانه) كوللری خط استوانك شمالنده، (نیاسه) ایله اونك غربنده اولان (آلبر نیانزه) همان خط استوانك آلتنده، و (تانغانیقه) ایله (نیانزه) و (نغامی) كوللری دخی جنوب قسمنده واقعدرلر. بو قطعۀ واسعه طبیعی اوله رق ١٤ قطعه یه‌ تقسیم اولنه بیلیر : آطلاس سلسلۀ جبالنك تشكیل ایتدیكی مغرب قطعه سی، صحرای كبیر، سودان غربی، سودان شرقی، سنغامبیا، كینه، نیل وادیسی یعنی مصر ونوبه، حبش، سومالی قطعه سی، آفریقای وسطی قطعۀ مجهوله سی، قونغو وادیسی، زنكبار وساىٔر سواحل شرقیه ماىٔله سی، امید برونی وناتال قطعه سی، ایلریده برقاچ قطعه یه تقسیم اولنه بیله جك اولان آفریقای جنوبینك داخلی وغربی اقطاری. جزایر. _ بو قطعه یه منسوب بر قاچ طاقم كوچك آطه لرله برجسیم جزیره واردر. كوچك آطه لر طاقملری : شمال غربی طرفنده بحر محیط آطلاسیده بولنان آسور، مادر، قنایر ویشیل برون آطه لریله كینه كورفزنده كی (فرناندو یو) و (سنت توما) كبی بر طاقم كوچك آطه لردن وبحر محیط آطلاسینك جنوب قسمنده متفرق بولنان (سنت هلنه) و (آسانسیون)‌ كبی بعض آطه لردن وبحر محیط هندیده مادغسقار جزیرۀ كبیره سنك اطرافنده بولنان فرانسه آطه سی، اتحاد

آطه سی، ترسانه آطه لری، سیكه وقومورین آطه لرندن عبارتدر. بیو كی ایسه مذكور مداغسقار جزیرۀ كبیره سیدر، كه آیریجه قطعه در. اقلیم وهواسی. _ آفریقا قطعه سنك خط استوانك آلتنده بولنان یرلری، كه ١٥ درجه وسعتنده بر منطقه دن عبارتدر، بالطبع زیاده سیله صیجاق اولوب، حرارتی آنجق ارتفاعیله بعض طرفلرده كسب اعتدال ایدیور، وسنه ده طقوز اون آی متمادیاً غایت شدتلی شمشكلر ویلدیرملرله مترافق یاغمورلر آلتنده بولنیور. بو منطقه نك شمالنده ١٧ وجنوبنده ٢۰ درجه وسعتنده ایكی منطقه بولنیور، كه بونلرده آلتیشر آی یاز موسملرنده، یعنی شمالی منطقه ده نیساندن تشرین اوله، وجنوبی منطقه ده دخی تشرین اولدن نیسانه قدر هر كون موسم یاغمورلری یاغار. بو یاغمورلر آفریقانك هر طرفنه آقوب اكثر یرلرینی اروا واحیا ایدن جسیم نهرلری تولید ایدیورلر. بو ایكی منطقه نك شمال وجنوبنده ایسه‌ اقالیم معتدله یه مخصوص اولان قیش یاغمورلری یاغارسه ده، شمالده صحرای كبیرك كونشدن ایصینو بر فرون ایچی حالنی آلان قوملری خط استوا طرفلرندن كلن یلوطلری تبخیر ایتدیره رك، یاغمور یاغدیرماز. آطلاس طاغلریله حبش طاغلرینك اك مرتفع محللرینه ایسه قار دخی یاغوب، بو طاغلرك اتكلرنده وشمالی ساحللرنده آوروپای جنوبی هواسنه مشابه بر هوا حاصل اولیور. آفریقانك اك قورو وناقابل اسكان یرلری شمالده كی صحرای كبیر ایله جنوبده كی (قالاهاری)‌ صحراسی، واك معتدل وكوزل یرلری دخی آطلاس سلسلۀ جبالنك اتكلریله قونغ طاغلرینك مرتفع محللری وقونغو وادیسیله امید برونی اطرافی وسواحل شرقیه بعضیسی وعلی الخصوص آفریقای جنوبینك مرتفع ومحصولدار اولان ‌ایج طرفی ایسه ده، حیفاكه بو یرلر بر طاقم وحشیلرك النده اولوب، اعمار كورمه مكده در. نهرلردن بعضیسنك وعلی الخصوص (زامبز) و (نیجر) یاغمور موسملرنده طاشوب، آلچق یرلری باصمغله، بر طاقم بطاقلقلر تحصل ایدیور، كه منصبلری اطرافنك واكثر سواحل وآلچق یرلرك هواسنی زیاده سیله اخلال ایده رك، مهلك حالنه قوییور. محصولات طبیعیه سی، نباتاتی. _ آفریقانك وسعتی وهوا واقلیملرینك تخلفی حسبیله، نباتات ومحصو-

اوله جغنده شبهه یوقدر. امید برونی طرفلرینك ایسه نباتات واشجاری اورایه مخصوص بر طاقم انواعه منسوبدر، وآوروپادن نقل اولنان بعض محصولات واشجار دخی یتیشمكده در. حیواناتی. _ حیواناتجه آفریقا كرۀ ارضك اك زنكین قطعه سی اولوب، علی الخصوص آفریقای وسطی وجنوبیده اكثریسی بو قطعه یه محصوص اولان انواع حیوانات وطیور وحشرات بولنیور. او كوزلری عمومیت اوزره جسیم واكثریسی بر ویا ایكی هور كوچلو اولوب، بوینوزلری دخی غایت قالین واوزندر؛ كیك وغزلك آت قدر بیوكندن طاوشان قدر كوچكنه وارنجه انواعی اولوب، اكثریسی بیكلرجه اوله رق، سوری سوری كزرلر. یبانی مانده لر هر طرفنده وعلی الخصوص آفریقای جنوبیده پك چوق وپك قوتلی و وحشیدرلر، واتلرنده بر نوع مسك قوقوسی واردر. بر ایكی بوینوزلی كر كدانلر وفیللر غایت جسیم اولوب، آفریقا فیللری آسیا فیللرندن فرقلی ودها بیوك اولمغله برابر، تأنیسه مستعد دكللردر. صو آتی دنیلن حیوان جسیم آفریقا یه مخصوب اولوب، بیوك نهرلرده وكوللرده بولنور. آرسلان، قپلان، صیرتلان، تلكی، چقال كی حیوانلری پك چوقدر. زرافه دنیلن غریب الشكل حیوانله یبانی استرلرك انواعی دخی دوه قوشلریله برابر سوری سوری كزرلر. متنوع قیون وكچیلری دخی چوق ایسه ده، یوكلری فنا اولوب، یالكز آطلاس طاغلرنده اسپانیوللرك (مرینوس) دیدكلری غایت كوزل یوكلی بر نوع قویون بولنیور، كه اسپانیایه دخی عربلر واسطه سیله اورادن سوق وادخال اولنمشدر. امید بروننده انكلیزلر بوصوك وقتلرده آنقره كچیلرینی یتیشدیرمكه موفق اولمشلردر. دوه آفریقانك یالكز شمال طرفلرنده بولنوب، بعد الاسلام عربلر طرفندن آسیادن آفریقایه ادخال ایدلمش اولدیغی مظنوندر. میمونك انواعیله، شمپانزه وغوریله دنیلن وحیواناتك اك ذكیلری اولوب شكل وهیأتجه دخی انسانه او قدر قریب بولنان ایكی نوع نسناس دخی آفریقانك غرب وجنوب طرفلرنده بولنیورلر. ییلان، عقرب وساىٔر حشرات مضره نك انواعی بولندیغی كی، نهر وكوللرك همان كافه سنده تمساخ بالیقلری، واكثر طرفلرده سیوری سینكك پك بیوكلری وحیوا-

لات طبیعیه سی دخی مختلف ومتنوع اولوب، سواحل شمالیه سنده وآطلاس سلسلۀ جبالنك شمالی اتكلرنده آوروپای جنوبی یه مخصوص اولان نباتات ومحصولات اقالیم حاره یه مخصوص نباتات ومحصولاتله برابر اوله رق یتیشیور؛ وكلیتلی حبوباتله برابر زیتون، نار، پورتقال، لیمون، خرما، اوزوم حاصل اولیور؛ وآطلاس طاغلرنده پك چوق اوتلرله میشه وچام آغاجلرینك انواعیله كستانه آغاجلری، ومصرده كلیتلی پاموق، پرنج، شكر قامشی وساىٔره دخی یتیشیور. بو منطقه نك جنوبنده صحرای كبیرك عمومیت اوزره نباتات ومحصولاتی اولمیوب، یالكز بعض اكری بو كری آغاج ودیكنلرله آز چوق صولری اولان واحلرده بعض نباتات وعلی الخصوص حیواناتی بسلمكه یارایان بر قبا اوت اولیور؛ علی الخصوص یاغمور یاغدیغی وقت بو واحلر زمرد كبی اولوب، صحرای كبیرك یانمش قوملری اورته سنده منظره لری پك لطیفدر. بو واحلرك اك بیوكی واك چوق نباتات یتیشدیرنی (آشبن) واحیدر، كه برطاغك اتك ووادیلرندن عبارت اولوب، چولك اورته سنده آفریقانك بر اسویچره سی كمنده در. آفریقانك اقالیم حاره سنده كی نباتات واشجار ومحصولات تمامیله معلوم اولمیوب، یالكز سواحله قریب اولان محللرده كوریلن انواعنه قیاسله آكلاشلمقده، وبو جهتجه هندستانله مشابهتی اولدیغی تخمین اولنمقده در. بو نیاتاتك اكثریسنه لسانمزده اسم بوله میه جغمزدن، تعدادندن صرف نظرله، یالكز دنیاده آغاجلرك اك قالیبی اولان (باىٔوباب) ایله هندستان جویزی قبیلندن مغدی بیوك میوه لر ویرن و ((اكمك آغاجی)) تعبیر اولنان اشجارك بر قاچ نوعی، وبرده ایج قبوغی تره یاغی لذتنده اولان ((تره یاغی آغاجی)) وسومالی قطعه سنده قوقولی وضمغلی آغاجلر بولندیغنی بیانله اكتفا ایدرز. بیوك نهرلر بحر الرینك اكثر طرفلریله منصبلری بر نوع یوكسك قامشلرله مستوردر. آفریقای جنوبینك سواحل شرقیه وغربیه سی مشابه اولوب، درجه درجه كسب ارتفاع ایدن طاغلرنده ممالك حاره معتدله یه مخصوص انواع نباتات واشجار بولندیغی كبی، ایج طرفلرنده دخی پاموق وقهوه ایله شكر قامشی خدایی نابت اولوب، پك قوتلی وایی اولدیغندن، بو قطعۀ واسعه بر كون چالیشقان بر اهالی الینه چكه جك اولسه، دنیانك اك زنكین یری

ته رك، یرلرینی ضبط ایتمش اولدقلری كبی، قالان بربرلر دخی بونلرله قاریشوب، عربلشمش اولدقلرندن، بو كونكی كونده خالص بربر اوله رق، یالكز آطلاس سلسلۀ جبالنك مرتفع محللرنده وصحرای كبیرك غربی قسمنده ساكن بولنان قبیله لردر، كه توارقلر وساىٔر قبیله لر دخی بونلرك جمله سندندر؛ آنجق بونلر دخی اكثر یرلرده عربلرله مختلط اوله رق یاشامقده وهم بربرجه هم عربجه سویلمكده درلر. ثانیاً، عربلر، كه میلاد عیسادن خیلی وقت اول تا زنكبار وسفالة الذهبه قدر آفریقانك سواحل شرقیه سنه یایلمش اولدقلری كبی، زمان سعادتدن آز وقت اول دخی یمنك حمیری عربلرندن بر طاقم قبیله لر بحر احمرك اوته یاقه سنه چكوب، تا سودانك ایچلرینه قدر صوقیله رق، یرلشمش؛ وفتوحات اسلامیه زماننده آفریقانك بتون شمال طرفنی استیلا ایله، بوفتوحاتی تعقیب ایدن مدنیت اسلامیه اعصارنده كروه كوره هجرت، وبرطرفدن شمالاً آفروقانك وسطلرینه قدر دخول، بر طرفدن دخی شرقاً بتون سواحلده توطن ایتمشلردر. بووجهله عرب جنسی بعض یرلرده خالص وبعض یرلرده بربر وزنجیلرله ممزوج اوله رق بتون آفریقای شمالی وشرقیده، یعنی بوقطعه نك نصفنه معادل بر وسعتده موجود اولوب، بو یرلرده لسان عربی لسان محلی حكمنه چكمش ویاخود اكثر اهالی طرفندن سویلنمكده بولنمشدر. علی الخصوص وادیٔ نیل ایله آفریقانك شمال و شمال غربی طرفلری بسبتون عربستان اولمشدر.

ناتی صوقار صوقماز درحال تلف ایدن و (چچه) تعبیر اولنان بر نوع سینك بولنیور. قوشلرك آفریقایه مخصوص پك چوق نوعلری وعلی الخصوص غایت كوزل تویلی بعض نوعلری واردر. یوك وبینك حیوا نی اولمق اوزره، شمالده دوه، آت ومركب وجنوبده ایسه اوكوز واینك قوللانیلور. معادنی. _ دمیر وباقیر معدنلری آفریقانك هر طرفنده بولنوب، علی الخصوص دمیری آفریقانك اك بدوی اقوامی دخی چیقارمق وایشلمك علمنی بیلدكلری كبی، آلتون معدنی دخی چوق ایسه ده، الآن چیقاریله میوب، یالكز بعض نهرلرك كنارلرنده وقوملرك ایچنده اهالی طرفندن طوپلانمقده در. امید برونی طرفلرنده كلیتلی ذی قیمت طاشلر وعلی الخصوص الماس بولنوب، انكلیزلر طرفندن چیقارلمقده در. معدن طوزی دخی بولنوب، سودان طرفلرینك باشلیجه تجارتلرندندر. اهالیسی، جنسیت وادیانلری. _ آفریقا قطعه سنك اكثر طرفلری پك آز بیلنوب، بعض جهتلری الآن بسبتون مجهول بولندیغندن، اهالیسنك مقداندن بحث اولنه مازسه ده، تخمینی وتقریبی اوله رق، جغرافیونك اكثریسی بو قطعه نك ٢۰۰ ملیون اهالیسی اولدیغنی قبول ایتمشلردر. بو قطعه نك اهالیسی قدیماً ایكی جنسه منسوب بولنمشدر، كه بونك بری شمال طرفنده بولنان بربرلر ودیكری دخی جنوب طرفنده بولنان زنجیلردن عبارتدر؛ آنجق مؤخراً دها بر چوق اقوام وامم خارجدن كلوب، یرلشمش اولدقلری كبی، بونلرله اهالیٔ قدیمه نك امتزاجندن دخی بعض ملز جنسلر حاصل اولمشدر. شمدیكی حالده‌ آفریقانك اهالیسی باشلیجه بش جنسه تقسیم اولنه بیلیر، كه شونلردر : اولا، بربرلر، كه وقتیله بو قطعه نك یاكز شمال غربیسنده دكل، بلكه مصر وحبش وبربره وسومالی یه وسودانك حدودینه قدر بتون آفریقای شمالیده ساكن، و اسكی مصرلیلر قبطیلر دخی بربر اقوامندن بولنمش اولدقلری كبی، الیوم آفریقای شرقیده ساكن اولان غالا وسومالی اقوامی دخی بربر اقوامندن معدوددرلر. بعد الاسلام آفریقانك شمالنی ضبطله تا سودانه وبحر محیط آطلاسی یه قدر حلول ایدن عربلر بربرلری طاغلره وچوللره طوغری پوسكور-

پورتكیز واسپانیول اولوب، بعض آفریقالیلرله دخی قاریشمشلردر. اخلاق وادیان. _ آفریقا اهالیسنك اك ذكی، اك مستعد واك متمدن اهالیسی شمال طرفلرنده كیلر اولوب، جنوبه طوغری كیدلدجكه بر تدنی حس اولنمقده در. آفریقانك شمالنده اسكی وقتلرده ساكن بولنمش اولان بربر وقبط اقوامی مدنیتده خیلی ایلریلمش اولدقلری كبی، بو كونكی كونده بو طرفلرك اهالیسی اولان عربلر وبربرلر دخی آفریقانك اك ذكی واك مدنی اهالیسی اولوب، بونلرك جنوبنده بولنان غالا وفوله كبی ملز قوملر بونلردن كری، دها آشاغیده بولنان زنجیلر دها كری واك جنوبده بولنان هوتنتوتلر دخی بسبتون كری وتمدن استعدادندن تمامیله محرومدرلر. بربرلر وعربلرله غالا وفوله وسومالی كبی ملز قوملرك كافه سی وسودان شرقی وغربی اهالیسیله ساىٔر زنجیلرك بر چوغی وسواحل شرقیه اهالیسنك بر مقداری اهل اسلامدن اولوب، بو قطعۀ واسعه نك بتون شمال قسمیله شرق طرفلرینی احاطه ایتمش اولان دین مبین اسلام كوندن كونه جنوبه طوغری ایلریلمكده در؛ وبو صوك سنه لرده سودان غربیدن كینه سواحلنه وقونغو وادیسنك ایج طرفلرینه قدر نفوذ، وسواحل شرقیه دن دخی آفریقای جنوبینك وسطلرینه طوغری توسع ایتمشدر. سواحل جنوبیه ده ومداغسقار آطه سنده كی ملاییلرك دخی قسم اعظمی اهل اسلامدر. زنجیلر بو ‌قدر عصردن بری مسلمان بو لندقلری حالده، زمان جاهلیتدن قالمه بعض عادات واعتقادات باطله دن واز چكه میورلر، ویالكز برنوح كبی عرب اهالی دخی بولنان وعلمالری اولان بعض مركزلرده آداب اسلامیه یه تابع اولمشلردر. هر حالده بو قطعه نك قالان قسمی یعنی غرب جنوبی سواحلیله آفریقای وسطی وجنوبی دخی پك یقین بر وقتده تمامیله عالم اسلام داىٔره سنه داخل اوله جغنده شبهه یوقدر. الآن اسلامی قبول ایتمه مش اولان زنجیلرله آفریقای جنوبی اهالیسی معروف بر دینه تابع اولمیوب، جمادات وحیواناته وبر طاقم قبا صنملره عبادت ایدرلر، وكندیلرینه مخصوص غریب غریب عادتلری واردر. آفریقای وسطینك الآن تمامیله معلوم اولمیان طرفلرنده كی نیامنیام اقوامی كرك شكل وسیماجه وكرك ذكاوت واستعدادجه ساىٔر زنجیلردن ١٦

اورالری ضبط ایتملری اوزرینه، ایچری یه طوغری پوسكوردیله رك، كوندن كونه عددلری آزالمقده در. بونلر ذكاوتجه نوع بشرك اك ادنی باصمغنده اولوب، حیوانه قریب بر حالده درلر، وقادینلرینك اوكلرنده قارندن آشاغی اوكلك صورتنده صارقار بر لحم زاىٔدلری اولدیغی كبی، صاغریلری دخی زیاده سیله چیقندیلیدر. خامساً، آفریقای جنوبینك سواحل شرقیه سنده اولوب، تا ایج طرفلرینه وسواحل غربیه سنك بعض محللرینه قدر منتشر بولنان (باسوتو) لردر، كه زولو وكافر وساحلیون وبوشسمان قوملری دخی بونلردن معدود اولوب، رنكلری زیتونی وسیمالری دخی زنجیلردن فرقلی اوله رق، یرلی زنجیلرله بحر محیط هندیدن كلمش اولمسی ملحوظ بر قومك امتزاجندن متولد بر جنس اولدقلری مظنوندر. سادساً، سودانك شرق وشمال شرقیسیله حبش ونوبه طرفلرنده بولنان وتا بحر محیط آطلاسی سواحلنه قدر دخی منتشر اولان غالا وفوله وساىٔر اقوامدر، كه بربر وعرب وساىٔر بیاض جنسلرله زنجیردن متولد ملز بر جنسه منسوبدرلر. بو آلتی جنسدن بشقه، آفریقانك بعض طرفلرنده ممالك ومستملكاتی بولنان آوروپالی وساىٔر اقوامه منسوب بر مقدار اهالی دخی بولنیور. ممالك عثمانیه دن معدود اولان مصر، بنغازی، طرابلس وتونسده وجزایرده اولان تركدن وچركس وآرناؤد كبی خیلی نفوس بولندیغی كبی، بر خیلی روم، فرنك ویهودی اهالی دخی واردر. جزایر وتونس وسنغامبیاده فرانسزلر؛ وكینه سواحلنده دخی فرانسز، انكلیز وپورتكیزلیلر؛ امید برونی طرفلرنده دخی انكلیزلر وفلمنكلیلر بولنمقده در. آفریقانك منتهای جنوبنده وقتیله یرلشمش ویرلیلرله دخی قاریشه رق، (بویر) اسمیله آیریجه بر قوم تشكیل ایتمشلردر. امید برونی طرفلرنده وجنوب شرقی سواحلنك بعض جهتلرنده جاوه وساىٔر اوطرفلرده كی آطه لردن كلمه بر خیلی ملاییلر دخی بولنیور. مداغسقار جزیرۀ كبیره سیله اونك اطرافنده كی آطه لرك اهالیسی دخی ملایی جنسنه منسوبدر. بحر محیط آطلاسیده كی آفریقا آطه لرینك اهالیسی ایسه باشلیجه

چوق دها ایلری بولندقلری، وبلكه رنكلری سیاه اولدیغی حالده، قافقاس جنسنه منسوب اولدقلری حالده، انسان اتی یمك عادت مكروهه سنه تابعدرلر. كینه وقونغو طرفلرنده دخی بعض یرلرده بو عادت مكروهه جاری اولوب، دین اسلامك ترقیاتیله ازاله اولنه جغی مأمولدر. خرستیانلق یالكز سواحلده كی آوروپا مستملكاتنده بولنان جزىٔی آوروپالیلره وحبشلیلرله آمریقادن كلمش اولان لیبریا زنجیلرینه مخصوصدر، وسواحل شمالیه ده بر قاچ بیك ده یهودی بولنیور. صنایع وتجارت ومدنیت. _ آفریقانك اك متمدن یری مصر اولوب، ایكنجی درجه ده امید برونیله جزایر وتونس واوچنجی درجه ده بنغازی وطرابلس غربله فاس ومراكش وزنكبار كبی ممالك اسلامیه در. بویرلرده كی صنایع بعض احتیاجات محلیه یه تقابل ایده جك یوك منسوجاتی، سنحتیان، دمیر وباقیر معمولاتی، حصیر وساىٔره دن عبارت اولوب، سنحتیان احضاری وسنحتیان وكاوساله دن انواع شیلر اعمالی سودانك ایچلرینه قدر، ودمیر وآلتون وساىٔر معادنك ایشلنمسی آفریقانك هر طرفنده معلوم اولوب، اك كری بولنان اقوام دخی مزراق وبالطه وساىٔر اسلحه وادواتلرینی وكومش وآلتوندن اولان تزییناتلرینی كندیلری یاپارلر، وهر قریه ده بیله بردمیر جی بولنوب، بو صنعتجیلره زنجیلر بو نوع سحارلق دخی اسنادایدرلر. آفریقانك تجارتی اخراجات اوله رق، مصرك چیقاردیغی پاموق وپرنج وساىٔره دن بشقه، باشلیجه دوه قوشی توییله فیل دیشی وآلتون توزی كبی مودار، وادخالاته متعلق دخی لاجوردی آمریقانله بعض اوفق تفك آوروپا امتعه سندن عبارتدر. بو تجارتی نقل ایدن كاروانلر سواحلك اك بیوك اسكله لرندن آفریقانك كوبكنه قدر آمدشد ایده رك، باشلیجه قپولری شمالدن اسكندریه، بنغازی، طرابلس غرب، تونس، جزایر وطانجه؛ غربده فرانسه نك النده بولنان (سنت لویی) ایله كینه وآنعوله سواحلنده كی آوروپا مستملكا تی؛ جنوبده امید برونی؛ شرقده دخی سوفاله، زنكبار، بربره، مصوع وسواكن اسكله لریدر. آنجق سودانك اك قیصه و اك طبیعی اسكلی سی طرابلس غرب‌ اولدیغی كبی، آفریقای جنوبینك دخی ردر. بو ایكی اسكله نك توسیع واعمارینه وایچریلره طوغری یوللرك تأمین واصلاحنه همت اولنسه، آفریقانك اك

بیوك تجارتی بو ایكی یوله حصر اولنه جغنده‌ شبهه یوقدر. تقسیماتی. _ آفریقاده مستقل ومعروف دولتلر پك آز اولوب، اكثر طرفلری آوروپا دولتلرینك النده بولنیور، وایج طرفلرینك بعض یرلرنده هرقوم وقبیله نك كندی رىٔیسی واردر. و بعض طرفلرده دخی بر طاقم دولتلر تشكل ایده رك، بعضاً حدودلرینی خیلی توسیع ایدرلرسه ده، اكثریا بقا ودوام ایده میوب، كندیلرینی طانیتدیره میورلر. بو قبیلدن اوله رق سودان شرقی ووسطیده برنوح وساىٔره كبی برقاچ دول اسلامیه بولندیغی كبی، سودان غربیده دخی غالا وفوله قوملری اولدقجه بیوك دولتلر تشكیل، وبودولتلر غرب وجنونه طوغری نشر اسلا ایچون غزا ایتمكده درلر. بونلر جغرافیاجه معلوم اولمدقلرندن، اورالرك تقسیمات طبیعیه وجغرافیه سنه رعایت ایتمكه مجبوز. سواحله قریب اولوب معروف بولنان آفریقا دول مستقله سی بش اولوب، بونلرك ایكیسی اسلام واوچی خرستیان دولتلریدر. اك بیوكلری فاس ومراكش دولتیدر، كه آفریقنك شما غربیسنده واقع اولوب، یدی سكز ملیون اهالی یی جامع پك كوزل بر قطعه ایسه ده، حیفاكه اداره وطخفظ اولنه میوب، آوروپا دولتلرینك تیر طمعلرینه هدف اولمقده در؛ ایكنجیسی زنكبار دولتیدر، كه آفریقانك ساحل شرقیسنده وخط استوانك آلتنده اولوب، آفریقای وسطی وجنوبی یه طوغری پك قولای توسع وترقی ایده بیله جك ور حال وموقعده ایكن، اوده استقاده ایده میوب، ینه اویله بر حال تزلزلده بولنیور؛ وبر طرفدن انكلتره وبر طرفدن ‌انكلتره وبر طرفدن ده آلمانیا طرفندن تهدید اولنیور؛ اوچنجیسی حبش دولتیدر، كه هر نه قدر بر دولت اعتبار اولنیوسه ده، آیری آیری اداره اولنور بر قاچ قومدن مركب اولوب، آفریقانك قره طاغی حكمنده در؛ دردنجیسی وقتیله امید بروننك صاحبلری بولنمش، وانكلیزلرك ورودی اوزرینه شماله طوغری چكلمش اولان (بویر) تعبیر اولنان فلمنكلیلرك تشكیل ایتمش اولدقلری (اورانژ) اسمنده كی حكومتدر؛ بشنجیسی بعض اسرانك آمریقاده حریته ناىٔل اولدقدن صكره وطن اصلیلرینه عودتله، كینۀ غربینك منتهای غربنده (لیبریا) نایله تشكیل ایتمش اولدقلری جمهوریتدر.

٢٤ ٢ جزایر ٣ تونس (افریقیه) ٤ { طرابلس غرب ‌‌‌‌‌‌‌‌‌‌‌ { فزان { بنغازی ٥ مصر { مصراسفل ‌ { صعید { نوبه ٦ ضحرای كبیر { صحرای غرب { تبریس، اضرار، سواد وساىٔره ‌‌‌‌‌‌‌‌‌‌‌‌صحرای وسطی { مشاق، توارق، سونقای، آیر، تبو وساىٔره صحرای شرقی (لیبیا صحراسی) آفریقای وسطی ٧ سنغامبیا { فوته یولوف ‌ { فوته دیالووساىٔره ٨ لیبریا ٩ كینۀ علیا { آلتون ساحل { فانتی { آشانتی { داهومی { یوروب { نیجر منصبی ١۰ سودان { سودان غربی { كرته، ماسینه ، تومبو، موسی، غورمه، غاندو، سوقوطو، حوضه سودان سطی { برنوح ، غانم، باكیرمی، قومبینه، سكورو، داربانده، دارروتغه، سلامات، قوقه، ودای سودان شرقی { دارفور، كوردفان، سنهار، شلوك، دنیكه، بورغو، دارفرتیت

بونلردن بشقه بلچیقه قرالنك تحت نظارتنده اوله رق ((قونغو سربست حكومتی)) نامیله یكی بر حكومت مختلطه دخی تشكیل اولنمشدر. آفریقاده ممالك ویا مستملكاتی اولان آوروپا دولتلری باشلیجه بش اولوب، اك زیاده ممالكه حكمفرما اولان دولت اولت علیۀ عثمانیه در؛ ایكنجی درجه ده انكلتره، صكره فرانسه، صكره پورتكیز وصكره اسپانیا دولتیدر. آلمانیا دخی بوصوك سنه لرده زنكبار طرفلرنده بر طاقم یرلراله چكیرمش، وایتالیا بحر احمر سواحلنه صوقلمشدر، كه بونلرله برابر آفریقاده حكم سورن آوروپا دولتلرینك عددی یدی یه بالغ اولور. دولت علیه نك آفریقاده كی ممالكی ((آفریقای عثمانی)) ماده سنده تصریح اولنه جقدر. انكلتره نك ممالكی آفریقانك جنوبنده امید برونیله ناتال وترانسوال ممالكندن وآفریقای جنوبینك بعض سواحل غربیه سیله كینۀ غربیده فانتی ساحلیله سنغامبیانك بعض ساحللرندن ویرده مداغسقارك شرق وشمالنده بولنان بر قاچ آطه لرله سقطره جزیره سندن عبارتدر. فرانسه نك ممالكی جزایر ایله سنغامبیانك بعض طرفلرنده وكینۀ جنوبیده كی (غابون) ساحلیله مداغسقارك بعض طرفلرندن واو جوارلرده بولنان اتحاد آطه سندن وبحر آحمر ساحلنده كی (عبوق) اسكله سندن عبارتدر؛ فضولاً تونسه دخی تجاوز ایتمشدر. پورتكیز دولتی مادر وآسور ویشیل برون آته لریله كینه كورفزنده كی برایكی كوچك آطه یه و آفریقای جنوبینك سواحل غربیه سندن آنغوله ساحل وسیعنه وقطۀ مذكوره نك سواحل شرقیه سندن دخی سفالة الذهب وموزامبیق طرفلرینه وسنغامبیانك دخی بعض نقطه لرینه حكم ایدیور. و اسپانیانك آفریقاده كی مستملكاتی قناریه آطه لریله فاس دولتنك ساحل شمالیسنده كی سبته وملیله كبی بر ایكی اسكله یه وبرده كینه وكورفزینك اك درین محلنده اولان (فرناندو پو) آطه سیله اونك قارشیسنده (قمرون) ساحل صغیرینه وینه او جوارده كی بر ایكی كوچك آطه ایله دیكر بر پارچه ساحله منحصردر. ادارۀ سیاسیه دن صرف نظر اولندیغی حالده، آفریقا قطعه سنك جغرافیاجه تقسیماتی وجه آتی اوزره در : آفریقی شمالی ١ مغرب { فاس، مراكش، صنهاجه ، سوس

یرلشدكلرندن، كرك او طرفلره متعلق وكرك آفریقانك اطرافنده كمیجیلكه ایتدكلری سیاحتلردن بوقطعه نك سواحلی حقنده خیلی معلومات استحصال ایتمشلردی، كه بو معلوماتك بر مقداری ده یونان قدیم مورخ وجغرافیونی طرفندن ضبط اولنمشدر. اسكندردن صكره مصرده حكم سورن بطالسه زماننده آفریقایه متعلق اولان معلومات دها خیلی توسع ایتمكله، بطلمیوسك‌ جغرافیاسنده ویریلن تفصیلات دها مكملدر. متعاقباً رومالیلرك مغرب اقصادن مصره قدر بتون آفریقانك جهت شمالیه سنی ضبط ایتملری بو معلوماتك بر قات دها توسعنی موجب اولمغله، (پلین) ك ویردیكی تفصیلات استرابون وبطلمیوسك جغرافیالرنده كی معلوماتدن دها مكملدر. آنجق بو معلومات سواحل شمالیه ایله بحر احمر ووادیٔ نیل منحصر ایدی. نهایت شمس منیر اسلامك طلوعیله انوار اسلامیه آفاقه شعشه پاش اولمغه باشلاینجه، اك اول بو انوار مدنیتندن حصه دار اولان قطعه لرك بری دخی آفریقا اولوب، آز مدت ظرفنده بو قطعۀ واسعه نك بتون نصف شمالیسی ممالك اسلامیه داىٔره سنه داخل اولدقدن بشقه، اكثر یرلرینك لسانی دخی لسان عربی یه تحول ایتمكله، ودین اسلام ولسان عربی آفریقانك سواحل شرقیه سی (بوینجه) (زامبز) نهری منصبنك آلت طرفنه قدر ایلریلمكله، بین الاسلام حولی طبیعی اولان بر اختلاط ومواره حاصل اوله رق، آفریقانك اكثر طرفلری علمای اسلامك معلومی اولمشیدی. بناءً علیه عرب جغرافیون ومورخلرندن ابن حوقل، ابن ابی یعقوب، مسعودی، بكری، ادریسی، ابو الفدا، ابن خلدون، ابن بطوطه كبی دهاتك آفریقانك سواحل شمالیه وشرقیه سیله صحرای كبیر وسودان ووادیٔ نیل حقنده ویردكلری معلومات مفصله اسكی یونان رووما آثارنده كی معلوماتله نسبت قبول ایتمیه جك درجه ده مكملدر. یالكز سوداندن آشاغی اولان آفریقای وسطی ایله آفریقای جنوبینك ایچی وسواحل غربیه وجنوبیه سی عربلرك مجهولی قالمشیدی. قرون اخیره نك ابتدالرنده پورتكیزلیلرك آفریقا سواحلنده كی كشفیاتی وامید بروننی طولاشمغه موفقیتلری نو قطعه نك سواحلی حقنده كی معلوماتی اكمال ایتمش ایسه ده، ایج طرفلری ینه مجهول قالمشیدی.

١١ حبش { تكره { امهاره { شوآ ١٢ نیام نیام ممالكی وساىٔر اقطار مجهوله ١٣ قونغو سربست حكومتی آفریقا شرقی ١٤ آجان { دناقل، عداىٔل، آفار، بربره، حرار، سومالی، غالا ١٥ زنكبار ١٦ موزامبیق ١٧ سفالة الذهب (سوفاله) آفریقا جنوبی ١٨ انكلتره مستملكاتی { امید برونی، ناتال، غریق مملكتی، ترانسوال ١٩ اورانژ حكومت مستقله سی ٢۰ كافر ستان وزولو ممالكی ٢١ { آقریقای جنوبیٔ} ‌‌ وسطی وغربی } { قالاهاری صحراسی، بچوانه ممالكی، ماتبله، باماغواتو، باقوبه ، ماروچه، ناماقه، داماره، قاوقو، اووامیو، لونده، روآ ٢٢ كینۀ سفلی { اوقیل، بنكله، آنغوله، قونغو سواحلی تاریخی. _ آفریقا قطعه سنك ازمنۀ قدیمه ده اك اول اویانوب تمدن ایدن یری یالكز مصر اولوب، مصرلیلر میلادك عیسادن درت بیك سنه اول اولدقجه مدنی بر قوم حالنه كیرمش اولدقلرندن، اونلرك آفریقانك مصره قریب اولان محللرینه ووادیٔ نیله متعلق بعد معلوماتلری وار ایدی، كه بو معلومات ابو المورخین (هرودوت) طرفندن ضبط اولنمشدر. فنیكه لیلر قارتاج تسمیه ایتدكلری تونس طرفلرنده

نهایت بو صوك زمانلرده اوروپانك بعض طرفلرنده ومصرده تشكل ایدن جمعیات مخصوصه طرفندن كوندریلن مشهور سیاحلر بیك درلو مشقات ومهالكی كوزه آله رق، آفریقانك ایچریلرینی وچوللرینی طولاشمش وبو طریقله بو قطعه نك ایج طرفلرینك دخی اكثریسی معلوم اولمش ایسه ده، الآن مجهول یرلری چوقدر؛ وبعض یرلر حقنده كی معلومات مستحصله دخی محتاج تدقیق وایضاحدر.