Asie Centrale ~ آسياى وسطى
Kamus-ul'Alam - Asie Centrale ~ آسياى وسطى maddesi. Sayfa: 203 - Sira: 3
Asie Centrale - آسياى وسطى
[((اوسط)) ك مونثی اوله رق واو مضمومه والف مقصوره ایله وسطی قرانتی غلط فاحشدر. ] اسمندن دخی آكلاشلدیغی اوزره، آسیانك اورته سنده بولنان بر قطعۀ واسعه در. كه جنوباً ایران وهند ایله، شرق جنوبی طرفندن چینله، شرق شمالی طرفندن روسیه نك آمور قطعه
سومانچولر ایسه اقوام تورانیه دن اولوب، بینلرنده سیماجه، لسانجه واطوار واخلاقجه پك چوق مشابهتلری واردر، وتاتار اسم مشتركیله دخی تسمیه اولنه كلمشلردر. تركلرك وعلی الخصوص تركمنلرك، امم آریه ایله اولان قربیت واختلاطلرندن طولایی، سیمالری بر آز دكیشوب، ایچلرندن بعضیسی عادتا اقوام آریه افرادینه مشابه ایسه لرده، لسانلری مغوللر وساىٔر تاتارلرله اولان اشتراك نسبیلرینی كوستریور. دولت چكیزیه نك فتوحات واداره سی زماننده مغوللرك بر طرفدن تركلرلر وبر طرفدن دخی مانچولرله پك چوق قاریشمش اولدقلری، وازآن جمله قریم وقپچاق تاتارلرینك باشلیجه مغول جنسندن اولدقلری قابل انكار دكلدر. بو قطعه هیج بر وقت مدنیت ومعارف منبعی اولمامش ایسه ده، اوته دن بری اك مشهور حرب رجالنی یتیشدیروب، عالمه بر چوق جهانكیرلر ویرمشدر. اك اسكی زمانلرده بیله اقوام تورانیه ایكیده بر ده ایران وآثوریه وتا مصره قدر هجومله ضبط ممالك وغارت ویغما ایده كلمش اولدقلری امم قدیمۀ مذكوره نك تواریخیله مثبت اولدیغی كبی، اوروپا طرفلرینه هجوم وتجاوزلری دخی ملحوظدر. بعد الاسلام غزنویلر وسلچوقیلر كبی بیوك دولتلرك مؤسسلری توران تركلرندن بولندقلری كبی، چكیز وتیمورلنكك او چوللردن چیقوب، عالمی زیر وزبر ایتدكلری دخی خاطرلرده در. آسیای وسطینك یالكز غرب جنوبی جهتی یعنی بخارا، سمرقند وخوارزم جهتلری مدنیت اسلامیه نك دور ترقیسی زمانلرنده انوار معارفله تنویر اولنمش. ونیجه علما وادبانك وطنی بولنمشدر. بو كونكی كونده بو قطعه نك قسم اعظمی چینك النده بولندیغی كبی، قالان قسمی دخی همان كاملاً روسیه نك یدضبطنه چكمش. وبر طرفدن دخی هندستانده تقرر ایدن انكلتره جنوبدن بو قطعه یه اولاشمش اولدیغندن، روسیه ایله انكلتره نك اوراجه همحدود اولدقلرینی متعاقب بینلرنده تحدث ایده جك مناسبات مسىٔله سی بو قطعه یه بر اهمیت مخصوصه قزاندیریور. بعض جغرافیون، وعلی الخصوص روسیه لیلر، آسیای وسطی اسمنی تیبت ومغولستانه قدر توسیع
ایتمیوب، بو اسمله یالكز تركستان قطعه سنی تسمیه ایتمكده درلر. [((تركستان، تیبت، مغولستان، مانچوریا)) وساىٔره ماده لرینه مراجعت بیوریله.]
Kamusul Alam, Şemseddin Sami; Kamusul Alamde Asie Centrale maddesi. osmanlıcada Asie Centrale ne demek, Asie Centrale anlamı manası, Asie Centrale osmanlıca nasıl yazılır. Osmanlıca sözlükte Asie Centrale hakkında bilgi. Arapça Asie Centrale ne demek. Arapça osmanlıca sözlük. Farsçada Asie Centrale anlamı
Kamusul Alamde - آسياى وسطى Asie Centrale maddesi. Şemseddin Sami, Kamusul Alam Ansiklopedisi