Assiniboines ~ آسينيبوآن
Kamus-ul'Alam - Assiniboines ~ آسينيبوآن maddesi. Sayfa: 205 - Sira: 5
Assiniboines - آسينيبوآن
آمریقای شمالینك اهالىٔ قدیمۀ اصلیه سندن اولان (سیو) قومنك شعباتندن بر قومدر، كه (دومینیون) مملكتنك غربی قناده و (هودسون) قویی طرفلرنده بولنورلر. كندیلرنجه قوملرینك اسمی (پوآتاق) اولوب، ((طاغ پوآتاقلری)) معناسیله (آسینی پوآتاق) دخی تسمیه اولنورلر، كه بونی فرانسز سیاحلری (آسینیبوآن) صورتنده تحریف ایتمشلردر. بونلردن طاغلری ده واومانلرده طولاشانلری پك وحشی ایسه لرده او قدر مضر دكلدر، وكندیلری غایت ضعیف ومسكین آدملردر. اووه لرده وچایرلرده بولنانلری ایسه تندرست وقوی اولوب، غایت خونخوار ویغماكردرلر. بونلر ساىٔر اقوام وحشیه ایله داىٔما مقاتله ده بولندقلری كبی، حدودلرنده بولندقلری ممالك مجتمعه دن (مونتانه) و (داقوته) جمهوریتلرینه دخی كیروب، یغماكرلك ایدرلر. بو قوم پك قلیل المقدار اولوب، بر ایكی بیكدن زیاده نفوسلری اولمدیغی مظنوندر.
Kamusul Alam, Şemseddin Sami; Kamusul Alamde Assiniboines maddesi. osmanlıcada Assiniboines ne demek, Assiniboines anlamı manası, Assiniboines osmanlıca nasıl yazılır. Osmanlıca sözlükte Assiniboines hakkında bilgi. Arapça Assiniboines ne demek. Arapça osmanlıca sözlük. Farsçada Assiniboines anlamı
Kamusul Alamde - آسينيبوآن Assiniboines maddesi. Şemseddin Sami, Kamusul Alam Ansiklopedisi