Aschaffenbourg ~ آشافنبورغ
Kamus-ul'Alam - Aschaffenbourg ~ آشافنبورغ maddesi. Sayfa: 206 - Sira: 7
Aschaffenbourg - آشافنبورغ
باویره نك شمال غربیسنده ((آشاغی
فرانقونیا)) ایالتنده قضا مركزی بر شهردر، كه (ماینه) نهرینك ساحل یمیننده و (وورچبورغ) ك ٩٣ كیلومتره شمال غربیسنده، ً٢٨ َ٥٨ ْ٤٩ عرض شمالی ایله ً٢٦ َ٤٨ ْ٦ طول شرقیده واقع اولوب، ٩٢١٢ اهالیسی، بر اورمان مكتبیله دیكر بر چوق مكتبلری، بر مكمل كتبخانه ایله بعض مواد فنیه یی جامع بر سرایی، دباغخانه لری وكاغد وساىٔره فابریقه لری واردر. (ماینه) نهری واسطه سیله ایندیریلن مواد تجاریه ایله كراسته لرك بر مخزنی حكمنده اولوب، جوارلرنده ده خیلی توتون واوزوم یتیشدیریلیر. اسكی بر شهر اولوب، رومالیلر زماننده (آسقافه) نامیله شهرتی وار ایدی، ورومالیلرك ممالكنی غیر مطیع اولان جرمان اقوامندن محافظه ایچون چكلمش اولان دیوار بو شهره منتهی اولور ایدی. _ قضاسی ٤٧١٩ مربع كیلومتره دن عبارت اولوب، ایكی ناحیه یه منقسم و ٤۰ داىٔرۀ بلدیه یی جامع اوله رق، ١٥۰ ٣١ اهالیسی واردر.
Kamusul Alam, Şemseddin Sami; Kamusul Alamde Aschaffenbourg maddesi. osmanlıcada Aschaffenbourg ne demek, Aschaffenbourg anlamı manası, Aschaffenbourg osmanlıca nasıl yazılır. Osmanlıca sözlükte Aschaffenbourg hakkında bilgi. Arapça Aschaffenbourg ne demek. Arapça osmanlıca sözlük. Farsçada Aschaffenbourg anlamı
Kamusul Alamde - آشافنبورغ Aschaffenbourg maddesi. Şemseddin Sami, Kamusul Alam Ansiklopedisi