Asie Turque - آسياى عثماني

هر نه قدر كه بو اسمك دولت عثمانیه نك آسیا قطعه سنده كی ممالكنك كافه سنی جامع اولمسی لازم كلیرسه ده، حجاز ویمن وخند قطعه لری بربرلرندن آیری بولنوب، ذاتاً بونلر جغرافیا جه (جزیرة العرب) ویا (عربستان) نامیله معروف اولان قطعه نك اقسام طبیعیه سندن بولنمغله، آسیای عثمانیه یه اطلاق اولنور. آسیای عثمانی شمالاً روسیه نك النده بولنان قافقاسیه، قره دكیز ومرمره دكیزیله؛ غرباً آطه لر دكیزی

سیله، شمالاً سیبریا ایله وغرباً بحر حززله محدود ومحاط اولوب، ایرانیلر وهندلیلر طرفندن اسكیدن بری (توران) اسمیله تسمیه اولنه كلمشدر. بو قطعۀ واسعه نك عرضی ْ٢٨ عرض شمالیدن ْ٥٥ عرض شمالی یه قدر ٢٨ درجه، وطولی ْ٥۰ طول شرقیدن ْ١٣٢ طول شرقی یه قدر ٨٢ درجه، یعنی عرض اعظمی ٢٢۰۰ ، وطول اعظمی ٦٢۰۰ كیلومتره در. بو قطعه دنیانك اك یوكسك و اك آلچق موقعلرینی حاوی اولوب، وسطی ٨۰۰۰ متره یه قدر ارتفاعی اولان غایت یوكسك طاغلرله بو طاغلرك اتكلرنده وآره لرنده بولنان مرتفع وادیلردن وسدلردن عبارتدر؛ شرق جنوبی طرفنده ینه اوچ درت بیك متره ارتفاعنده بر صره طاغلر بولنوب، بو ایكی مرتفع موقعك آره سنده

وآق دكیزله؛ جنوباً آق دكیز، جزیرة العرب وبصره كورفزیله؛ شرقاً دخی ایران دولتیله محدود ومحاط اولوب، آناطولی، سوریه ، جزیره، عراق وكردستان قطعه لرندن مركبدر. آسیای عثمانینك مساحۀ سطحیه سی تقریباً ١٢٥۰۰۰۰ مربع كیلومتره، واهالیسی ١٦ ملیوندر. بونلرك قسم اعظمی یعنی آناطولی قطعه سنك هر طرفیله، سوریه وجزیره وكردستانك شمال شرقی طرفلرنده بولنانلری ترك، وسوریه ایله جزیره وعراقك اهالیسی اكثریت اوزره غرب، وكردستان اهالیسی اكثریت اوزره كرد جنسیتلرینه منسوبدر. بو تقسیم عمومی خارجنده اوله رق تا بغداده قدر تركلر بولنوب، بغداد شهرینك لسان محلیسی بیله تركجه اولدیغی كبی، كرذلر دخی سوریه ده آناطولینك شرق طرفلرنده ده بولنورلر. ارمنیلر ایسه باشلیجه كردستانك جهت شمالیه سنده، وان وبتلیس ولایتلرنده بولنوب، متفرق اوله رق آناطولینك هر طرفنده وباشلیجه قصبه لرده، وروملر ایسه یالكز آناطولینك سواحل غربیه سنده بولنیورلر. آنجق آناطولیده ساكن بولنان ارمنی وروملر دخی لسان ملیلرینی غاىٔب ایدوب، تركجه لسان مادرزادلری حكمنه چكمش اولدیغندن، یالكز مذهبجه آناطولینك تركلرندن فرقلی قالمشلردر. آسیای عثمانی یی تركیب ایدن قطعه لردن هر بری حقنده، صره سی كلنجه، معلومات كافیه ویریله جكی كبی، تقسیمات ملكیه سندن دخی ممالك عثمانیه ماده سنده بحث اولنه جغندن، شوراجقده یالكز آسیای عثمانینك، وعلی الخصوص آناطولی ایله سوریه وجزیره نك دنیانك اك كوزل یرلرندن اولدیغنی، وهله آسیا قطعه سنده هواجه، محصولاتجه، منابع ثروتجه وهر جهتجه مثلی اولمدیغنی، وازمنۀ قدیمه ده مدنیته ناىٔل اولمش اولان بونجه امم ودولك وطنلرینی ‌حاوی بولندیغنی بیانله اكتفا ایدرز. [((عثمانیه)) ماده سنه مراجعت.]