آسيا

Osmanlica ansiklopedi kamus alemde آسيا maddesi. Sayfa:196


Asya - آسيا

كرۀ ارضك اسكیدن معلوم اولان قسمنك جهت شرقیه سی والیوم كرۀ ارضك منقسم بولندیغی قطعات خمسه نك اك بیوكیدر، كه آفریقا قطعه سندن سویش قنالیله آیریلوب، اوروپا قطعه سی ایسه حقیقنده بونك بر شبه جزیره سندن عبارتدر. اك اول یونانیلر طرفندن بو قطعۀ جسمیه یه، ودها طوغریسی بونك او وقت یونانیلر عندنده معلوم اولان قسم غربیسنه آسیا نامی ویریلوب، بو نام امم شرقیه عندنده وآسیا لسانلرنده مجهول بولنمش، ویالكز بو صوك وقتلرده اوروپا لسانلرندن اخذ اولنه رق، استعمال اولنمغه باشلامشدر. موقع وحدود ومساحه سی. _ آسیا قطعه سی یالكز غرب طرفندن اوروپا قطعه سنه ملاصق اولوب، اطراف ساىٔره سی دكیزله محاط غیر منتظم بر شكل مربع كوستریور. كه شمال طرفی باصیق، آلچق

ومنجمد بطاقلقلرله مستور اولدیغی حالده، ْ٧٢ عرض شمال خط مفروضنك كاه آلتنده وكاه اوستنده شرقدن غربه ممتد اوله رق، بحر محیط شمالینك بوزلریله محدوددر؛ شرق طرفی، شرقدن غربه ماىٔل اوله رق، شمال منطقه سندن خط استوایه قدر ممتد اولمغله، شرق شمالی اوجی طول شرقینك ١٨۰ درجه سنی تجاوز ایتدیكی حالده، شرق جنوبی اوجی طول شرقینك آنجق ١۰٢ درجه سنه واصل اولور؛ جنوب طرفی مدار سرطاندن خط استوایه قدر ممتد اولان بر طاقم واسع شبه جزیره لردن عبارت اولوب، بحر محیط هندی ایله محاط، وبو قطعه نك اك صیجاق یرلرینی جامعدر؛ غرب جنوبی طرفی، مقدما طار بر برزخله آفریقایه مربوط ایلكن، سویش قنالنك آچلمسی اوزرینه، آیریلوب، قره لر اورته سنه كیرمش بر طاقم دكیزلرله محدوددر، كه بونلرده بحر احمر، آق دكیز، آطه لر دكیزی، مرمره، قره دكیز وبحر حززدن عبارتدر؛ غرب طرفی براً اوروپایه مربوط ایسه ده، قافقاس و (اورال) كبی ایكی بیوك سلسلۀ جباللۀ و (اورال) طاغنك جنوب طرفنده (اولغا) وشمال طرفنده (قره) نهرلریله تفریق اولنمشدر. آسیا قطعه سنك اك زیاده اوزانمش نقطه لری واونلرك موقع وعرض وطوللری وجه آتی اوزره در. شمالده بحر منجمد شمالیده (چلوسكین) برونی : عرض شمالی َ٣۰ ْ٧٧ ، طول شرقی َ٣۰ ْ١۰٢ (تقریباً) ؛ شمال شرقیده بهرنك بوغازنده ((شرق برونی)) : عرض شمالی ً١۰ َ٣۰ ْ٦٦ ، طول شرقی ْ١٨٧ ً٥٦ َ٥٥ ؛ جنوب شرقیده ملاقه شبه جزیره سنك اوجنده اولان (رومانیه) برونی : عرض شمالی ً٣۰ َ٢٢ ْ١ ، طول شرقی َ٢٢ ْ١۰٢ ؛ جنوبده هندك منتهای جنوبی اولان (قومورین) برونی: عرض شمالی َ٥ ْ٨ ، طول شرقی ً٥١ َ١۰ ْ٧٥ ؛ جنوب غربیده باب المندب برونی :‌ عرض شمالی ًَ٢۰ َ٤٢ ْ١٢،طولی شرقی

چولدر؛ آناطولی ایسه شمال، غرب وجنوب ماىٔله لرینه منقسم ایسه ده، بو اوچ ماىٔله نك دوكدكلری صولر یا طوغریدن طوغری یه ویاخود قره دكیز وآطه لر دكیزی واسطه سیله آق دكیزه ‌دوكلدیكندن، بر ماىٔله عد اولنه بیلیر. آسیا قطعه سنك اك مرتفع نقطه سی تیبت ایله هندستان آره سنده كی موقع اولوب، اورادن بر چوق جبال مرتفعه آیریله رق، آسیانك هر طرفنه طوغری اوزانیرلر. بو طاغلرك اك بیوكی (هیمالایه) سلسله سیدر، كه تیبت ایله كشمیرك آره سندن باشلایوب، شرق جنوبی یه طوغری اوزانیور، وهند ایله چینك آره سنی تفریق ایتدكدن صكره، شمال وجنوبه طوغری چین و هند چینی ایچنده بر چوق شعبه لر صالیور. بوسلسله نك اك مرتفع ذروه سی (چامولاری) طاغی اولوب، ٨١٧٦ متره ارتفاعی اولان (دوالات كیری)‌ طاغندن دها یوكسكدر. (هیمالایه) سلسله سنك منتهای غرب شمالیسندن (كوه بلور) نامیله بر شعبه آیریلوب، شماله طوغری اوزانیر، وبوندن ده (كوىٔن لون) و (تیان شان) دنیلن ایكی سلسله آیریلوب، چین ممالكی ایچنده شرقه طوغری ممتد اولورلر. (آلتون طاغ) سلسله سی ایسه (كوه بلور) ك منتهای شمالنه مربوط اولدیغی حالده، شرق شمالی یه طوغری ممتد اولوب، سیبریا ایله چینك آره سنی تفریق ایله، شماله طوغری بر قاچ طال صاله رق، وبعده سیبریانك ایچنه كیره رك، بهرنك بوغازینه منتهی‌ ولدیغی كبی، غرب طرفندن دخی كیتدجكه آلچقلانه رق، قیزلرك وطنی اولان وارتفاعی آنجق فرق اولنه بیلن دوز بر صیرت تشكیل ایله، اورال كولنك شمالندن چكدكدن صكره، ینه كسب ارتفاع ایده رك، وشماله طوغری دونه رك، (اورال) طاغنی تشكیل ایدر، كه آسیا ایله آوروپانك آره سنی تفریق ایده رك، بحر منجمد شمالی ساحلنه قدر ممتد اولور. (كوه بلور) دن (هندوكوه) نامیله دیكر بر سلسله دخی آیریلیور، كه غربه طوغری متوجهاً، افغانستانك اورته سندن، ایران وكردستانك شمالندن وآناطولینك ایچندن چكه رك، تاآطه لر دكیزی ساحلنه قدر كلیر، وبتون آناطولی، كردستان وعراق طاغلری دخی بوندن تشعب ایدر؛ قافقاس ولبنان طاغلری دخی بوندن تشعب ایدر؛ قافقاس ولبنان طاغلری دخی بوكا مربوط عد اولنه بیلیر. یالكز هندستانك جنوبنده كی طاغلرله جزیرة العربك طاغلری بسبتون آیری ومنفرددر.

آسیا قطعه سنك اك اوزون بویی آناطولینك ساحل غربیسندن بهرنك بوغازینه قدر اولوب، بو ایكی نقطه نك آره سی دوز واینیشسز یوقشسز فرضیله ١١۰۰۰ كیلومتره لك بر مسافه، یعنی ٢٥۰۰ ساعتلق بر یولدر. اك كنیش اكی دخی چلوسكین برونندن (قومورین) بروننه قدر اولوب، ٨۰۰۰ كیلومتره لك بر مسافه در. مساحۀ سطحیه سی ایسه ٤٥۰۰۰۰۰۰ مربع كیلومتره اولوب، اوروپا قطعه سنك درت بچق مثلی بیوكلكنده در. شكل ووضعیتی، جبال وانهاری. _ آسیا قطعه سنك هر حالی بیوك مقیاس اوزره اولوب، اوقوجه قطعه باشلیجه اوچ واسع ماىٔله یه منقسمدر : برنجیسی شمال ماىٔله سیدر، كه حس اولنه میه جق بر میل ایله آلتون طاغلرندن بحر منجمد شاملی سواحلنه قدر ممتد اوله رق، جنوبدن شماله آقان (اوبی)، یكیسی، لنا، ایندیكیرقه وقولیما ایرماقلرینك صولرینی بحر محیط شمالی یه دوكر؛ ایكنجیسی شرق ماىٔله سیدر، كه (آمور) ایرماغیله چینك (هوآنع هو) و (یانغ چه كانغ) دنیلن ایكی بیوك نهرینك صولرینی بحر محیط كبیره دوكر؛ اوچنجیسی جنوب ماىٔله سیدر؛ كه مقونغ، منام، سالوآین، ایراوادی، براهماپور، كنك، سند نهرلریله فرات ودجله وساىٔره دن مركب اولان شط نهرلرینی بحر محیط هندی یه دوكر. بو اوچ ماىٔله دن بشقه آسیانك اورته سنده مخرجسز ایكی واسع حوضه واردر، كه صولری هیج بر بحر محیطه دوكلمیه رك، ایچلرنده قالیر. بونلرك بری كردستان، ایران، افغانستان وتركستان قطعه لرینی جامع اولوب، صولری یعنی جیخون، سیخون وآراس ایرماقلریله ساىٔر نهرلر برر كول حكمنده اولان خوارزم وحزز دكیزلرینه دوكیلورلر؛ اوروپادن معدود اولان روسیه نك بر بیوك قسمی دخی بو حضه نك داخلنده بولنوب، اورال واولغه ایرماقلرینی بحر حززه دوكر. دیكری ایسه (غوبی) دنیلن مغولستان چولندن عبارتدر، كه غایت یوكسك طاغلرله محاط مرتفع وقورو بر چول اولوب، هیج بر بیوك نهری یوقدر. ویوكسك طاغلر قارلرینك اریمسندن حاصل اولان بعض چایلر مجرالرنده قورور. غرب طرفنده ایكی شبه جزیره حكمنده اولان آناطولی وعربستان دخی بو تقسیماتدن خارج قالوب، جزیرة العرب طاغلرله محاط مخرجسز بر

كوللر. _ دكیز عد اولنان وحقیقنده بیوك بر كول حكمنده اولان بحر حزز وآرالدن بشقه آسیانك بر چوق كوللری واردر، كه اك بیوكلری سیبریانك جنوبنده وآلتون طاغك شمالنده اولان (بایقال) و (بالقاش) كوللریله مغولستانده بولنان (لوب نور) (قوقونور) و (تكری نور) كوللری، تیبتك جنوبنده كی (پلته) كولی، ایرانك وسطنده بولنان (هامون) كولی، كردستانده كی (اورمیه) و (وان) كوللری وبرده فلسطینده كی بحر لوطدر. بحر حززك سطحی بحر محیطك سطحندن ٢٢، وبحر لوطك سطحی ده حذای بحردن ٣٩٤ متره آلچقدر. سواحل، كورفزلر، شبه جزیره لر، جزایر. _ آسیانك سواحلی خیلی كیرنتیلی چیقنتیلی اولمغله، بر چوق شبه جزیره لری واردر. وبونلرك آره سنده بر چوق كورفزلر تشكل ایدیور، كه‌ب ونلرك بر طاقمی، وسعتلری حسبیله، دكیز عنواننه سزادر. اك بیوك شبه جزیره لری شونلردر : شمال شرقی طرفنده (بهرنك) دكیزیله (اوخوچق) دكیزی آره سنده كی (قامچاتقه) ، شرقده جاپون دكیزیله بحر اصفر آره سنده كی (قوره)، جنوبده بحر چین ایله بحر محیط هندی آره سنده كی (ملاقه). بو اوچ شبه خزیره دن بشقه جنوبده هندچینی، هندستان وجزیرة العرب قطعه لری برر جسیم شبه جزیره اولدقلری كبی، غربده دخی آناطولی قطعه سی آق دكیزله قره دكیز آره سنده اوزانمش بر بیوك شبه جزیره دن بشقه برشی دكلدر. آسیانك اك زیاده اوزانمش نقطه لرینی ذكر ایتدیكمز صره ده چلوكسین، رومانیه، قومورین وباب المندب برونلرینی صایدی ایدك؛ بونلره علاوةً قامجاتقه شبه جزیره سنك منتهای جنوبیسنده اولان (لوپاتقه)، قوشنشینك منتهای جنوبیسنده اولان (قامبوجه)، بغوده كی (نغرایس) وجزیرة العربك جنوب شرقیسنده كی (رأس الهاد) برونلری ده ذكره شایاندر. كورفز اوله رق، آسیانك سواحل شمالیه سنده یالكز (قره) كورفزی ذكره شایان اولوب، بو اسمله مسمی اولان نهرك منصبنده واقع وشمال شرقی طرفندن ((یكی زمبله)) آطه سیله محفوظدر. شرق طرفنده ایسه بحر محیط كبیره آچیلیر بر صره كورفزلر واردر، كه جمله سی بر رصره آطه لرله بحر محیطدن آیرلمشدر؛ بونلر (بهرنك)، (اوخوچق) وجاپون دكیزلریله بحر اصفر وتونكین ایله

سیسام كورفزلرینی حاوی اولان بحر چیندر. جنوب طرفنده بنكاله كورفزیله بحر عمان وبحر عماندن آیریلان بصره كورفزیله بحر احمر برر جسیم كورفزدرلر. غرب طرفنده ده آق دكیزك قسم شرقیسی اولان بحر شام، آطه لر دكزی، مرمره وقره دكیز برر كورفز عد اولنه بیلیرلر. آسیانك اك مهم بوغازلری بو قطعه ایله آمریقا آره سنده اولان (بهرنك)، ملاقه شبهه جزیره سیله سوماتره آطه سی آره سنده اولان (ملاقه) ، جزیرة العربله آفریقا آره سنده اولان (باب المندب) وآسیا ایله آوروپا آره سنده اولان قسطنطینیه وقلعۀ سلطانیه بوغاز

٤ چین } ٥ مانچوریا } ٦ مغولستان } چین دولتی ٧ تیبت } ٨ تركستان } ٤ تركستان مستقل (ختن، یارقند) _ تركستان غربی (روسیه یه تابع) ٥ وبخارا خانلغی ٦ خیوه خانلغی _ تركمنلر مملكتی (روسیه یه تابع) ٩ قافقاسیا } كورجستان } _ (روسیه یه تابع) داغستان } چر كستان } آبازه } منكرلیا } ١۰ آناطولی } ٧ دولت علیۀ عثمانیه ١١ سوریه } ١٢ جزیره } ١٣ عراق عربی } ا٤ عربستان } _ حجاز (دولت علیه یه تابع)‌‌‌‌‌‌‌‌‌ _ یمن كذا ٨ عمان ٩ بخد ١٥ ایران ١۰ ایران ١٦ افغانستان ١١ افغانستان ١٧ بلوجستان ١٢ بلوجستان‌ ١٨ هند { ١٣ ممالك مستعقله _ انكلتره یه تابع ممالك ا٩ هند چینی { برم { مستقل برما _ انكلتره یه تابع برما { سیام ١٥ شیام {قامبوج ١٦ قامبوج { قوشنشین _ (فرانسه یه تابع) { آنام ١٧ آنام تونكین _ (فرانسه یه تابع) هوا، محصولات وحیوانات. _ آسیا قطعه سی، و سعتی وارتفاعنك تخلفی جهتیله، كرۀ ارضك هر هواسنی وهمان هر نوع محصولات وحیواناتنی جامعدر. جنوب طرفنده سوریه وعراقله عربستانده و ایرانك بر قسمنده وهند ستانله هند چینیده هوا زیاده سیله صیجاق اولدیغی حالده، شمال وشمال شرقیده،

متوازیاً اوزانان اوچ منقطعه یه تقسیم اولنه بیلیر : برنجیسی شمال منطقه سیدر، كه آلتون طاغ سلسله سندن بحر منجمد شمالی سواحلنه قدر ممتد اولان سیبریادن عبارت اولوب، میلی غایت آز ودوز بر واسع اووه دن عبارتدر. بو قطعه اقالیم بارده دن اولمغله، هواسی زیاده سیله صوىٔوق واهالیسی آز اولوب، اكثریسی خیمه نشیندر، وچوللرده كزدیر دكلری سوریلرله چكینیرلر؛ اك شمالده كیلرده بالیقله بسلنیرلر. ایكنجی منطقه آلتون طاغیله هیمالایه سلسله لری وبو ایكی سلسله نك حذاسنجه غربه طوغری اوزان طاغلر آره سنده اولوب، غرب طرفی اورال دكیزی حوضه سندن عبارت اولان تركستان غربی، وشرق طرفی تركستان شرقی ایله مغولستان ومانچوریادن عبارتدر، كه آره لری كوه بلورله تفریق اولنمشدر. بو قطعه نك هواسی یازین غایت صیجاق وقیشین زیاده سیله صوىٔوق، وهمان هر طرفی قورو ویاغمورسز اولوب، خوارزم، بخارا، كاشغار كبی اسكیدن بری معمور بعض بلادی وارایسه ده، اكثر طرفلری كوجبه تاتار ومغول قبیله لرینه جولانكاه اولوب، اهالیسی پك آزدر. اوچنجی منطقه هیمالایه سلسله سیله بو سلسله نك حذاسی جنوبنده بولنان یرلردر، كه آسیانك اك ایی هوالی، اك محصولدار، اك جمعیتلی و اك متمدن مالكنی جامعدر. بو ممالكدن اك اكثریسنك هواسی معتدل وبعضلرینك زیاده جه صیجاقدر. تقسیمات ._ آسیا قطعه سی وسعتجه آوروپانك درت بچق، وكثرت اهالیجه ده ایكی بچق مثلی قدر بیوك اولدیغی حالده یالكز ١٧ دولته منقسمدر. آنجق دولتلرك حدود وتقسیماتی زمانله تبدل ایتدیكندن، تقسیمات جغرافیه دینلن وممالكك احوال طبعیه سیله اهالیلرینك جنسیتنه كوره تقرر ایتمش اولان دیكر بر تقسیماته دخی رعایتله، ایكیسنی برابر ذكر ایتمك اقتضا ایدر. بو تقسیمه رعایةً آسیا قطعه سی ٢۰ مملكته منقسمدر. تقسیمات طبیعیه‌‌‌‌‌‌ تقسیمات سیاسیه ١ سیبریا } (روسیه یه تابع) ٢ قامچاتقه} ٣ آمورحوضه سی (روسیه یه تابع) ١ جاپون ٢ قوره

سیبریا ایله آمور حوضه سنده برودت صوك درجه یه قدر واصل اولور؛ آسیانك وسطنده كی طاغلرله مرتفع اووه لرك هواسی غایت سرت وبعض طرفلرنده پك قورودر؛ چین، تركستان، هندك بر قسمی، افغانستان، ایرانك شمال وشرق طرفی، آناطولی وساىٔر آسیای عثمانینك شمال قسمی ایسه ممالك معتدله دن اولوب، هو الری كوزلدر. جنوب طرفلرنده اهالینك باشیلجه تعیشی پرنجدن اولوب، بغدای ومصر بغدایی یینلر دخی واردر؛ شمال طرفنده كیلر ایسه باشلیجه آرپه وطاری ایله بسلنیرلر. جنوب طرفلرنده غایر لذیز میوه لر وبعض طرفلرده یاقیجی بهارات انواعی حاصل اولور؛ شمال طرفنده ایسه اوروپانك شمالنده كی آغاجلر دخی مفقوددر. سیبریانك شمال شرقیسنده (رن) دنیلن كیمك نوعی ساىٔر كافۀ حیوانات بیتیه نك یرینی طوتار؛ بر آز دها جنوبده تاتارلر، مغوللر وایرانیلرك بر قسمی كلیتلی آتلریتشدیررلر، كه بو حیوانك كثرتی كندیلرینی خیمه نشین اولوب كزمكه مجبور ایتمش، وكندیلرینه جنكاورلك وجهانكیرلك هوسنی ویرمشدر؛ آسیانك غرب طرفنده ینه آتلریتیشدیریلیور سه ده، او قدر كثرتلی اولمیوب، دوه جنس ممالك واقوام آره سنده بر واسطۀ تجارتدر؛ جنوب طرفنده یعنی هند وهند چینیده ایسه فیل زراعت وتجارته بیوك خدمتلر ایتمكده در، ووقتیله بیوك محاربه لرده دخی فاىٔده سی كورلمشدر؛ چین قطعۀ واسعه سنك اكثر طرفلری بوحیوانلردن محروم ایسه ده، نهرلرنده طولاشان كلیتلی قایقلر واوفق كمیلر نقلیاتی تسهیل ایدیور. آسیانك مرتفع اووه لرنده شمالنده وجزیرة العربده آغاجلرك فقدانی اهالی یی سوریلرینك محصولی اولان دری ویا كچه دن‌ چركه یاپوب آلتنده یاتمغه مجبور ایتمش، وبو مسكنك خفیفلكی وقابلیت نقلی كوجبه حالنده یاشاملرینی تسهیل ایلمشدر. جنوب طرفلرنده دخی آغاخلرك كثرتی اهالی یه اخشابدن اولر یاپمق فكرینی ویرمشدر. مع هذا هندستان وهندچینیده طاشدن بعض جسیم معبدلر وسر ایلر بولنیور. آسیای غربیده ایسه اسكیدن بری ابنیه ده طاش قوللانلمقده در. اهالی، ادیان، _ آسیا قطعه سنك اهالیسی تقریباً ٨۰۰ ملیون اولدیغی حالده، بو قطعه نك هر طرفنه متساویاً تقسیم اولنمیوب، قسم كلیسی جنوب شرقی

طرفنه بریكمشدر. آسیانك ثلثانی وسعتنده اولان آسیای شمالی وسطی یعنی سیبریا، مغولستان واورال حوضه سی آنجق ٢۰ ملیون، وآسیای غربی یعنی آسیای عثمانی، عربستان، ایران، افغانستان وبلوجستان قطعه لری نهایت ٤۰ ملیون اهالی یی جامع اولدقلری حالده، نفس چینده (یعنی چین ممالكنك جنوب شرقیسنده)، جاپونیاده، هندستانده و هند چینیده ٧٥۰ ملیونه قریب اهالی بولنمقده در. آسیا اهالیسی رنك وسیماجه ایكی بیوك قسمه منقسم اولوب، نبكاله كورفزندن بحر سیاهه قدر بر خط مستقیم مفروض چكدیكمز حالده، بو خطك شمال شرقیسنده قالان یرلرك اهالیسی مغول جنسنه، وبو خطك جنوب غربیسنده قالان یرلرك سكانی ده قافقاس جنسنه منسوبدرلر. لسانجه ونسجه بو ایكی جنسك هر بری ایكی شعبه یه منقسمدر : مغول جنسنه منسوب اولانلردن شمال طرفنده بولنانلر یعنی بتون سیبریا، تركستان، مغولستان ومانچوریا اهالیسی اقوام تورانیه دن اولوب، السنۀ تورانیه ایله متكلمدرلر؛ جنوب طرفنده بولنانلر یعنی تیبت، چین و هند چینی اهالیسی ایسه السۀ بسیطه ایله متكلم اقوام ابتداىٔیه دندر. جاپونیانك شمالنده كی آطه لرده اغلب احتماله كوره بحر محیط كبیر جزایرندن كلمه (آینو) اسمنده بر قوم بولنیور، كه آسیانك ساىٔر اقوامیله هیج بر مناسبتلری یوقدر. جاپونیالیلر دخی بونلردن ایسه لرده، چینلیلرك اخلاق ومدنیتنه تابع اولمشلردر. قافقاس جنسنه منسوب اولان جنوب غربی اهالیسنك ده بر شعبه سی یعنی هند، افغانستان، بلوجستان، ایران، كردستان اهالیسی اقوام آریه دن اولوب، السنۀ آریه ایله متكلم ولسان ونسبجه اوروپا اهالیسیله متحددرلر؛ جزیرة العرب وعراق وسوریه ده كیلر ایسه اقوام سامیه دن اولوب، السنۀ سامیه دن اولان لسان عربی ایله متكلمدرلر. آناطولی قطعه سنده كی عثمانلیلر ایسه اقوام تورانیه ایله اقوام آریه نك امتزاج واختلاطندن متولد ملز بر جنس اولوب، سیماجه اقوام آر یه یه مناسبتلری زیاده ایسه ده، لسانلری السنۀ تورانیه دندر، كه بوده امم آریه دن اولان اقوام قدیمۀ محكومه نك كثرت نفوسجه، وقوم حاكم تورانینك قوت ونفوذجه غلبه چالدیغنه دلالت ایدر. آسیا قطعه سی كافۀ ادیانك محل ظهوری اولمغله،

صنعتندن عبارت ایدی. مؤخراً بو اقوامدن هند وایرانده توطن ایدنلرله اسكیدن عراق وسوریه ده بولنان امم سامیه ومصرك اهالیٔ قدیمه سی تدریجی تدریجی اولدقجه بر مدنیته ناىٔل اولمشلردی، كه بو مدنیتنك ده اك اول هندده كی آریا قومنده ظهور ایدوب، بصره كورفزی وبحر احمر طریقلریله بابلستان و مصره سرایت ایتمش اولدیغی مظنوندر. ایران قطعه سی بابلستان ایله هند آره سنده بولنمق حسبیله بو مدنیتدن بهره مند اولدیغی كبی، جزیرة العربك جنوب طرفلرندن سوریه سواحلنه كله رك، صیدا ‌وصور شهرلرنده تمكن ایتمش اولان فنیكه لیلر دخی تجارت وكمیجیلكله آسیانك مدنیتنی بحر سفیدك اكثر سواحل وجزایرینه نشر، واسكی یونان اهالیسنی ده ایقاظ ایتمشلردی. امم سامیه ایله هندلیلره نسبةً مدنیتده كری وآنجق سطوت وداراتده هپسندن ایلری اولان ایرانیلرك بتون آسیای غربی اوزرینه غلبه لری آسیا ومصر مدنیتنی منخسف ایتمكه باشلامش اولدیغی حالده، یونانده فنیكه لیلرك اكمش اولدقلری مدنیت تخمی امم آریه یه مخصوص اولان قابلیت واستعدادله برلشه رك، آسیا مدنیتلرینی فرسخ فرسخ چكمش، وبو وجهله مدنیت آسیادن اوروپایه انتقاللۀ، یونان بتون عالمك مركزی مدنیتی حكمنی آلمشیدی. ماكدونیا حكمداری اسكندرك همان بتون آسیای غربی یی ضبط ایتمش، واسكندردن صكره سلفكیلرله بطلمیوسیلرك حكمتی یونان مدنیتندن آز چوق آسیایی وعلی الخصوص مصری حصه مند ایتمك، وآسیای غربینك احوال جغرافیه سی حقنده اسكی یونانیلرك معلوماتنی توسیع ایلمكه ایلمكه سبب اولمشیدی. اووقتلرده جغرافیا كتابلرنده چیندن دخی بحث اولنمغله باشلامش ایسه ده، بو مملكت واسعه نك همان یالكز اسمی معلوم اولوب، احوالی محهول ایدی. مؤخراً رومالیلر آسیای غربینك برقسمی ضبط ایتمكله، اونلر دخی آسیا حقنده بردرجه یه قدر توسیع معلوماته خدمت ایتمشلردی. نهایت شمس منیر اسلامك طلوعی آسیا قطعه سنی یكیدن انوار مدنیتله‌ تنویره باشلایوب، هجرت نبویه دن یاریم عصر چكر چكمز، انوار اسلامیه آسیا قطعه سنك او وقته قدر معلوم اولان اقطارینی چكوب، چین وسیبریا حدودینه طیاندی؛ وبر طرفدن غزاة مسلمین وبر طرفدن دخی تجار ومسافرین براً و بحراً آسیا حقنده كی معلوماتك توسعنه خدمت ایتمكله،

یاهالیسی بر چوق دینلره منقسم ایسه ده، اك زیاده منتشر اولان اوچ دیندر : بونلرك برنجیسی دین اسلامدر، كه بتون آسیای غربی ایله هندستانك اكثر طرفلرنده و هند چینی سواحلیله چینك جنوب غربی وشمال شرقی طرفلرنده منتشر اولوب، بر كون بتون آسیانك دین مجردی اوله جغی، هر كونكی ترقیاتی دلالتیله، مأمولدر. آسیای غربیده مسلمانلرك آره سنده پك جزىٔی مقدارده خرستیان ویهودیلر بولنیور. ایكنجی دین براهما دینیدر، كه دین اسلامله قاریشیق اوله رق هندستانده بولنور. اوچنجیسی (بودا) دینیدر، كه تیبت، مغولستان، مانچوریا، چین‌ و هند چینی ایله جاپونده منتشر اولوب، آسیانك اكثر طرفلرینی قاپلامش واكثر اهالیسنی كندینه تابع ایتمشدر. سیبریانك شمالی طرفلریله هند چینینك بعض طاغلرنده دخی محللرینه مخصوص بعض ادیان غیر مشهوره واردر، كه اكثریسی حیوانات وجماداته عبادتدن عبارتدر. تاریخ _ آسیا اهالیسنك بر وجه مذكور منقسم بولندقلری درت شعبه دن شرق جنوبیده بولنانلر یعنی چینلیلرله هند چینی ‌اهالیسی اسكیدن بری آیری یاشایوب، كندیلرینه مخصوص بر مدنیتلری وار ایدیسه ده، بعدیتلری وعدم اختلاطلری حسبیله، یقین وقتلره قدر بونلرك مدنیتندن ودها اول وجودلرندن بیله كیمسه نك خبری اولمامشیدی. آسیانك شمالنده كی اقوام تورانیه دن ایسه اسكیدن بری بعض عشیرتلر خیمه لرینی قالدیروب، خر كله لرینی اوكلرینه قاته رق، آسیانك غرب جنوبی واوروپانك شرق جهتلرینی غارت ایتمك اوزره، وقت وقت هجوم ایده كلمش اولدقلرندن، بونلر (اسكیت)، (تورانی)، (ترك) و (تاتار) ناملریله اسكیدن معلوم ایسه لرده، مملكتلری معلوم اولان امم قافقاس جنسنه منسوب اولان امم آریه ایله امم سامیه وبونلرك اوطانی اولان عربستان، سوریه، آناطولی، عراق، ایران و هند ممالكی‌ ایدی. ((آریا)) ماده سنده تفصیلاً بیان ایتدیكمز اوزره، بو ممالكك شامل شرقیسندن بر طاقم اقوام پك اسكی بر زمانلرده جنوب وغربه طوغری یایلمش، واوروپایی دخی قاپلامشلر ایسه ده، او وقتلرده بونلرك وطن اصلیلرندن كیتدكلری یرلره كوتوردكلری مدنیت زراعتدن وبرده جسیم طاشلرله قبا بر نوع مسكن یاپمق

جغرافیون اسلامك آثارنده آسیایه داىٔر ویریلان معلومات معلومات یونانیه یی جامع اولان بطلمیوس جغرافیاسنك ویردیكی معلوماتدن نسبت قبول ایتمز درجه ده زیاده در. مدنیت اسلامیه ایچون بر مصیبت عظمی اولان چكیزك ظهوری وآسیانك همان كاملاً خو نخوار مغوللرك ادارۀ وحشیانه سنه چكمسی دخی مصیبتدن بیله ستفاده یه چالیشان علمای اسلامك آسیا حقنده توسیع معلومات ایتملرینه خدمت ایده رك، مغول حكمدارلری معیت وخدمتلرنده چین ومغولستانه كیدن علمای اسلام اورالرك احوالی حقنده كی معلوماتی توسیعله، جغرافیا فننه یكیدن بیوك خدمتلر ایتمشلردر. اوروپالیلر او وقت بر طرفدن اهل صلیب محاربه لریله و بر طرفدن ده اهل اسلامه قارشی اتفاقلرینی آرزو ایتدكلری مغول حكمدارلرینه كوندر دكلری هیىٔت سفارتلر معرفتیله آسیا حقنده بر طاقم مشوش وخارق عاده مصاللرله ممزوج معلومات كسب ایتمشلردیسه ده، علمای اسلامك معلومات جغرافیه سنی حاوی اولان ابن حوقل، مسعودی، ادریسی و ابو الفدا كبی اعاظم جغرافیونك آثارینی آكلایه بیله جك ویا لسانلرینه ترجمه ایده بیله جك درجه یه دها ایرمه مشلردی. نهایت (مارقوپولو) اسمنده بر ندیكلینك آسیانك اكثر طرفلرینه وتا تیبت وچینه قدر اولان سیاحتلری، ومؤخراً (واسقو ده غامه) نام پورتكیز لی قپودانك، امید برو ننی طولاشه رق، هندستان وهندچینی سواحلنی بحراً طولاشمش، ومتعاقباً پورتكیزلیلرك، سپانیوللرك، فلمنكلیلرك وانكلیزلرك بحر محیط كبیر جزایر وسواحلنده مستعمرات ایدنملریله، كرك بونلردن وكرك فرانسز وروسیه لی بر چوق سیاحلرك وسفارت هیىٔتلرینك چینك ایچنه وآسیانك هر طرفنه دخوللری، انكلتره ایله روسیه نك آسیاده كی فتوحاتی وبرطرفدن ده جغرافیا وتاریخه متعلق اولان آثار اسلامیه نك اوروپالسانلرینه ترجمه اولنمسی آسیا قطعه سی حقنده كی معلوماتی اكمال ایتمش‌وایتمكده در. محضاً آسیانك احوال جغرافیه وتاریخنه سیله آسیا اممنك السنه وادبیاتی حقنده توسیع معلومات ایتمك مقصدیله بر عصردن بری پارسده، لوندره ده، بر لینده، ویانه ده، پترسبورغده، نویورقده، كلكته ده، بمبایده، واوروپانك ساىٔر مركز معارف اولان بعض شهرلرنده مخصوص جمعیتلر تأسیس اولنمشدر؛ وبو

جمعیتلری تشكیل ایدن علما طرفندن بوقبیلدن معلوماتی حاوی موقوت رساله لر ومخصوص كتابلر نشر، وبر چوق آثار شرقیه عیناً طبع واوروپا لسانلرینه‌ ترجمه اولنمقده در. بو مساعیٔ مشكوره سایه سنده آسیاده الآن موجود اولان امم والسنه حقنده آوروپالیلرك، معلوماتی پك زیاده ایلریلمش اولدقدن بشقه، آثوریلر بابلیلر، فنیكه لیلر كبی امم منقرضه نك دخی، بعض آثار باقیه لرینه استناداً، تاریخ ولسانلری احیا اولنمشدر. ازان جمله آثور وفنیكه وزند لسانلری بسبتون اونودیلوب، غاىٔب اولمشیكن، بو مساعیٔ طاقتفرسا قوتیله میدانه كتیرلمشلردر.

Kamusul Alamde Asya maddesi, آسيا osmanlica tarih ve cografya ansiklopedisi Asya nedir anlami. hakkinda bilgi



2 9 16 23 30 37 44 51 58 65 72 79 86 93 100 107 114 121 128 135 142 149 156 163 170 177 184 191 198 205 212 219 226 233 240 247 254 261 268 275 282