Ahmed Bin Tulun - احمد بن طولون

(ابو العباس _ ) مصر ده حكومت سورمش الان بنی طولون امراسنك برنجیسیدر. خلیفۀ بغدادك خدمتنده بولنان اولاد تركدن و (طغرغر) طاىٔفه سندن اولوب، ٢٢۰ تاریخنده سامراده طوغمشدر. فوق العاده ذكی و جسور و اولدقجه تربیه كورمش بر دلیقانلی اولمغله، اتراكك رىٔیسی اولان (ماجور تركی) یه داماد اولمشیدی. خلیفه معتزك زماننده (باكباك) مصر والیسی اولنجه، قاهره ده كندیسنه نیابت ایده جك بر آدم آرایوب، صاحب ترجمه یی بو ایشه مناسب كورمشیدی. بو وجهله ٢٥٤ تاریخنده احمد بن طولون مصرده داخل اولمشدر. بر سنه صكره باكباك خلیفه مهتدی طرفندن قتل، وصاحب ترجمه نك قاىٔن پدری ماجور مصر والیلكنه نصب اولنمغله، ٢٥٧ تاریخنده ابن طولونه بتون مصرك اداره سی احاله اولنمش؛ و بو وجهله كندیسی

علوم ریاضیه و هیىٔت و نجوم وساىٔر علوم عقلیه ایله حدیث و ادبیاتده دخی ید طولی صاحبی و فصیح اللسان و نادره كو بر ذات ایدی. خلفای عباسیه دن معتضد باللهك وبعده ندیم و محرمی اولوب، آنجق علمی عقلنه غالب اولمغله، كندیسنه سویلنیلن بعض اسراری افشا ایتدیكچون، ٢٨٦ تاریخنده قتل اولنمشدر. شویله كه خلیفه قتله مستحق آدملرك بر دفترینی ایستیوب، بو دفتری تنظیمه مأمور اولان‌ آدن صاحب ترجمه نك دخی اسمنی درج ایتمكله، خلفیه فرقنده اولمقسزین قتلنه امر ویرمشیدی. تألیفاتی بروجه آتیدر : ((اختصار كتاب ایساغوجی لفر فور یوس))، ((اختصار كتاب قاطیغوریاس))، ((اختصار كتاب باریمنیاس))، ((اختصار كتاب انالوطیقاالاولی))، ((اختصار كتاب انالوطیقاالثانیة))، ((كتاب النفس))، ((كتاب الاغشاش و صناعة الحسبة الكبیر))، ((كتاب غش الصناعة و الحسبة الصغیر)) ، ((كتاب نزهة النفوس))، ((كتاب اللهو و الملاهی))، ((كتاب السیاسة الصغیر))، ((المدخل الی صناعة النجوم))، ((كتاب الموسیقی الكبیر))، ((كتاب الموسیقی الصغیر))، ((كتاب المسالك و الممالك))، ((كتاب الارثماطیقی فی الاعداد و الجبر و المقابلة))، ((المدخل الی صناعة الطلب))، ((كتاب المساىٔل))، ((فضاىٔل بغداد ج اخبارها))، ((الطبیح))، ((زادالمسافر و خدمة الملوك))، ((مقالة من كتاب ادب الملوك))، ((المدخل الی علم الموسیقی))، ((كتاب الجلساء و المجالسة))، ((رسالة فی جواب ثابت بن قره))، ((مقالة فی البهق و النمش و الكلف))، ((رسالة فی السالكین و طراىٔف اعتقادهم))، ((كتاب منفعة الجبال)) ، ((رسالة فی وصف مذاهب الصابىٔین)) ، ((كتاب فی ان المبدعات فی حال الابداع لا متحركة ولا ساكنة))، ((كتاب فی ماهیة النوم و الرؤیا))، ((كتاب فی العقل))، ((كتاب فی و حدانیة الله تعالی))، ((كتاب فی و صایا فوثا غوراس))، ((كتاب فی الفاظ سقراط))، ((كتاب فی العشق))، ((كتاب فی برد ایام العجوز))، ((كتاب فی كون الضباب)) ، ((كتاب فی الفأل))، ((كتاب فی الشطرنج العالیة))، ((كتاب فی ادب النفس الی المعتضد))، ((كتاب فی الفرق بین نحوالعرب و المنطق))، ((كمتاب الاستیفاء))، ((كتاب فی احداث الجو))، ((كتاب الرد علی جالینوس فی المحل الاول))، ((رسالة الی ابن ثوابة))، ((رسالة فی الحضایات المسوده للشعر و غیر ذلك))، ((كتاب فی ان الجزٔ ینقسم الی مالانهایة له )) ، ((كتاب فی اخلاق

كیندكجه كسب نفوذ وقوت ایتمكله باشلایه رق، قاهره نك خارجنده الیوم موجود اولان بر بیوك جامع ایله بر مزین سرای و بر مكمل خسته حانه بنا ایتمشدر. بعده شامه سوق عسكر ایده رك، دمشق، حمص، انطاكیه وساىٔر جهاتی قبضۀ اداره سنه آلمش؛ و ٢٦١ ده عصیان ایتمش اولان بر قه اهالیسنی كوله سی (لؤلؤ) معرفتیله اطاعته اعاده ایتمشدر. ٢٦٢ تاریخنده كندیسیله خلیفه موفق آره سنده منافرت ظهور ایدوب، خلفیه كندیسنی عزل ایتمك ایستمش ایسه ده، ابن طولون كافۀ امرایی هدایا ایله كندینه طرفدار و منتدار ایتمش اولدیغندن، بونلردن هیچ كیمسه یرینی قبول ایتمه مش؛ و خلیفه موسی بن بغایی كلیتلی بر عسكرله صاحب ترجمه یه قارشی كوندرمش ایسه ده، اوده رقه یه قدر كیدوب، ایلری یه وارمغه جسارت ایده مه مشیدی. بونك اوزرینه ابن طولون استحكامات و تداركات حربیه سنه قوت ویرمشیدی. بو صره ده قاىٔن پدری ماجور دخی وفات ایدوب، اوغلی شام طرفلرنده كندیسنه خلف اولمش اولمغله، ابن طولون ٢٦٥ تاریجنده اورالرینی دخی قاىٔن برادرینك رضاسیله كندی اداره سنه آلمش؛ و عسكرینی ایكیوز بیكه ابلاغ ایده رك، عادتا مستقل بر دولت تشكیل ایتمشدر. ٢٦٩ تاریخنده حمص و حلبده و الی بولنان كوله سی لؤلؤ خلیفۀ بغدادله بالخابره كندیسنه عصیان ایتمكله، ابن طولون عسكر سوق ایده رك، غاىٔله یی بر طرف ایتمش، و مكه ده دخی كندی عسكریله خلیفه نك عسكری آره سنده واقع اولان بر محاربه ده غالبیتی قزانمش اولمغله، تحت اداره سنده اولان ممالكدن خلیفۀ عباسی نامنه خطبه یی رفع ایتمش؛ و بری طرفدن خلیفه منابرده ابن طولونه لعنت اوقونمسنی امر ایتمش ایدی. ٢٧۰ تاریخنده احمد بن طولون طرسوس واذنه (آطنه) و مصیص (سیس) طرفلرینی تحت اطاعت و انضباطه آلمغه كیدوب، اوراده خسته لنمغله، مصرده عودتنده سنۀ مذكوره ده وفات ایتمشدر. وفاتنده ٥۰ یاشنده اولوب، ٢٦ سنه حكومت سورمشدر. محب علما اولوب، فقرایه احسانلری و خیرات و مبراته همتی چوق ایدیسه ده، خونریزلكی دخی اونسبتده اولوب، امریله قتل اولنانلرله محبسنده وفات ایدنلرك عددی اون سكز بیكه بالغ اولدیغی مرویدر.