Ebu Yusuf ~ ابو يوسف
Kamus-ul'Alam - Ebu Yusuf ~ ابو يوسف maddesi. Sayfa: 769 - Sira: 5
Ebu Yusuf - ابو يوسف
(یعقوب بن ابراهیم انصاری) امام اعظم ابو حنیفه نك اصحاب و تلامذه سندن واىٔمۀ دیندن اولوب، فقهاء حنفیه نك اعظمیدر. ابو حنیفه نك مذهبی اوزرینه اك اول كتاب یازان و امام مشارالیهك اقوال و اجتهاداتنی ضبط ایدوب عالمه طانیتدیران ابو یوسفدر. ١١٣ تاریخنده كوفه ده طوغوب، پدری كندیسنی پك كوچك براقمش، و والده سی فقیره اولدیغندن، بر صنعته سوق ایتمش ایكن، ابو یوسف خفیاً حضرت امام اعظمك حلقۀ تدریسنه كیدردی؛ و ابو حنیفه بونك استعداد و ذكاتنی كوردیكیچون، والده سی اعانه ایده رك، اوغلنك تحصیلنه ممانعتدن منع ایدردی. حضرت امامك ارتحالندن صكره، صاحب ترجمه نك شهرتی عالمكیر اولمغله، خلفای عباسیه طرفندن جلب ایله، برنجی اوله رق، قاضی القضاة منصبنه نصب اولنمش؛ و مهدی و هادی ورشیدك زمان خلافتلرنده متمادیاً ١٨ سنه بو منصبده قالدقدن صكره، ١٨٢ تاریخنده وفات ایتمشدر. حدیثده دخی ید طول صاحبی اولوب، اعمش و همام بن عروه وساىٔره دن روایت ایتمشدر؛ و كندیسندن دخی جملۀ تلامذه سندن اولان امام احمد
بن حنبل و یحیی بن معین وساىٔرلری روایت ایتمشلردر. ((آداب القاضی)) عنوانلی كتاب مشهورك ابو یوسفك جملۀ مؤلفاتندن اولدیغی مرویدر. و فرت ذكا و وسعت قریحه سیله احكام شرعیه نك تمشیتنده التزام ایتدیكی طریق احكام شرعیه نك تمشیتنده التزام ایتدیكی طریق صدق و حقانیتی حقنده پك چوق روایات و نوادر منقولدر. _ [دیكر ابو یوسف ماده لریچون ((یعقوب)) ماده لرینه مراجعت بیوریله.]
Kamusul Alam, Şemseddin Sami; Kamusul Alamde Ebu Yusuf maddesi. osmanlıcada Ebu Yusuf ne demek, Ebu Yusuf anlamı manası, Ebu Yusuf osmanlıca nasıl yazılır. Osmanlıca sözlükte Ebu Yusuf hakkında bilgi. Arapça Ebu Yusuf ne demek. Arapça osmanlıca sözlük. Farsçada Ebu Yusuf anlamı
Kamusul Alamde - ابو يوسف Ebu Yusuf maddesi. Şemseddin Sami, Kamusul Alam Ansiklopedisi