Ebu Hüreyre ~ ابو هریره
Kamus-ul'Alam - Ebu Hüreyre ~ ابو هریره maddesi. Sayfa: 767 - Sira: 12
Ebu Hüreyre - ابو هریره
(عبدالرحمن بن صخر ازدی) صحابۀ كرامدن اولوب، غزای خیبر سنه سی اسلامه كلمش، و غزای مذكورده حاضر بولنمشدر. جاهلیتده اسمی (عبدقیس) ایدی. ابو هریده كنیه سی، كدیلری چوق سودیكندن، و بر كون اتكنده بر كدی یاوروسی كورلدیكندن، حضرت فخر كاىٔنات (صلعم) افندمز طرفندن قونلمش؛ و كندیسی بوكنیه یی مقام افتخارده قبول ایتدیكندن، كنیه سیله شهرت
بولوب، اسم اصلیسی او قدر متروك قالمشیدی، كه حقنده اوختلاف واقع اولمشدر. اصحابك اك فقیری اولوب، هیج بر تجارت و مال و ثروت و مشغولیتی اولمدیغندن، رسول الله (صلعم) افندمزدن آیرلماز، و اكثیا نزد نبویلرنده بولنور ایدی. بو سببه مبنی وقوۀ حافظه سی بر كمال اولدیغندن، پك چوق احادیث شریفه نقل وروایت ایتمشدر. صحابه و تابعیندن اوله رق كندیسندن روایت احادیث شریفه ایدنلرك ٨۰۰ دن زیاده اولدیغنی بخاری بیان ایدیور. حضرت عمر بن خطاب (رضه) طرفندن بحرین والیلكنه نصب اولنمشیدی. حضرت عثمان زماننده مكۀ مكرمه قاضیسی اولمشیدی. مؤخراً معاویه طرفندن دخی بر آره لق مدینۀ منوره والیلكنه نصب اولنمش ایدی. ٥٧ و بر روایته كوره ٥٩ تاریخنده، ٧٨ یاشنده اولدیغی حالده، مدینۀ وفات ایتمشدر.
Kamusul Alam, Şemseddin Sami; Kamusul Alamde Ebu Hüreyre maddesi. osmanlıcada Ebu Hüreyre ne demek, Ebu Hüreyre anlamı manası, Ebu Hüreyre osmanlıca nasıl yazılır. Osmanlıca sözlükte Ebu Hüreyre hakkında bilgi. Arapça Ebu Hüreyre ne demek. Arapça osmanlıca sözlük. Farsçada Ebu Hüreyre anlamı
Kamusul Alamde - ابو هریره Ebu Hüreyre maddesi. Şemseddin Sami, Kamusul Alam Ansiklopedisi
Ebu Hüreyre ~ ابو هریره güncel sözlüklerde anlamı:
ebu hüreyre ::: peygamberimize bütün gücüyle hizmette bulunmuş ve i'la-yı kelimetullah yolunda peygamber ile bütün muharebelere iştirak etmiş , 5374 aded hadis-i şerif nakletmiştir , hicri 75 yılında , medine-i münevvere'de , 78 yaşında iken dar-ı bekaya irtihal etmiştir