Ebul As ~ ابو العاص
Kamus-ul'Alam - Ebul As ~ ابو العاص maddesi. Sayfa: 732 - Sira: 6
Ebul As - ابو العاص
(لقیط یاخود مهشم بن ریبع بن عبد العزی عبد شمس بن عبد مناف قرشی) فخر كاىٔنات افندمزك قیزی زینبك زوجیدر. والده سی هند بنت خویلد اولوب، حضرت خدیجة الكبرانك همشیره سی ایدی. وحیدن اول والده سی حضرت پیغمبردن زینبك اوغلنه تزویجنی آرزو ایتمش اولمغله، طرف رسالتپناهیدن موافقت اولنه رق، تزوجلری اجرا اولنمشیدی. اظهار دعوت اولندقده،
حضرت زینب ایمانه كلمش، وقوجه سی كفرده قالمش ایسه ده، مكه ده ایكن فخرالمرسلین افندمز قیزینی تفریقه مقتدر اوله میوب، هجرتدن صكره بدر غزاسنده صاحب ترجمه اسیر دوشمش؛ وقریشیلرك اسرایی تخلیص ایچون كوندردكلری فدیه لرك آره سنده حضرت زینبك والده سی حضرت خدیجه دن مقبول بر كردانلغی چیقمشیدی. حضرت نبی محرتم قیزینك فدیه سنی اعاده ایله برابر، ابو العاصی دخی كوندرمش؛ و آنجق كندیسندن زوجه سنی مدینه یه كوندرمك و عدینی آلمشلردی. متعاقباً حضرت زینب مدینه یه كیتمش؛ و ابو العاصى بعده بر سریه طرفندن غنیمت اولنمش اولان بعض اموال تجاریه و امانتلرینی قورتارمق ایچون، مدینه یه كیدوب، مساعدۀ پیغمبری ایله مقصدی حاصل اولدقدن صكره، مكه یه عودتله، امانتلری صاحبلرینه تسلیم ایتمش؛ و علناً اسلامه كلوب، هجرت نبویه نك ٧ نجی سنه سنده نزد رسالتپناهی یه دومه رك، صحابه عدادینه داخل اولمش؛ و زینب كندیسنه تسلیم اولنمشدر. عدادینه داخل اولمش؛ و زینب كندیسنه تسلیم اولنمشدر. هجرتك ١٢ سنه سی ذی الحجه سنده وفات ایتمشدر. بونك قیزی امامه بنت زینبی حضرت علی تزوج ایتمشدر.
Kamusul Alam, Şemseddin Sami; Kamusul Alamde Ebul As maddesi. osmanlıcada Ebul As ne demek, Ebul As anlamı manası, Ebul As osmanlıca nasıl yazılır. Osmanlıca sözlükte Ebul As hakkında bilgi. Arapça Ebul As ne demek. Arapça osmanlıca sözlük. Farsçada Ebul As anlamı
Kamusul Alamde - ابو العاص Ebul As maddesi. Şemseddin Sami, Kamusul Alam Ansiklopedisi