Ebu Hammu ~ ابو حمو
Kamus-ul'Alam - Ebu Hammu ~ ابو حمو maddesi. Sayfa: 711 - Sira: 4
Ebu Hammu - ابو حمو
(موسی بن یوسف بن عبد الرحمن بن یغمراسن بن زیان) بو ذات بنی مریندن ابو عنان طرفندن ضبط و امحا ایدلمش اولان بنی یغمراسن بن زیان دولتنی تجدید ایتمشدر. ابو عنانك غلبه سی اثناسنده ابو ثابت یغمراسنی ایله برابر تونسه فرار ایدوب، بعده ٧٥٩ تاریخنده قومندن بر طاقم آدملرله تلمسانه عودت ایله، ملك موروثنی ضبط ایتمش ایسه ده، متعاقباً ابو عنانك كوندردیكی عسكره مقاومت ایده میوب، صحرابه طوغری قاچمش، و صكره ینه رجوع، و بر قاچ دفعه مغربه طوغری بنی مرین الكاسنه دخول ایله، نهب و غارت ایتمش؛ و نهایت تلمسانی قورتاروب، حكومت سورمكه باشلادقدن صكره، بیوك اوغلی سالف الترجمه ابو تاشفین و عمزاده سی ابو زیان ایله اوغراشمغه باشلایه رق، بر ایكی دفعه مغلوب، و تلمسانی تركه مجبور اولمش؛ و حتی بر آره لق بر قلعه ده قپانمش؛ و نهایت بر كونی و قوعاتسز چكمین ٣۰ سنه لك دغدغه لی بر حكومتدن صكره، ٧٩١ تاریخنده اوغلیله محاربه ایتمكده ایكن، آتندن دو-
شوب، عسكرك بری طرفندن قتل اولنمشدر. ولاذتی ٧٢٣ تاریخنده در. یكیدن تأسیس ایتدیكی بنی زیان دولتی ٨٦٦ تاریخنه دك باقی قالمشدر. ابو حمو عادل و ادیب و محب علما بر حكمدار اولوب، او قدر و قوعاتك آره سنده مدرسه لر وساىٔر ابنیۀ خیریه تأسیسنه و مدرسه ده طلبه صنفنه كیروب، استماع درسه و كتاب یازوب شعر سویلمكه و دها نیجه خیرات اعمارینه وقت بولمشیدی. اوغلی ابو تاشفین ایچون سیاست و ادارۀ ملك حقنده (قلاىٔد الدرر)) عنوانیله بر كتاب یازمشدر. پدرینك نامنه حرمةً ((مدرسۀ یعقوبیه)) نامیله بیوك و مكمل بر مدرسه بن ایتمشیدی.
Kamusul Alam, Şemseddin Sami; Kamusul Alamde Ebu Hammu maddesi. osmanlıcada Ebu Hammu ne demek, Ebu Hammu anlamı manası, Ebu Hammu osmanlıca nasıl yazılır. Osmanlıca sözlükte Ebu Hammu hakkında bilgi. Arapça Ebu Hammu ne demek. Arapça osmanlıca sözlük. Farsçada Ebu Hammu anlamı
Kamusul Alamde - ابو حمو Ebu Hammu maddesi. Şemseddin Sami, Kamusul Alam Ansiklopedisi