Ebul Berekat İbni Enbari - ابو البركات ابن انباری

(كمال الدین عبدالرحمن بن محمد) اىٔمۀ تحاتدن و فقهاء شافعیه دن اولوب، ٥١٣ تاریخنده طوغمش؛ و بغدادده نشأت ایدوب، ادبیاتده تمیز ایتدكدن صكره، مدرسۀ نظامیه ده علم نحو تدریسیله مشغول اولمش؛ و طلبه سی میاننده مشاهیر علمادن معدود بر قاچ ذات یتیشدیرمشدر. ((اسرار العریة))، ((المیزان)) و ((نزهة الالباء فی طبقات الادباء)) عنوالریله اوچ كتابی وساىٔر بعض تألیفاتی واردر. ((طبقات الادبا)) سی ١٢٩٤ تاریحنده مصرده طاش باصمه سیله طبع اولنمشدر. ٥٧٧ تاریخنده بغدادده وفات ایدوب،ابو اسحاق شیرازینك تریه سنده دفن اولنمشدر.