Ebul Esved Düili - ابو الاسود دئلی

(ظالم بن عمر) و جوه تابعیندن و مشاهیر فقها و محدثیندن ادیب و شاعر بر ذات ایدی. حضرت عمر فاروقدن و حضرت علی بن ابی طالبدن بر چوق احادیث شریفه نقل وروایت ایتمشدر. لسان عربیده علم نحوو اك اول وضع ایدن بوذتدر. روایته كوره كندی قیزندن قاعدۀ اعرابه مغایر بر كلام ایشیتدیكنده، لسان عربینك اختلاطدن طولایی بوزلمغه یوز طوتدیغنی مقام شكایتده حضرت علی یه عرض ایتمكله، جناب مرتضی، نحوك ركن و اساسی اولمق اوزره، كندیسنه بر ایكی قاعدۀ كلیه كوسترمش؛ و كندیسی بو قاعدۀ كلیه لری تفصیل و ایضاح ایده رك، مختصر بر نحو میدانه قویمشیدی. هر حالده بو علمی كیمدن اوكرندیكی صورلدقده حضرت علیدن اخذ و تعلم ایتدیكنی بیان ایدیورمش. دیكر بر روایته كوره، لسان عربك بوزلمقدن و قایه سیچون بر قاعده وضع ایتمك اوزره، زیاددن مساعده ایستدیكی حالده، زیاده مساعده ایتمه مش؛ و آنجق بر مدت صكره زیاد

كندیسی دخی قاعده یه مغایر بر سوز ایشیتمكله، ابو الاسودی چاغروب، قاعده و ضعنه مساعده ایتمشدر. قرآن كریمه نقاط وضع ایدن دخی صاحب ترجمه اولوب، ینه زیادك امریله بو ایشه تشبث ایتمش اولدیغی مرویدر. هر حالده لسان عربینك قواعدینك ضبطنه اك اول غیرت ایدن بو ذات اولمغله، ادبانك پیری عد اولنسه سزادر. تاریخنده طاعونن وفات ایتمشدر. ظریف و نكته كو بر ذات اولمغله، اخبار و نوادری و اشعار راىٔقه سی دخی چوقدر. شو قطعۀ مشهوره جملۀ اشعارندندر : وما طلب المعیشة بالتمنی و لكن الق دلوك فی الدلاء تجیىٔك بملىٔها یوماً ویوما تجیىٔك بحماء ة و قلیل ماء