İbni l Kusab - ابن القصاب

(ابو عبدالله مؤید الدین محمد بن علی) دولت عباسیه وزراسندن اولوب، خلیفه ناصرلدین اللهك زماننده خوارزمشاه سلجوقی نزدینه سفارتله همدانه كوندریله رك، كندیسنه خلیفه نك بر والیسی معامله سنی ایتمك ایستدیكندن، بینلرنده منازعه وقوع بولدقدن صكره، ناصرك توجه وامنیتنی قزانه رق، خوراسان وساىٔر ایران طرفلرینه كوندرلمكله، اورالرك احوالنی او كرندكدن، و معتبران‌ اهالی بیننده احباب و طرفكیرلر پیدا ایتدكدن صكره، بغداده عودتله، خلیفه یی او یرلری طوغریدن طوغری یه كندی اداره سی آلتنه آلمغه اطماع ایتدیكندن، بو ایشه كندیسی مأمور اولوب، مدت مدیدە خوارزمشاهله وساىٔر طواىٔف ملوكله محاربه ایده رك، بر چوق یرلری خلیفه نك داىٔرۀ حكم واداره سنه آلدقدن صكره، ٥٩٢ تاریخنده همدانده وفات ایتمش؛ و اون بش كون صكره

خوارزمشاه همدانی ضبط ایدنجه، صاحب ترجمه یی مزارندن بالاخراج، باشنی قطع ایله، محاربه ده اولدیرمش كبی خوارزمه كوندرمشدی.