İbni L Kırıye - ابن القريه

(ابو سلیمان ایوب بن زید) امی اولدیغی حالده فوق العاده فصاحت و بلاغتله شهرت بولمش بر آدمدر. حتی كتب ادبیه ده محفوظ ومستور اولان سوزلریله نحویون طرفندن استسهاد اولنمشدر. روایته كوره حجاج یوسف (عین تمر) و الیسنه الفاظ غریبه ایله و فوق

العاده بر بلاغتله یازلمش بر مكتوب كوندروب، و الی بونك مألنی آكلامدیغندن، صاحب ترجمه یه و قومش، و ابن القریه مكتوبك معناسنی ویردكدن صكره، ینه او اسلوبده و دها بلیغ اوله رق بر جواب یازدیرمش؛ و حجاج بو جوابی كورنجه، فوق العاده بكنمكله، یازدیران ابن اقمریه اولدیغنی اوكرنه رك، كندیسنی یاننه جلب، و بعده عبدالملك بن مروانه تقدیم و توصیه ایتمشیدی. مؤخراً عبدالرحمن بن قیس كندی سجستانده عصیان ایتدیكی وقت، حجاج صاحب ترجمه یی الچیلكله مرقومك یاننه كوندردیكی حالده، عبدالرحمن بونی جبراً یاننه آلیقومش؛ و كندیسی بو زلدیغنده، ابن القریه طوتیلوب، حجاجك حضورینه كوتورلمش؛ و هر نه قدر مقام اعتذارده بر چوق خطبه لر و بلیغ سوزلر ایراد ایتمش ایسه ده، فاىٔده ایتمیوب، حجاجك امریله بیونی اوریله رق، ٨٤ تاریخنده وفات ایتمشدر. كاتب اصفهانی بونك، لیلی و محبنون و ابن عقب كبی، و جودی اولمیوب، موهوم بر شخصدن عبارت اولدیغنی التزام ایدیور.