İbrahim Bin Merzeban - ابراهیم بن مرزبان

دردنجی عصر هجری اواىٔلنده اذبربایجان امیری بولنمش اولان دیلم امراسندن سالار مرربانك اوغلی اولوب، پدرینك وفاتنده برادرلری ناصر و جستان ایله منازعه یه كیریشدكلرندن، عمیجه لری و هسودان بونلرك تفرقه لرندن بالاستفاده،

آذربایجانی اله كچیرمش؛ و صاحب ترجمه ابراهیمی یاننه جلبله عزت و اكرامله طوتدیغی حالده، برادرلرندن ناصری دخی برادری جستانه قارشی اغوا ایده رك، بینلرنده اتفاقك اوكنی آلمق ایستمش ایسه ده، مومی الیهما بونك حیله سنی آكلایه رق، بینلرنده صلح ایدنجه، مرقوم و هسودان بر طاقم و عدلرله كندیلرینی والده لریله برابر یانلرینه جلب ایده رك، بعده حبسه قومش؛ و ابراهیم برادرلرینه اولنان معامله یی كورنجه، عمیجه سنك یانندن قاچوب، باشنه طوپلادیغی بر طاقم عونه ایله عصیان ایتمش ایسه ده، مغلوب اولوب، ٣٤٩ تاریخ هجریسنده ارمنستانه قاچمشیدی. بقیۀ احوالی مجهولدر.