İbrahim Bin Sıraf - ابراهیم بن صراف

طقوزنجی عصر هجری مشایخ كرامندن و اولیاء اللهدن بر ذاتدر. سیواسده تولد ایدوب، قونیه ده مولانا صاری یعقوبدن تحصیل علم ایتمش؛ و خواجه سنك وفاتندن صكره، قیصریه ده خواند خاتون مدرسه سنده تدریس علومله مشغول اولمشدر. شافعی المذهب ایدی. ((كذار)) عنوانیله تركر العباره بر كتابی دخی واردر. بعده مدرسك حنفی المذهب اولمسی مدرسۀ مذكوره نك وقفی شراىٔطندن اولدیغی آكلاشلمغله، مدرسه یی ترك ایدوب، بر كوشه یه چكلمش؛ وبو عزلتی اثاسنده كندینده غریب بر حال ظهور ایتمش، كه قرآن كریم قراىٔتنی ویا بر كوزل سس ایشیتسه، آغلار و دوشوب باییلیرمش، الحاصل قلبنده بر عشق و شوق حس ایتمكله، برای استرشاد اردبیله عزیمت نیتنده ایكن، آق شمس الدین حضرتلرینك صیتنی ایشیده رك، بك بازارینه وارمش؛ و حضرت شیخك طبابتدن دخی بهره سی اولمغله، امراض بدنیه لرینك تشفیه سیچون بر چوق خلق طوپلانه رق، هر بری دردینی آكلاتمقده اولدیغی كوروب، كندیسنه صره كلنجه، بنم كو كلم خسته در دیمش؛ وبو وجهله آق شمس الدین حضرتلرینه انتسابله، سلك طریقته

سلوك ایده رك، بر مدت خلوتدن صكره، اذن آله رق، قیصریه یه عودتله، ارباب ارادتی ارشادله مشغول اولمش؛ و ٨٨٧ سنه سنده ارتحال ایتمشدر. تربه سی قیصریه ده زیارتكاه انامدر. تنورله مجاهده یی بو ذات ایجاد ایتمشدر. بناءً علیه (ابراهیم تنوری) اسمیله دخی معروقدر.