Amyot ~ آميوت
Kamus-ul'Alam - Amyot ~ آميوت maddesi. Sayfa: 385 - Sira: 12
Amyot - آميوت
فرانسه اون آلتنجی عصر میلادی مشاهیر علماسندن اولوب، ١٥١٣ تاریخنده (ملون) ده فقیر ابویندن تولد، و ١٥٩٣ ده پارسده وفات ایتمشدر. بعض زنكین شاكردانه خدمت ایده رك پارسك (ناواره) مكتبنده تحصیل علوم ایتدكدن صكره، اون سنه قدر (لورژه) دارلفنوننده لسان یونانی معلملكی ایتمش؛
و بعض آثار قدیمۀ یونانیه ترجمه سنه مباشرت ایدوب، علی الخصوص مشهور پلوتارقك تألیفاتنی ترجمه ایتمكله كسب اشتهار ایتمشیدی. مؤخراً قرال ایكنجی هنرینك اوغللرینی تربیه یه مأمور اولوب، شاكردلری اولان طقوزنجی شارل ایله اوچنجی هنری تخته چیقدقلرنده، كندیسنه پك چوق انعام واحسان ایده رك، پسقپوسلق رتبه سنه قدر چیقارمشلردی. سیچلیالو دیودورك دخی تاریخنی ترجمه ایتمشدر. آثاری دفعاتله طبع اولنه رق، او عصرك فرانسزجه سنه بر نمونه حكمنده در. وطنی اولان (ملون) شهرنده ١٨٦۰ تاریخنده بر هیكلی اعمال وركز اولنمشدر.
Kamusul Alam, Şemseddin Sami; Kamusul Alamde Amyot maddesi. osmanlıcada Amyot ne demek, Amyot anlamı manası, Amyot osmanlıca nasıl yazılır. Osmanlıca sözlükte Amyot hakkında bilgi. Arapça Amyot ne demek. Arapça osmanlıca sözlük. Farsçada Amyot anlamı
Kamusul Alamde - آميوت Amyot maddesi. Şemseddin Sami, Kamusul Alam Ansiklopedisi