Amiens ~ آميان
Kamus-ul'Alam - Amiens ~ آميان maddesi. Sayfa: 384 - Sira: 6
Amiens - آميان
فرانسه نك شمالنده (سومه) ایالتنك مركزی اولان بیوك و معمور بر شهردر، كه پارسك دمیر یول طریقیله ١٣٣ كیلومتره شمالنده و (سومه) نهری اوزرنده واقعدر. نهر مذكور بو شهرده (آوره) و (سله) چایلرینی اخذ ایتدكدن ماعدا اون بر جدوله دخی تقسیم اولندیغندن، شهری بر چوق آطه لره تقسیم ایدیور. آمیان شهری ً٤٣ َ٥٣ ْ٤٩۰ عرض شمالی ایله ً٤ َ٢ ْ۰ طول غربیده واقع اولوب، ٨۰٢٨٨ اهالیسی، استحكاماتی، ١٥۰۰۰ جلدی حاوی بر كتبخانه یه مالك بر مناستری، مكتب اعدادیسی، موزه خانه سی، بیوك بر كتبخانۀ عمومیسی، بر چوق جمعیات علمیه وصناعیه سیله بعض اعانه جمعیتلری، یوك و ایپك اقمشۀ مختلفه فابریقه لریله ایپلیكخانه لری وساىٔر فابریقه لری واردر. اك كوزل ابنیه سی بر بیوك كلیساسیله بلدیه داىٔره سی و حبوبات بازاریدر. كوزل بر تفرجكاهی دخی واردر. خرستیانلری اهل اسلامه قارشی تشویقله اهل صلیب محاربه لرینی اویاندیران مشهور (پیرارمیت) بو شهردن اولمغله، شهرك ایچنده بر بیوك هیكلی ركز اولنمشدر. _ آمیان قضاسی ١٣ ناحیه دن مركب اولوب، ١٨٤۰ مربع كیلومتره مساحه سی و ٧٤٦ ١٨٩ اهالیسی واردر.
Kamusul Alam, Şemseddin Sami; Kamusul Alamde Amiens maddesi. osmanlıcada Amiens ne demek, Amiens anlamı manası, Amiens osmanlıca nasıl yazılır. Osmanlıca sözlükte Amiens hakkında bilgi. Arapça Amiens ne demek. Arapça osmanlıca sözlük. Farsçada Amiens anlamı
Kamusul Alamde - آميان Amiens maddesi. Şemseddin Sami, Kamusul Alam Ansiklopedisi