Amroise ~ آمبروسيوس
Kamus-ul'Alam - Amroise ~ آمبروسيوس maddesi. Sayfa: 362 - Sira: 8
Amroise - آمبروسيوس
سنت _ قتولیكلرك اك اسكی رؤسای روحانیه سندن اولوب، میلادك ٣٤۰ تاریخلرنده طوغمشدر. كندیسی (غالیا) و الیسنك اوغلی اولوب، (لیغوریا) قاىٔممقامی اولدیغی حالده، حسن اخلاق وحقانیتی جهتیله میلان اهالیسی طرفندن پسقپوس انتخاب اولنمشیدی. امور مذهبیه ده خیلی شدت كوستره رك، ایمپراطور تىٔودوسیوسی، سلانیكده ایقاع ایتمش اولدیغی قتل عامدن طولایی، كلیسادن طرد ایتمش، ومدت مدیده توبه واستغفار ایتمدكجه قبول ایتمه مشیدی. بر چوق كتابلر یازوب، اك مشهورلری رؤسای روحانیه نك وظاىٔفنه داىٔر اولان تألیفیدر. عبادات نصرانیه سه كندینه مخصوص بر اصول اتخاذ ایتمشیدی، كه الآن میلانده باقیدر. یورطیسی كانون اول افرنجینك ٧ سنده اجرا اولنور. _ آمبروسیوس كتبخانه سی مانیله میلانده پك واسع و مكمل بر كتبخانه واردر، كه میلادك اون یدنجی عصرنده قاردینال فردریق بورومیا طرفندن تأسیس اولنوب، میلان شهرینك حامیٔ روحانیسی عد اولنان (سنت آمبروسیوس) ك نامنه نسبتله بو اسمله تسمیه اولنمشدر.
Kamusul Alam, Şemseddin Sami; Kamusul Alamde Amroise maddesi. osmanlıcada Amroise ne demek, Amroise anlamı manası, Amroise osmanlıca nasıl yazılır. Osmanlıca sözlükte Amroise hakkında bilgi. Arapça Amroise ne demek. Arapça osmanlıca sözlük. Farsçada Amroise anlamı
Kamusul Alamde - آمبروسيوس Amroise maddesi. Şemseddin Sami, Kamusul Alam Ansiklopedisi