Ambala ~ آمبالا
Kamus-ul'Alam - Ambala ~ آمبالا maddesi. Sayfa: 361 - Sira: 10
Ambala - آمبالا
هندستانك شمال غربیسنده پنجاب قطعه سنده ایالت مركزی بر شهردر، كه هیمالایه طاغنك اتكنده ودهلی شهرینك دمیر یول طریقیله ٢٧٢ كیلومتره شمالنده، ْ٣۰ ً٢٥ َ٢١ عرض شمالی ایله ً٣٩ َ٢٨ ْ٧٤ طول شرقیده واقع اولوب، ۰۰۰ ٤۰ اهالیسی واردر. _ آمبالا ایالتی پنجاب اداره سنه ملحق اولوب، آمبالا، سیملا ولودیانه قضالریله انكلتره نك حمایه سی آلتنده بولنان (ساتلج) حكومات صغیره سنی حاویدر. طوغریدن طوغری یه انكلتره نك اداره سنده بولنان مذكور اوچ قضانك مساحۀ سطحیه سی ١۰٣٦۰ مربع كیلومتره اولوب، ٦٣۰ ٦٥٢ ١ اهالیسی واردر. اهالیسی (جات) جنسنه منسوب اولوب، عموماً اهل اسلامدر. ایالتك غرب جهتی آلچق وقوملق ایسه ده، شرق جهتی هیمالایه طاغلرینك اتكلرنده اولوب، پك منبتدر.
Kamusul Alam, Şemseddin Sami; Kamusul Alamde Ambala maddesi. osmanlıcada Ambala ne demek, Ambala anlamı manası, Ambala osmanlıca nasıl yazılır. Osmanlıca sözlükte Ambala hakkında bilgi. Arapça Ambala ne demek. Arapça osmanlıca sözlük. Farsçada Ambala anlamı
Kamusul Alamde - آمبالا Ambala maddesi. Şemseddin Sami, Kamusul Alam Ansiklopedisi