Basses Alpes - آلپ آشاغی

آشاغی _ فرانسه نك جنوب شرقی جهتنده كی ایالاتندن بر ایالت اولوب، شرقاً ((ساحلی آلب)) سلسله سیله ایتالیادن، وبو سلسله نك بر شعبه سیله ((ساحل آلپ)) ایالتندن آیرلمشدر؛ جنوباً (وار)، غرباً (ووقلوز)، شمالاً دخی (درومه) و ((یوقاری آلپ)) ایالتلریله محدود ومحاطدر. جنوب غربیدن شمال شرقی یه اولان طول ومحاطدر. جنوب غربیدن شمال شرقی یه اولان طول اعظمی ١٧٥ كیلومتره اولوب، عرض اعظمی ایسه بونك نصفی راده لرنده در. مساحۀ سطحیه سی ٦٩٥٤ مربع كیلومتره اولوب، ٤٩٤ ١٣٩ اهالیسی واردر، كه بهر مربع كیلومتره باشنه ١٨ كشی دوشیور. ایالتك حدود شرقیه سنده آلب سلسله سی صرتندن بر چوق شعبه لر آیریلوب، غربه طوغری ایالتك اوبر اوجنه ممتد اولمغله، بو شعبه لرك بعضیسی ٣۰۰۰ متره دن زیاده یوكسك وصرب اولدیغندن، عمومیت اوزره ایالتك اراضیسی طاغلق اولوب، بو طاغلرك

رآره سنده طار ودرین ور طاقم وادیلر بولنیور. بو طاغلرك اكثریسی طاشلق وچبلاق اولوب، یوكسك محللری دخی قارله مستور بولندیغندن، قارلر اریدیكی ویاغمور یاغدیغی وقت پك خیزلی ودهشتلی سیللر آقار؛ و الحاصل اكثر محللری پك ده قابل سكنی دكلدر. (رون) ایرماغنك تابعلرندن (دورانسه) نهری آلپ سلسله سندن نبعانله، ایالتك حدود شمالیه سنی طولاشدقدن صكره، ایالتك غربی قسمنك اورته سندن چكه رك، بر چوق نهرلر دخی اخذ ایدر، كه بونلرك اك بیوكلری جنوب طرفنده كی (وردون) و اورته ده كی (آسه) و (بلىٔونه) نهرلریدر. ایالتك ایچنده صنایع هیج مثابه سنده اولوب، زراعته دخی اراضینك عدم مساعده سیله، یالكز آلچق محللرده وبعض وادیلرده حبوبات متنوعه ایله كنویر، وجنوب طرفنده زیتون وبادم آغاجلری زرع وغرس اولنیور. بو ایالتك باشلیجه ثروتی اغنامدن‌ اولوب، یازین ۰۰۰ ٤۰۰ قدر اغنام طاغلره سوق اولنور. معادنی ومرمر او جاقلریله معدن صولری چوق ایسه ده، معدنلرینك اكثریسی الآن اخراج اولنمامقده در. ایالت وجه آتی اوزره منقسمدر: قضا ناحیه داىٔرۀ بلدیه بارسلونته ٤ ٢۰ قاستلانه ٦ ٤٨ دینیه ٩ ٨٤ فورقالكیه ٦ ٥۰ سیسترون‌٥‌ ٤٩ كرك مركز ایالت اولان (دینیه) وكرك (بارسلونته) و (سیسترون) كبی قضا مركزلری كوچك قصبه لردن عبارت اولوب، ایالتك بیوك شهرلری یوقدر. یوللری نسبةً آز اولوب، یالكز بر دمیر یول خطی ایچندن چكیور، واوندن بر ایكی‌‌ كوچك شعبه آیریلیور.