Alpes Maritimes ~ آلپ ساحلی
Kamus-ul'Alam - Alpes Maritimes ~ آلپ ساحلی maddesi. Sayfa: 300 - Sira: 4
Alpes Maritimes - آلپ ساحلی
ساحلی _ فرانسه نك منتهای جنوب شرقیسنده واقع بر یالتی اولوب، ١٨٦۰ ده فرانسه یه چكمش اولان (نیسه) قونتلغیله (وار) ایالتندن آیریلان (غراس) قضاسندن عبارت، وفرانسه یی ایتالیادن آیران ساحلی آلپ سلسله سنك غربی اتكنده واقعدر. بو ایالت َ٣۰ ْ٤٤ ایله َ٣ ْ٤٣ عرض شمالی و ْ٤ َ٢۰ ایله َ٢۰ ْ٥ طول شرقی آره سنده واقع اولوب، شرقاً وشمالاً آلب سلسله سنك صرتیله ایتالیادن آیرلمشدر. غرباً (وار) و (آشاغی آلپ) ایالتلریله، جنوباً دخی آق دكیزله محدود ومحاطدر. مساحۀ سطحیه سی ٣٩٢٦ مربع كیلومتره، واهالیسی ۰٥٧ ٢٣٨ كشیدر، كه بهر كیلومتره باشنه ٦۰ كشی دوشیور. مركزی آق دكیز ساحلنده اولوب هواسنك لطافت وملایمیتیله مشهور اولان (نیسه) شهریدر. اراضیسی عمومیت اوزره طاغلق ایسه ده، طاغلری اورمانلر ومرعالرله مستور وغایت كوزل اولدیغی كبی (نیسه) و (غراس) جهتلرنده غایت منبت اووه لری دخی واردر. سواحلی بر قاچ كورفزولیمانی حاویدر. آلپ سلسله سندن اوچ شعبه آیریلوب، بو ایالتك ایچنده شمالدن جنوبه طوغری ممتد اولورلر، وآره لرنده بر طاقم كوزل وادیلر تشكیل ایدرلر. ایا-
لتك ایچنده آقان صولر باشیجه (وار) اسمیله بر نهره جمع اولنه رق، (نیسه) شهرینك غرب طرفنده دكیزه منصب اولورلر. بو نهرك صول طرفنده نیسه نك ایچندن چكن (پایون)، وصاغ طرفنده دخی (سیاتیه) و (لوپ) اسملریله اوچ كوچك نهر دخی آقیور. بو ایالتك هواسی طاغلرده یابس وسریع التحول ایسه ده، آلچق طرفلری وساحللری شمال وشمال شرقی روزكارلرندن محافظه لی اولمغله، علی الخصوص قیشین پك معتدل وملایم بر هوا ایله ممتازدرلر. (نیسه) و (قان) شهرلری فرانسه نك وبلكه بتون اوروپانك قیش ایچون تبیل هوا محللریدر. محصولاتی حبوبات متنوعه ایله اوزوم، پورتقال، لیمون، زیتون، دود، توتون وساىٔره دن عبارتدر. عطریات استحصانیچون پك چوق چیچك دخی یتیشدیریلیر. شوسه وجاده لری وساىٔر طرقی مكمل اولوب، مارسلیادن ایتالیایه كیدن دمیر یول خطی دخی جنوب جهتنده سواحل بوینجه چكر. صنایع وتجارتی باشلیجه چیچك صویی وانواع عطریاتله ایپك، بال، صابون، زیتون یاغی، شراب، میوه وساىٔره یه مخصردر. ایالت اوچ قضادن مركب اولوب، مركزلری (نیسه)، (غراس) و (پوژه تنیه) شهرلریدر. بو اوچ قضا ٢٥ ناحیه و ١٥۰ داىٔرۀ بلدیه یی حاویدر. اهالیسی همان كاملاً قتولیك اولوب، بر قسمی ایتالیاندر.
Kamusul Alam, Şemseddin Sami; Kamusul Alamde Alpes Maritimes maddesi. osmanlıcada Alpes Maritimes ne demek, Alpes Maritimes anlamı manası, Alpes Maritimes osmanlıca nasıl yazılır. Osmanlıca sözlükte Alpes Maritimes hakkında bilgi. Arapça Alpes Maritimes ne demek. Arapça osmanlıca sözlük. Farsçada Alpes Maritimes anlamı
Kamusul Alamde - آلپ ساحلی Alpes Maritimes maddesi. Şemseddin Sami, Kamusul Alam Ansiklopedisi