Asele Lappmark ~ آسله لاپمارق
Kamus-ul'Alam - Asele Lappmark ~ آسله لاپمارق maddesi. Sayfa: 192 - Sira: 3
Asele Lappmark - آسله لاپمارق
اسوجك شمال طرفنده (وستربوتن) یعنی ((غربی بوتنیا)) ایالتنده بر قصبه در، كه اسوجك النده بولنان (لاپونیا) نك اك جنوبی قسمی اولوب، سطحی یوكسك طاغلرله، بطاقلقلرله وبر چوق كوللرله مستور اولمغله، زراعته صالح اراضیسی پك آزدر، ومساحۀ سطحیه سی ٦٣٢٥ مربع كیلومتره اولدیغی حالده، اهالیسی آنجق ٣۰۰۰ كشی راده سنده اولوب، بونلرده (رن) دنیلن مأنوس برجنس كیك چوبانلغیله وكوللرده بالیقجیلقله چكنیرلر، و آنجق یقین وقتلرده بر مقدار پتاتس زرعنه آلیشمشلردر. نهرلرینك اك بیوكی (آنكرمان الف) اولوب، كرك بو نهر وكرك تابعلری مجرالرنده توسع ایده رك، بر چوق كوللر تشكیل ایدرلر. هیچ بر شهری اولمیوب، مركزی اولان (اسله) موقعندن بشقه بر قاچ بیوك كویی دها واردر.
Kamusul Alam, Şemseddin Sami; Kamusul Alamde Asele Lappmark maddesi. osmanlıcada Asele Lappmark ne demek, Asele Lappmark anlamı manası, Asele Lappmark osmanlıca nasıl yazılır. Osmanlıca sözlükte Asele Lappmark hakkında bilgi. Arapça Asele Lappmark ne demek. Arapça osmanlıca sözlük. Farsçada Asele Lappmark anlamı
Kamusul Alamde - آسله لاپمارق Asele Lappmark maddesi. Şemseddin Sami, Kamusul Alam Ansiklopedisi