Ascoli Piceno ~ آسقولي پيچنو
Kamus-ul'Alam - Ascoli Piceno ~ آسقولي پيچنو maddesi. Sayfa: 191 - Sira: 4
Ascoli Piceno - آسقولي پيچنو
ایتالیای وسطیده ملغا پاپا حكومتی داىٔره سنده ایالت وقضا مركزی بر شهردر، كه (آنقونه) نك یوز قدر كیلومتره جنوبنده و (سان بندتو) شهرینك ٢۰ كیلومتره جنوب غربیسنده، آنقونه دن ناپولی یه كیدن دمیر یولی خطی اوزرنده واقعدر. شهر بر تپه نك اوزرنده اولوب، بو تپه نك اتكنده (قاستلانو) چایی (ترونتو) نهریله برلشه رك، اورادن ٣١ كیلومتره آشاغیده آدریاتیق دكیزینه دوكیلور. شهر پك قدیم وغایت كوزل اولوب، صنایع وتجارتی دخی پك ایلریدر. ایچنده بولنان بر اسكی سرای، بر تیاترو ایله بر كتبخانه وبرده موزه خانه یی جامعدر. اهالیسی ٢٢٩٣٥ كشی اولوب، بونلرك ١٣۰۰۰ ی عمله وساىٔره طاقمندن بیانجیدر.
Kamusul Alam, Şemseddin Sami; Kamusul Alamde Ascoli Piceno maddesi. osmanlıcada Ascoli Piceno ne demek, Ascoli Piceno anlamı manası, Ascoli Piceno osmanlıca nasıl yazılır. Osmanlıca sözlükte Ascoli Piceno hakkında bilgi. Arapça Ascoli Piceno ne demek. Arapça osmanlıca sözlük. Farsçada Ascoli Piceno anlamı
Kamusul Alamde - آسقولي پيچنو Ascoli Piceno maddesi. Şemseddin Sami, Kamusul Alam Ansiklopedisi