Aspar ~ آسپار
Kamus-ul'Alam - Aspar ~ آسپار maddesi. Sayfa: 183 - Sira: 8
Aspar - آسپار
روما شرق ایمپراطورلغنك جنراللرندن اولوب، عن اصل (غوت) یعنی آلمانیالی ایدی. ایمپراطور (والنتینیان) طرفندن عصیان ایتمش اولان (ژان) ە قارشی ایتالیایه كوندریلوب، میلادك ٤٣٥ تاریخنده عاصیٔ مرقومی اطاعته كتیرمش ایسه ده، آلتی سنه صكره (واندال) لر حكمداری (جنسریق) طرفندن مغلوب اولمشیدی. ٤٥٧ تاریخنده، ایمپراطور (ماركیانوس) ك وفاتنده، آسپار تراكیلی (لىٔون) ی تخته اوتورتمش؛ وبو حكمدار جدیدی كندی اوغلی (آردابوریوس) ە قیصر عنواننی ویرمكه مجبور ایتمكله ده قناعت ایتمیه رك، ایمپرا-
طوری اولدورتمك تشبشنده ایكن، ٤٧١ تاریخنده ایمپراطور طرفندن اوغلیله برابر اعدام اولنمشدر.
Kamusul Alam, Şemseddin Sami; Kamusul Alamde Aspar maddesi. osmanlıcada Aspar ne demek, Aspar anlamı manası, Aspar osmanlıca nasıl yazılır. Osmanlıca sözlükte Aspar hakkında bilgi. Arapça Aspar ne demek. Arapça osmanlıca sözlük. Farsçada Aspar anlamı
Kamusul Alamde - آسپار Aspar maddesi. Şemseddin Sami, Kamusul Alam Ansiklopedisi