Azais ~ آزه
Kamus-ul'Alam - Azais ~ آزه maddesi. Sayfa: 180 - Sira: 5
Azais - آزه
فرانسه حكماسندن اولوب، میلادك ١٧٦٦ تاریخنده (سورزه) شهرنده طوغمش، و ١٨٤٥ ده وفات ایتمشدر. بر موسیقی استادینك اوغلی اولوب، (نانس) شهرنده ارغنون استادلغی ومعلملك ایتمش، وشهر مذكور كتبخانه سنك حافظ كتبی بولنمشدر. طبیعیات واخلاقی قاریشدیره رق، بر چوق كتابلر یازشدر؛ وكتابلرنده التزام ایتدیكی فلسفه یی ویردیكی عمومی درسلرده دخی افاده ایدر ایدی. باشلیجه طالع بشرك فنالقله اییلكك بربریله قاریشمسندن حاصل اولان براعتدالدن عبارت اولدیغنی، ودنیاده بری تضییق قوتندن ودیكری توسع استعدادندن عبارت اولمق اوزره، ایكی خاصۀ متباینه نك هر شیده ظهورینی التزام ایدر ایدی. اثرلری بر قاچ جلد اولوب، ایلك نشر اولندقلری وقت، خیلی شهرت بولمشلردیسه ده، اساساً هیج بر حقیقتی حاوی اولمدقلرندن، شهرتلری چابق زاىٔل اولمشدر.
Kamusul Alam, Şemseddin Sami; Kamusul Alamde Azais maddesi. osmanlıcada Azais ne demek, Azais anlamı manası, Azais osmanlıca nasıl yazılır. Osmanlıca sözlükte Azais hakkında bilgi. Arapça Azais ne demek. Arapça osmanlıca sözlük. Farsçada Azais anlamı
Kamusul Alamde - آزه Azais maddesi. Şemseddin Sami, Kamusul Alam Ansiklopedisi