Arou - آرو.

بحر محیط كبیرده آوسترالیا ایله ((یكی كینه)) آره سنده واقع (آرافوره) دكیزنده بر طاقم آطه لردر، كه، بربرلرینه پك یقین اولدقلرندن، قناللرله یارلمش واطراقی قیالرله محاط بر بیوك آطه كبی كورینورلر. َ٢٢ ْ٥ ایله ْ٧ عرض جنوبی و ْ١٣٢ ایله َ٣۰ ْ١٣٢ طول شرقی آره سنده واقع اولوب، هرطرفلری وعلی الخصوص شرق جهتی مرجان قیا وصیغلریله محاط اولدیغندن، سفاىٔنك یناشمه سی پك تهلكه لی، وبعض طرفلردن محالدر. بونلرك اك بیوكلری : قوبرور، وورقای، قره، تراته

ومایقور آطه لریدر. بو آطه لرك ساحللرنده پك چوق اینجی، صدف ودكیز قپلومباغه سی چیقوب، بونلرك تجارتی ده اهالی ایله بو بابده بر مقاوله عقد ایتمش اولان فلمنك دولتنه مخصردر. بو آطه لرك نباتات واشجاری پك چوق وقوتلی اولوب، ایچندن چكلمه سی محال اورمانلری واردر. شرق طرفنده كیلرك اهالیسی (پاپو) جنسندن (آلفورا) قومنه منسوبدرلر، كه رنكلری قوروم سیاهلغنده، برونلری یوكسك واوزون، صاچلری چوق وقبادر. بونلر ساكن آدملر اولوب، بر نوع پتاتس ایله قباق، پرنج وشكر قامشی زرعیله مشغول اولورلر. چبلاق كزوب، یالكز ستر عورت ایچون، بللرینه برپشتمال باغلارلر. غرب طرفنده كیلرك اهالیسی ایسه ملایی جنسندن اولوب، اكثریسی اهال اسلامدر، وبر جزىٔی مقدارلری خرستیانلغی قبول ایتمشلردر. بو آطه لر فلمنكه تابع ایسه لرده، فلمنكلیلر باشلیجه تجارتی تحت انخصارلرنده طوتوب، آطه لرده جزىٔی معاشله یالكز درت معلم بولندیریورلر، كه بو معلملر حكومت وكیللكی ومیسیونرلك وظاىٔفنی دخی اجرا ایدرلر. اهالینك مقداری بر روایته كوره ٨۰۰۰۰ ودیكر بر روایته كوره یالكز سكز اون بیك كشیدن عبارتدر.