Arnault ~ آرنولت
Kamus-ul'Alam - Arnault ~ آرنولت maddesi. Sayfa: 157 - Sira: 10
Arnault - آرنولت
یاخود آرناؤلت فرانسه ادباسندن اولوب، ١٧٦٦ تاریخ میلادیسنده پارسده طوغمش، و ١٨٣٤ ده وفات ایتمشدر. بیوك اختلالك ابتدالرنده جمهوریت فكریله یازدیغی هاىٔله لرله شهرت بولمش ایسه ده، ینه ارباب اختلالك هدف تعرضی اولوب، فرانسه دن هجرته مجبور اولمش؛ وبعده بیوك بوناپارته انتساب
ایده رك، برابرنده مصره كیتمش؛ وعودتنده جزایر سبعه والیلكنه، بعده دارالفنون مجلس اعضالغنه تعیین، ومجلس مبعوثانه مبعوث انتخاب اولنمشیدی. ١٨١٦ تاریخنده بوربون خاندانی طرفندن مجلس معارف اعضالغندن عزل ایله، فرانسه دن نفی اولنمش؛ و ١٨١٩ ده فرانسه یه عودت ایدوب، ١٨٢٩ ده یكیدن مجلس معارف اعضالغنه، ودرت سنه صكره مجلس مذكورك كتابت داىْمیه سنه نصب اولنمشدر. هاىٔله لرله اشعاردن وبعض منظوم حكایه لردن عبارت اولان آثاری سكز جلد اوزرینه نشر اولنمشدر. بوناپارتك ترجمۀ حالنه داىٔر بركوزل اثریله پك اهمیتلی بعض خاطره لری دخی واردر. _ اوغلی (لوسیان امیل) میلادك ١٧٨٧ تاریخنده طوغوب، ١٨٦٣ ده وفات ایتمش، وبو دخی بر چوق هاىٔله لر یازمشدر.
Kamusul Alam, Şemseddin Sami; Kamusul Alamde Arnault maddesi. osmanlıcada Arnault ne demek, Arnault anlamı manası, Arnault osmanlıca nasıl yazılır. Osmanlıca sözlükte Arnault hakkında bilgi. Arapça Arnault ne demek. Arapça osmanlıca sözlük. Farsçada Arnault anlamı
Kamusul Alamde - آرنولت Arnault maddesi. Şemseddin Sami, Kamusul Alam Ansiklopedisi