Arnaud ~ آرنود
Kamus-ul'Alam - Arnaud ~ آرنود maddesi. Sayfa: 156 - Sira: 9
Arnaud - آرنود
خرستیانلقده بر مذهب مخصوص ایجاد و اتخاذ ایدن مشاهیردن اولوب، میلادك ١١۰۰ تاریخنده ایتالیانك (برشا) شهرنده طوغمش؛ وكنج ایكن فرانسه یه كیدوب، برمدت (آبلار) ك درسنه مداومتدن صكره، ایتالیایه عودتله، راهب اولمش؛ ورهبانیتی تنسیق واصلاح ایله، حواریونك زماننده كی حرستیانلغی احیا ایتمكه قالقیشوب، طاىٔفۀ رهبانه املاك واموالك حرام اولدیغنی التزام ایتدیكندن، كندیسنه تابع اولان بر چوق خلق طاىٔفۀ رهبانه قارشی سلاحه صارلمغله، بعض شهرلرده بیوك غاوغالر وقوعنه سبب اولمشیدی. یاپا ایكنجی (اینوسان) ایله (لاتران) مجلس روحانیسی طرفندن محكوم اولوب، ١١٣٧ ده اسویچره یه چكلمكه مجبور اولمش ایسه ده، یدی سنه صكره، طرفدارلرینك تكثرینی كورنجه، رومایه دونوب، بربرینی متعاقب ایكنجی (لوچیوس) ایله اوچنجی (اوجن) نام پاپالری طرد، وامور سیاسیه یی دخی امور دینیه ایله مزج ایده رك، جمهوریتی احیا ایله،
بر مجلس اعیان تشكیل، واون سنه متمادیاً رومایی اداره ایتمش ایسه ده، مؤخراً پاپا دردنجی (آدریان) رومایه دخوله موفق اولنجه، (آرنود) طوسقانه یه قاچمغه مجبور اولمش؛ واوراده پاپا طرفندن امداده دعوات اولنان ایپراطور (فردریق باربروس) معرفتیله اخذ وكرفت، رووما شهر امیننه تسلیم ایله، بونك طرفندن ١١٥٥ تاریخنده، بر روایته كوره رأسی قطع، ودیكر بر روایته كوره حیاً احراق بالنار اولنمشدر.
Kamusul Alam, Şemseddin Sami; Kamusul Alamde Arnaud maddesi. osmanlıcada Arnaud ne demek, Arnaud anlamı manası, Arnaud osmanlıca nasıl yazılır. Osmanlıca sözlükte Arnaud hakkında bilgi. Arapça Arnaud ne demek. Arapça osmanlıca sözlük. Farsçada Arnaud anlamı
Kamusul Alamde - آرنود Arnaud maddesi. Şemseddin Sami, Kamusul Alam Ansiklopedisi