Arequipa ~ آركيپا
Kamus-ul'Alam - Arequipa ~ آركيپا maddesi. Sayfa: 136 - Sira: 8
Arequipa - آركيپا
پروده بو اسمله مسمی ایالتك مركزی بر شهر اولوب، (لیما) شهرینك ٩۰۰ كیلومتره جنوب شرقیسنده، وبحر محیط كبیر ساحلندن ٩٩ كیلومتره لك مسافه ده، ً١١ َ٢٤ ْ١٦ عرض جنوبی ایله ً٣٦ َ٥٥ ْ٧٣ طول غربیده واقع و ٤٥۰۰۰ اهالی یی جامعدر. كثرت نفوسجه پرونك ایكنجی، وصنایع معارف، زراعت وهر نوع اسباب ترقیجه برنجی شهری اولوب، ٢٤۰۰ متره یه قریب ارتفاعی اولان كوزل وواسع بر وادیده و ٦۰۰۰ متره ارتفاعی اولان (میستی) بر كاننك اتكنده و (شیله) نهرینك ایكی طرفنده واقعدر. بو شهر ١٥٤۰ تاریخ میلادیسنده تأسیس اولنوب، پك منتظم ایسه ده، اك ایی ابنیه سی ١٨٦٨ ده وقوع بولان حركت ارضدل منهدم اولمشدر. حرارتی سانتیغراد ١٢ ایله ٢٢ درجه آره سنده اولوب، هواسی غایت معتدل ایسه ده، پك یابسدر، وصولری طوزلیدر. (شیله) نهری اوزرنده ٢٧ متره طولنده بر كوزل كوپریسی واردر. بر طرفدن ساحله وبر طرفدن ده (پونو) شهرینه قدر ممتد بر دمیر یولی خطی واردر، كه بر مكمل صو یولیله دخی مترافقدر.
Kamusul Alam, Şemseddin Sami; Kamusul Alamde Arequipa maddesi. osmanlıcada Arequipa ne demek, Arequipa anlamı manası, Arequipa osmanlıca nasıl yazılır. Osmanlıca sözlükte Arequipa hakkında bilgi. Arapça Arequipa ne demek. Arapça osmanlıca sözlük. Farsçada Arequipa anlamı
Kamusul Alamde - آركيپا Arequipa maddesi. Şemseddin Sami, Kamusul Alam Ansiklopedisi