Arcot ~ آركوت
Kamus-ul'Alam - Arcot ~ آركوت maddesi. Sayfa: 136 - Sira: 2
Arcot - آركوت
یاخود آركت هندستانك جنوب شرقی طرفنده، (مدارس) اداره سنه شمالی آركوت ایالتنده و (پلار) نهرینك ساحل یمیننده، ساحلدن یوز متره قدر ایچریده ومدارس شهرینك ١١٧ كیلومتره جنوب غربیسنده، ً١٤ َ٥٤ ْ١٢ عرض شمالی ایله ً١٣ َ٢ ْ٧٧ طول شرقیده واقع بر بیوك شهردر، كه وقتیله بتون مملكتك مركزی ایدی. شهرك اوكنده (پلار) نهرینك وسعتی ٨۰۰ متره ایسه ده، قوراقلق موسملرنده بعضاً صویی بسبتون قورور. شهر وقتیله جسیم ومتین استحكاملرله مستحكم ایدیسه ده، انكلیزلر استحكاماتی هدم ایتمشلردر. شهری نهرك طغیانندن محافظه ایچون متین و كوزل بر سدی واردر. اهالیسنك قسم كلیسی اهل اسلام اولوب، ایكی مناره لی غایت كوزل بر جامع شریفی دخی واردر. اسكی نوابلرینك سرایی ویران حالنده در. شهر‌یكی ایسه ده، بونك یرنده اسكیدن (آركدو) اسمنده بر شهر بولنمش اولدیغی مروی، وبو آركدو شهرینك بطلمیوس طرفندن ذكر اولنان (آرقاتی رجیا) شهرینك عینی اولدیغی مظنوندر. عصر سابقده بو شهرك ضبطیچون فرانسز لرله انكلیزلر خیلی غوغالر ایدوب، كاه فرانسه وكاه انكلتره طرفندن ضبط، ومیلادك ١٧٨۰ تاریخنده هند امراسندن حیدر خانه تسلیم اولنمش، و ١٨۰١ ده انكلیزلرك الینه چكمشدر. شهرك ٥۰۰۰۰ اهالیسی واردر.
Kamusul Alam, Şemseddin Sami; Kamusul Alamde Arcot maddesi. osmanlıcada Arcot ne demek, Arcot anlamı manası, Arcot osmanlıca nasıl yazılır. Osmanlıca sözlükte Arcot hakkında bilgi. Arapça Arcot ne demek. Arapça osmanlıca sözlük. Farsçada Arcot anlamı
Kamusul Alamde - آركوت Arcot maddesi. Şemseddin Sami, Kamusul Alam Ansiklopedisi