Aristee ~ آرستيوس
Kamus-ul'Alam - Aristee ~ آرستيوس maddesi. Sayfa: 118 - Sira: 3
Aristee - آرستيوس
یونان قدیم اساطیرنده مذكور بر چوباندر، كه شمسدن كنایه اولان (آپولون) الهیله (پنیا) نهرینك قیزی اولان (كیرنه) نام پرینك اوغلی اولوب، انسانلره قویونلره باقمغی، سودو قویولاشدیرمغی وآریلر یتیشدیر مكی اوكرتمش. (تیبه) حكمدارینك قیزی (آوتونوىۀ) یی ازدواج ایتمش، و (آقتیون) اسمنده بر چوجغی دنیایه كلمش. مؤخراً بو اوغلی آوده كندی كوپكلری طرفندن پاره لنه رق، وفات ایتمكله، آرستیوس آجیسنه طیانه میه رق، یونانی تركله، استانكویه، اورادن ساردنیایه واورادن ده (تراكی) یعنی روم ایلی یه قاچوب، اوراده عشرت الهی (باقكوس) ە راست كلمكله، بوندن عیش ونوش اصولنی اوكرنه رك، (هموس) یعنی بلقان طاغلرینی مكان اتخاذ ایتمش؛ آنجق بر مدت صكره اورادن قاپیلوب، نابدید اولمش. یونانیلر بونی ده آلهه صره سنه چكیرمشلردی.
Kamusul Alam, Şemseddin Sami; Kamusul Alamde Aristee maddesi. osmanlıcada Aristee ne demek, Aristee anlamı manası, Aristee osmanlıca nasıl yazılır. Osmanlıca sözlükte Aristee hakkında bilgi. Arapça Aristee ne demek. Arapça osmanlıca sözlük. Farsçada Aristee anlamı
Kamusul Alamde - آرستيوس Aristee maddesi. Şemseddin Sami, Kamusul Alam Ansiklopedisi